Farsæld barna
Samþætt þjónusta í þágu farsældar barna sem tryggir að börn og fjölskyldur falli ekki á milli kerfa.
Samþætt þjónusta í þágu farsældar barna
Börn og foreldrar eiga að hafa aðgang að samþættri þjónustu við hæfi og án hindrana. Samþætt þjónusta er skipulögð og samfelld og hefur það markmið að styðja farsæld barns. Hún skapar einnig heildarsýn og ramma um þau þjónustukerfi sem skipta mestu máli.
Samþætting þjónustu felur ekki í sér ný úrræði. Hún snýst um hvernig ólíkir þjónustuaðilar vinna saman að málum barna og fjölskyldna. Lögð er áhersla á að leita sameiginlegra lausna sem mæta þörfum hverju sinni.
Markmiðin með samþættingu þjónustu er að samstarf í kringum börn og fjölskyldur sé í skýrum farvegi og tryggt að barnið sé hjartað í kerfinu.
Öll börn og foreldrar eiga að hafa aðgang að tengilið eftir þörfum.
Hver er tengiliður?
- Frá meðgöngu til skólagöngu:
Tengiliður er starfsmaður heilsugæslu. - Í leik-, grunn- og framhaldsskóla:
Tengiliður er starfsmaður skólans. - Ef barn fer ekki í framhaldsskóla:
Tengiliður er á velferðarsviði Kópavogs.
Hlutverk tengiliðar
Tengiliður:
- veitir upplýsingar og ráðgjöf
- aðstoðar foreldra og barn við að finna viðeigandi stuðning
- styður við samþættingu þjónustu á fyrsta stigi
- hjálpar til við að tryggja gott samstarf milli þeirra sem koma að málefnum barnsins
Hvernig er haft samband?
Foreldrar og börn geta:
- Leitað beint til tengiliðar í nærumhverfi barnsins.
- Sent beiðni um samtal í gegnum Minn Kópavog.
Upplýsingar um tengiliði má finna á heimasíðum skólanna.
- Frá meðgöngu til skólagöngu:
Barn sem þarf fjölþætta og langvarandi þjónustu á öðru og/eða þriðja stigi fær málstjóra frá barna- og fjölskylduteymi velferðarsviðs eða barnaverndarþjónustu.
Hlutverk málstjóra
- Veitir upplýsingar og ráðgjöf.
- Leiðir samþættingu þjónustu.
- Ber ábyrgð á gerð stuðningsáætlunar.
- Stýrir stuðningsteymi.
- Fylgir eftir að þjónusta sé veitt í samræmi við áætlun.
Nánari upplýsingar
Samþætting þjónustu er unnin samkvæmt lögum um farsæld barna sem tóku gildi 1. janúar 2022. Innleiðing laganna stendur til loka árs 2026.
Kópavogsbær gætir að öryggi persónuupplýsinga samkvæmt gildandi lögum og reglum. Allt starfsfólk sem kemur að vinnslu persónuupplýsinga er bundið þagnarskyldu.