Heimgreiðslur
Heimgreiðslum er ætlað að brúa bilið frá því að fæðingarorlofi lýkur þar til barn fær pláss hjá dagforeldri eða í leikskóla.
Fæ ég heimgreiðslur?
Heimgreiðslur eru fyrir foreldra eða forsjáraðila sem sjá sjálfir um
umönnun barns meðan beðið er eftir plássi í dagvistun.
Til að fá heimgreiðslur þarf:
- Barn að vera með lögheimili í Kópavogi.
- Barn að vera 15 mánaða eða eldra.
- Barn að vera hvorki í leikskóla né hjá dagforeldri.
- Barn að njóta ekki annarra niðurgreiðslna frá Kópavogsbæ vegna dvalar.
Hvernig sæki ég um?
Sótt er um heimgreiðslur á Minn Kópavogur.
Athugið:
- Umsókn þarf að berast fyrir 20. dag mánaðar til að taka gildi frá næstu mánaðamótum.
- Aðeins þarf að sækja um einu sinni.
- Heimgreiðslur eru ekki afturvirkar.
Upphæð og greiðslur
Heimgreiðslur eru 115.810 kr. á mánuði (frá 1. janúar 2026).
Greiðslur:
- Hefjast frá næstu mánaðamótum eftir að barn verður 15 mánaða.
- Eru greiddar eftirá.
- Eru að hámarki greiddar í 11 mánuði á ári.
- Eru ekki greiddar fyrir júlí.
Greiðslur falla niður þegar:
- Barn byrjar hjá dagforeldri eða í leikskóla.
- Foreldrar hafna leikskólaplássi fyrir barn 30 mánaða eða eldra.
- Lögheimili barns flyst úr Kópavogi.
Heimgreiðslur eru greiddar sem styrkur og eru ekki skattskyldar.