Leik­skólar

Úthlutanir fara fram á tímabilinu mars til maí.

Gjaldskrá

Allar gjaldskrár Kópavogsbæjar eru birtar með fyrirvara um villur. Reiknivél leikskólagjalda er í vinnslu.

Leikskólagjöld

Í samræmi við samþykkt bæjarráðs 6. júlí 2023 tekur gjaldskráin breytingum fjórum sinnum á ári. Breytingar hverju sinni taka mið af þróun á undirliggjandi vísitölum.

Leikskólagjöld eru innheimt frá og með þeim degi sem vistun barns hefst, óháð aðlögunartíma. Nánari upplýsingar um innritun og fleira má finna í reglum um innritun leikskóla.

Gjaldskrá tekur gildi 1. október 2026

Fæðisgjöld

Almennt gjald

Tekjutengdir afslættir

Hægt er að sækja um tekjutengdan afslátt á umsóknarvef. Umsókn um afslátt þarf að berast fyrir 20. dag mánaðar til þess að taka gildi frá og með næstu mánaðarmótum á eftir. Afsláttur er ekki veittur afturvirkt. Frekari upplýsingar um tekjutengdan afslátt er að finna í reglum um tekjutengdan afslátt.

Starfmannaafsláttur
Starfsfólk í leikskólum í 75% eða hærra starfshlutfalli á rétt á 40% starfsmannaafslætti.

Systkinaafsláttur
Systkinaafsláttur reiknast ofan á tekjutengdan afslátt þegar við á.

Systkinaafsláttur fer eftir fjölda yngri systkina. Systkinaafsláttur hækkaði, frá 1.október 2025, úr 30% í 50% af dvalargjaldi ef barn á eitt yngra systkini, en 100% af dvalargjaldi ef barn á tvö yngri systkini eða fleiri í leikskóla eða í dvöl hjá dagforeldri. Systkinaafsláttur reiknast af dvalargjaldi eldri systkina. Systkinaafsláttur reiknast ofan á aðra afslætti. Ekki er veittur afsláttur af fæðisgjöldum. Ekki þarf að sækja um systkinaafslátt.

Dæmi um dvalargjöld með afslætti án fæðis

Allar gjaldskrár Kópavogsbæjar eru birtar með fyrirvara um villur.

Framlög til sjálfstætt starfandi leikskóla

Gjaldskrá gildir frá apríl 2026

Bæjarstjórn Kópavogs samþykkir að greiða framlag í 11 mánuði á ári vegna dvalar barna í sjálfstætt starfandi leikskólum. Ekki er greitt fyrir sumarleyfismánuði, júlí eða ágúst.

Skilyrði fyrir greiðslu framlags vegna barna í sjálfstætt starfandi leikskóla eru eftirfarandi:

1. Barn sé með lögheimili í Kópavogi
2. Barn sé slysatryggt í leikskólanum
3. Viðkomandi leikskóli hafi fullgilt rekstrarleyfi og uppfylli lög um leikskóla reglugerð og vinni samkvæmt aðalnámskrá leikskóla
4. Barn njóti ekki annarra niðurgreiðslna vegna vistunar barnsins

Framlög til sjálfstætt starfandi leikskóla taka mið af viðmiðunargjaldskrá Sambands íslenskra sveitarfélaga. Viðmiðunargjaldskráin sýnir brúttótölur og frá þeim dragast leikskólagjöld viðkomandi leikskóla. Ef leikskólagjöld viðkomandi leikskóla eru lægri en leikskóla Kópavogs skal miða við leikskólagjöld Kópavogs við útreikning framlags.

Framlög eru greidd samkvæmt reikningi þar sem fram kemur nafn barns, kennitala, heimilisfang, leikskólagjöld og dvalartími ásamt staðfestingu foreldris/forráðamanns.

Greiðslur geta hafist þegar barn hefur náð tíu mánaða aldri en sex mánaða aldri ef foreldri einstætt.

Einstæðir foreldrar, námsmenn þar sem báðir foreldrar eru í fullu námi og öryrkjar með metna örorku (75% eða meira) greiða lægra gjald og er framlag Kópavogsbæjar því hærra í þeim tilvikum.

Námsmenn þurfa að framvísa vottorði til staðfestingar um námsárangur eftir hverja önn og er afsláttur leiðréttur eftirá fyrir hverja önn. Afsláttur til námsmanna gildir ekki 1. júní til 31. ágúst, nema foreldrar séu í fullu sumarnámi.

Samþykkt í bæjarstjórn Kópavogs, nóvember 2023

Hvað kostar dvöl í leikskóla í Kópavogs? Settu inn hvað þú þarft margra tíma dvöl á hverjum degi fyrir barnið þitt og sjáðu hver leikskólagjöldin verða. Athugið að ekki þarf að hafa dvalartíma jafn langan alla daga en skráður dvalartími getur ekki hafist seinna en 09:00 á degi hverjum.

Systkinaafsláttur

• Systkinaafsláttur reiknast af dvalargjöldum en ekki fæðisgjöldum. Systkinaafsláttur fer eftir fjölda yngri systkina.
• Við útreikning á systkinaafslætti leikskólabarna eru talin með öll yngri systkini sem eru í leikskóla eða hjá dagforeldri.
• Systkinaafsláttur í leikskóla er 50% ef barn á eitt yngra systkin, en 100% ef barn á tvö yngri systkini eða fleiri á leikskóla eða í dvöl hjá dagforeldri.
• Systkinaafsláttur í frístund grunnskóla er 30% ef barn á eitt yngra systkin, 75% ef barn á tvö yngri systkini og 100% ef barn á þrjú yngri systkini eða fleiri sem eru í frístund, leikskóla eða hjá dagforeldri.
• Systkinaafsláttur er eini afslátturinn sem reiknast ofan á aðra afslætti.
• Ekki þarf að sækja sérstaklega um systkinaafslátt þar sem hann reiknast sjálfkrafa í skráningarkerfinu Völu sem heldur utan um skráningar barna hjá dagforeldrum, sem og í leikskóla og frístund.

Tekjutengdur afsláttur
Sjá nánar í gjaldskrá hér fyrir neðan.

Fæðisgjöld
Sjá nánar í gjaldskrá hér fyrir neðan.

Dvalartími
Bent er á að hægt er að hafa mismunandi dvalartíma milli daga og að öll stytting á dvalartíma kemur til lækkunar á leikskólagjöldum. Útreikningur leikskólagjalda byggir á nákvæmu meðaltali dvalartíma á dag og geta dvalargjöld því verið milli gjaldflokka eins og þeir birtast í gjaldskrá.

Dvalartími mismunandi milli daga
Foreldrar geta óskað eftir að barn sé í dvöl 4 daga í viku í stað 5 daga. Foreldrar geta ekki valið 4 daga dvöl í Völu eða reiknivél heldur þurfa foreldrar að senda á viðkomandi leikskólastjóra ósk um 4 daga dvöl sé þess óskað.

Fyrirvari. Athugið að útreikningar í reiknivél eru birtir með fyrirvara um mögulegar villur. Ef um misræmi er að ræða gilda upplýsingar í gjaldskrá.

Smelltu á skjal til að hlaða niður dagatali fyrir þinn leikskóla