Umhverfis- og samgöngunefnd - 137. fundur

Lögð fram skýrsla um samræmingu úrgangsflokkunar á höfuðborgarsvæðinu ásamt minnisblaði starfshóps SSH um málið. Erindið var lagt fyrir bæjarráð 28. janúar síðastliðinn þar sem því var frestað til að vera lagt fram í ráðum og nefndum sveitarfélagsins.

Umhverfis- og samgöngunefnd leggur áherslu á að samræma flokkun á höfuðborgarsvæðinu og samþykkir framlagða tillögu að leið A1. Nefndin leggur áherslu á fjóra strauma úrgangsflokkunar, sérsöfnun við heimili og að það verði samþykkt af öllum sveitarfélögum á höfuðborgarsvæðinu.

Frá sviðsstjóra umhverfissviðs, dags. 30. nóvember, lögð fram drög að aðgerðaráætlun fyrir leiksvæði í Kópavogi skv. greinargerð garðyrkjustjóra dags. 30. nóvember. Á fundi bæjarráðs 10. desember 2020 var samþykkt að vísa aðgerðaráætlun um endurnýjun leiksvæða í Kópavogi til umsagnar nefnda og ráða bæjarins.

Umhverfis- og samgöngunefnd þakkar framlagða skýrslu og gerir ekki athugasemdir við hana.

Umhverfis- og samgöngunefnd leggur áherslu á að fækka leiksvæðum og byggja upp stærri leiksvæði í hverju hverfi þar sem hugað er að gæðum og framboð af fjölbreyttum leiktækjum fyrir breiðan aldurshóp. Hugað verði sérstaklega að öryggi á leiksvæðum í Kópavogi og jafnframt áhersla lögð á góðan frágang á leiksvæðum sem eru aflögð.