Velferðar- og mannréttindaráð - 4. fundur

Verkefnastjóri ríkislögreglustjóra kynnir samstarfsverkefnið EXIT - leið út úr afbrotum.

Velferðar- og mannréttindaráð þakkar fyrir góða kynningu og lýsir áhuga á að Kópavogsbær taki þátt í EXIT - samstarfsverkefninu.

Áfrýjun dags. 3.4.2025, ásamt tilgreindum fylgiskjölum, lögð fram til afgreiðslu.

Fært í trúnaðarbók.

Áfrýjun dags. 27.3.2025, ásamt tilgreindum fylgiskjölum, lögð fram til afgreiðslu.

Fært í trúnaðarbók.

Áfrýjun dags. 12.3.2025, ásamt þar tilgreindum fylgiskjölum, lögð fram til afgreiðslu.

Fært í trúnaðarbók.

Áfrýjun dags. 1.4.2025, ásamt þar tilgreindum fylgiskjölum er lögð fram til afgreiðslu.

Fært í trúnaðarbók.

Kynning um meðferð mála vegna vanefnda leigutaka.

Velferðar- og mannréttindaráð þakkar fyrir góða kynningu.

Áfrýjun dags. 26.3.2025, ásamt tilgreindum fylgiskjölum, lögð fram til afgreiðslu.

Fært í trúnaðarbók.

Fundargerð í sjö liðum.

Lagt fram.

Lögð fram tillaga ásamt greinargerð frá Sigurbjörgu Erlu Egilsdóttur um að velferðar- og mannréttindaráð Kópavogs taki til sérstakrar umfjöllunar kynjahlutföll í fastanefndum bæjarstjórnar, í ljósi þess að kynjahlutföll í að minnsta kosti þremur ráðum - menntaráði, skipulags- og umhverfisráði og velferðar- og mannréttindaráði - uppfylla ekki ákvæði 15. gr. jafnréttislaga nr. 150/2020. Einnig er lagt til að ráðið geri tillögu til bæjarráðs um viðeigandi úrbætur.

Velferðar- og mannréttindaráð Kópavogs tekur undir mikilvægi þess að kynjahlutföll í nefndum og ráðum á vegum bæjarins endurspegli ákvæði 28.gr. jafnréttislaga nr. 150/2020. Ráðið hvetur bæjarstjórn til að bregðast við þar sem við á.

Sigurbjörg Erla Egilsdóttir aðalmaður Pírata í velferðar- og mannréttindaráði óskaði eftir að lagðar væru fram þær viðaukabeiðnir sem farið hafa frá velferðarsviði til bæjarstjóra það sem af er kjörtímabili.

Velferðar- og mannréttindaráð vísaði málinu til úrvinnslu sviðsstjóra og er nú lagt fram minnisblað sviðsstjóra dags. 21.4.2025.

Lagt fram.

Samkomulag milli ríkis og sveitarfélaga um börn með fjölþættan vanda dags. 19.3.2025 lagt fram til kynningar

Lagt fram.

Lögð fram til afgreiðslu beiðni um rekstrarstyrk vegna ársins 2025 frá Skjólinu.

Velferðar- og mannréttindaráð frestar afgreiðslu á beiðni um rekstrarstyrk frá Skjólinu. Óskað er eftir ársreikningi frá rekstraraðila og yfirliti yfir fjölda íbúa frá Kópavogi sem sækja þjónustu í Skjólið.

Lögð fram til afgreiðslu beiðni um rekstrarstyrk vegna ársins 2025 frá Matthildi, samtökum um skaðaminnkun.

Velferðar- og mannréttindaráð samþykkir að veita Matthildi styrk að upphæð kr. 650.000- fyrir árið 2025 gegn framvísun ársreiknings.

Lögð fram til afgreiðslu beiðni um rekstrarstyrk vegna ársins 2025 frá Klúbbnum Geysi.

Velferðar- og mannréttindaráð frestar afgreiðslu á beiðni um rekstrarstyrk frá Klúbbnum Geysi. Óskað er eftir umsögn frá velferðarsviði. Einnig er óskað eftir yfirliti yfir fjölda íbúa frá Kópavogi sem sækja þjónustu í Klúbbnum Geysi frá rekstraraðilanum.

Sviðsstjóri kynnir starfið á velferðarsviði á milli funda velferðarráðs.