Velferðarráð - 133. fundur

Lögð fram til kynningar skýrsla Gæða- og eftirlitsstofnunar vegna úttektar á samræmdri móttöku flóttafólks sem gefin var út í maí 2024.

Velferðarráð þakkar fyrir góða kynningu.

Minnisblað sviðsstjóra dags. 22.5.2024 ásamt tilgreindum fylgiskjölum lagt fram.

Sigurbjörg Erla Egilsdóttir aðalmaður Pírata leggur til eftirfarandi bókun velferðarráðs:

"Velferðarráð samþykkir að við endurskoðun velferðarstefnu Kópavogs haustið 2024 verði mótuð stefna Kópavogsbæjar í málefnum heimilislausra. Stefnan mæli fyrir um hvernig þjónustu við heimilislausa skuli háttað og taki mið af þörfum hópsins, byggi á skaðaminnkandi nálgun og miði að því að tryggja hópnum aðgengi að þjónustu og húsnæði án strangra skilyrða. Í samræmi við tillögur skýrslu verkefnastjóra samstarfsverkefnis í málefnum heimilislausra verði unnið út frá kjarna þeirrar hugmyndafræði að húsnæði sé grunnþörf sem þarf að mæta áður en tekist er á við annan vanda sem einstaklingur kann að kljást við, svo sem fíkni-og/eða geðvanda."

Björg Baldursdóttir formaður leggur til að afgreiðslu tillögunar verði frestað til næsta fundar ráðsins.

Frestun var samþykkt með fjórum atkvæðum Bjargar Baldursdóttur, Matthíasar Björnssonar, Páls Marís Pálssonar og Sigrúnar Bjarnadóttur og hjásetu Einars Arnar Þorvarðarsonar, Hólmfríðar Hilmarsdóttur og Sigurbjargar Erlu Egilsdóttur.

Einar Örn Þorvarðarson aðalmaður Viðreisnar, Hólmfríður Hilmarsdóttir aðalmaður Vina Kópavogs og Erlendur H. Geirdal áheyrnarfulltrúi Samfylkingar taka undir tillögu Sigurbjargar að bókun velferðarráðs.

Áfrýjun dags. 14.5.2024 ásamt tilgreindum fylgiskjölum lögð fram til afgreiðslu.

Fært í trúnaðarbók.

Áfrýjun dags. 8.4.2024 ásamt tilgreindum fylgiskjölum lögð fram til afgreiðslu.

Fært í trúnaðarbók.

Lagðar fram til kynningar tölulegar upplýsingar um starfsemi velferðarsviðs janúar til apríl 2024.

Lagt fram.

Staðgengill sviðsstjóra kynnir starfið á velferðarsviði á milli funda velferðarráðs.

Lögð er fram tillaga um að fundur velferðarráðs sem fyrirhugaður var mánudaginn 10. júní verði færður til þriðjudagsins 18. júní kl. 16:15. Einnig er lagt til að fundurinn verði haldinn í nýju húsnæði velferðarsviðs að Vallakór 4.

Velferðarráð samþykkir að næsti fundur ráðsins verði haldinn 18. júní kl. 16:15 í Vallakór 4.