Umhverfis- og samgöngunefnd - 139. fundur

Frá verkefnastjóra íbúatengsla lögð fram tillaga að verkefnisáætlun um innleiðingu Loftlagsstefnu Kópavogsbæjar dags. 4. mars 2021.

Umhverfis- og samgöngunefnd samþykkir framlagða tillögu að verkefnisáætlun Loftlagsstefnu Kópavogsbæjar.

Lögð fram að nýju skógræktaráætlun Kópavogs. Á fundi umhverfis- og samgöngunefndar 14 júní 2020 kynnti Brynjólfur Jónsson framkvæmdastjóri hjá Skógræktarfélagi Íslands drög að skógræktaráætlun. Málið var lagt fram og kynnt. Á fundi umhverfis- og samgöngunefndar 2. febrúar 2021 voru lagðar fram umsagnir frá Minjastofnun Íslands, Skógræktinni, Landgræðslunni, Forsætisráðuneytinu, Heilbrigðiseftirliti Hafnarfjarðar- og Kópavogssvæðis, Umhverfisstofnun og Náttúrufræðistofnun Íslands.

Þá er lagt fram minnisblað garðyrkjustjóra dags. 10. mars 2021.

Umhverfis- og samgöngunefnd samþykkir framlagða tillögu.

Frá Umhverfissviði lögð fram tillaga að fyrirkomulagi og gjaldi fyrir garðlönd Kópavogs 2021.

Umhverfis- og samgöngunefnd samþykkir framlagða tillögu að fyrirkomulagi og gjaldi fyrir garðlönd árið 2021. Vísað til bæjarráðs og bæjarstjórnar.

Frá Garðyrkjustjóra lögð fram tillaga að framkvæmdum á útivistarsvæðum í Kópavogi 2021.

Umhverfis- og samgöngunefnd samþykkir framlagða tillögu að framkvæmdum á útivistarsvæðum í Kópavogi fyrir árið 2021.

Lögð fram og kynnt tillaga að breyttu skipulagi Smárahvammsvegar. Markmið tillögunnar eru að aðlaga götuna að umferðarmagni, auka umferðaröryggi, koma fyrir stofnstíg hjólreiða og aðlaga götumyndina og umhverfið að nýju skipulagi nálægra reita. Tillagan sem unnin er af VSÓ ráðgjöf er dags. í febrúar 2021.

Svanhildur Jónsdóttir umferðar- og samgönguverkfræðingur gerir grein fyrir tillögunni.

Umhverfis- og samgöngunefnd samþykkir að unnið verði áfram á grundvelli framlagðrar tillögu og vísar málinu til afgreiðslu umhverfissviðs.

Frá Markaðsstofu Kópavogsbæjar lagt fram erindi um ósk um samstarf við lagfæringar og merkingar á gönguleiðum við Elliðavatn og út frá Guðmundarlundi. Markaðsstofa Kópavogs hefur fengið syrk úr nýsköpunarsjónum SÓLEY, sjóði Samtaka sveitarfélaga á höfuðborgarsvæðinu fyrir nýsköpun og sjálfbærni í ferðaþjónustu. Styrkurinn er veittur vegna verkefnisins "Hiking Haven - Gönguleiðir og kort". Styrknum frá Sóley verður varið til að fjármagna hluta af kostnaði við merkingar og til kortagerðar dags. 4. mars 2021.

Umhverfis- og samgöngunefnd vísar erindinu til umsagnar umhverfissviðs.

Kynntar verða mögulegar útfærslur á brúarhandriðum á brúm yfir Hafnarfjarðarveg á Digranesvegi og Hamraborg. Til að uppfylla öryggisskilyrði þarf Vegagerðin að bæta árekstursstyrk handriða á brúnum sem í dag fullnægja ekki kröfum um öryggi og styrk.

Deildarstjóri gatnadeildar gerir grein fyrir stöðu mála.

Umhverfis- og samgöngunefnd samþykkir framlagðar tillögur að útfærslu á brúarhandriðum á brúm yfir Hafnafjarðarveg á Digranesvegi og Hamraborg.

Lögð fram tillaga að breytingu á Smiðjuvegi við gönguþverun við Fossvogsbrún til að auka öryggi vegfarenda yfir götuna. Samhliða verður lokað á vinstri beygju inn á Smiðjuveg þar sem óhöpp hafa verið tíð.

Umhverfis- og samgöngunefnd samþykkir framlagðar breytingar á gönguþverun á Smiðjuvegi við Fossvogsbrún. Vísað til bæjarráðs og bæjarstjórnar.