Leik­skólar

Sótt er um leikskólapláss í leikskólakerfinu Völu.

Mikilvægt er að umsókn berist fyrir 1. mars árið sem óskað er eftir leikskólaplássi.

• Skráðu þig inn á umsóknarvef Völu með rafrænum skilríkjum.
• Veldu allt að fimm leikskóla.
• Settu þann leikskóla sem þú vilt helst í 1. sæti, næsta í 2. sæti og svo framvegis.
• Sendu inn umsókn.

Börn fara á biðlista eftir aldri (fæðingardegi).

• Hægt er að velja allt að fimm leikskóla.
• Ef barn fær ekki pláss í fyrsta vali getur það fengið boð í annan leikskóla á listanum.
• Ef ekki er pláss í þeim leikskólum sem valdir voru getur barn fengið boð um pláss í öðrum leikskóla sem var ekki á listanum.
• Reynt er að taka tillit til ef barn á systkini í sama leikskóla.
• Ef barn fær pláss í öðrum leikskóla en óskað var eftir er hægt að sækja um flutning síðar.

Í ákveðnum tilvikum er hægt að sækja um forgang, til dæmis fyrir:

• Börn 4–5 ára.
• Börn með fötlun eða þroskaraskanir.
• Langveik börn.
• Börn í erfiðum aðstæðum.
• Börn starfsfólks leikskóla.

Dvalartími barna getur verið mismunandi eftir þörfum fjölskyldna og er skráður í leikskólakerfinu Völu.

Gott að vita:

• Leikskóladvöl er gjaldfrjáls ef hún er 30 klukkustundir eða minna á viku.
• Þið ákveðið sjálf hvernig þið dreifið þessum 30 klukkustundum yfir vikuna.
• Aðeins er greitt fyrir fæði ef dvalartími er 30 klukkustundir eða minna á viku.
• Börn þurfa að mæta fyrir kl. 9:00.
• Lágmarksdvöl eru 4 klukkustundir á dag.
• Hægt er að velja dvöl 4 daga í viku.
• Dvalartími er skráður í 15 mínútna einingum eða heilum klukkustundum.
  

Breytingar á dvalartíma:

• Beiðni er skráð í Völu og þarf samþykki leikskólastjóra.
• Yfirleitt er miðað við að dvalartími haldist óbreyttur í 2–3 mánuði.

Ef þörf er á tímabundinni breytingu, til dæmis vegna fæðingarorlofs eða atvinnumissis, er reynt að koma til móts við það.

Gagnkvæmur uppsagnarfrestur er einn mánuður og miðast við fyrsta eða fimmtánda dag mánaðar.

Uppsögn á leikskóladvöl skal berast leikskólastjóra.

Ef leikskólagjöld eru í vanskilum í þrjá mánuði eða lengur getur leikskóladvöl verið sagt upp. Hægt er að hafa samband við innheimtudeild vegna greiðslusamkomulags.

Í leikskólum starfa sérkennslustjórar sem veita ráðgjöf til foreldra og starfsfólks.

Önnur sérfræðiþjónusta er veitt í gegnum leikskóladeild menntasviðs Kópavogs, til dæmis frá:

• Sálfræðingum
• Iðjuþjálfum
• Talmeinafræðingum
• Sérkennsluráðgjöfum

Í Völu geta foreldrar fylgst með degi barnsins.

Þar getur þú meðal annars:

• Séð dagskrá.
• Fylgst með svefni og mat.
• Skoðað matseðil.
• Séð dagatal.
• Sent skilaboð.
• Skráð forföll.

Vala er aðgengileg í vafra og appi á íslensku, ensku og pólsku.

Innskráning fer fram með rafrænum skilríkjum.

Á skráningardögum er vistun valkvæð og leikskólagjöld felld niður nema fyrir þau börn sem eru skráð í dvöl.

Skólastarfið er einfaldað á skráningardögum og eru ávallt opnir að minnsta kosti tveir leikskólar fyrir börn sem eru skráð.

Breytilegt er hvaða leikskólar eru opnir hverju sinni en tryggt er að það sé bæði í efri og neðri hverfum bæjarins.

Mönnun er skipulögð þannig að starfsfólk úr leikskóla barnsins mun starfa í þeim leikskólum sem verða opnir og þekkir þarfir barnsins.

Tímabil skráningardaga eru í:

• Október – á sama tíma og vetrarleyfi grunnskóla.
• Desember/janúar – yfir jól og áramót.
• Febrúar – á sama tíma og vetrarleyfi grunnskóla.
• Mars/apríl – í dymbilviku / dagana í vikunni fyrir páska.

Við veðurviðvaranir fylgja leikskólar leiðbeiningum almannavarna og Veðurstofu Íslands.

Leikskólar eru lokaðir frá 8. júlí til 5. ágúst.

Barn sem flytur milli sveitarfélaga á höfuðborgarsvæðinu getur haldið leikskólaplássi sínu í allt að 12 mánuði eftir flutning lögheimilis, eða þar til nýtt pláss fæst í nýja sveitarfélaginu.

Sækja þarf um:

• Leikskólapláss í nýju sveitarfélagi.
• Framlengda dvöl í því sveitarfélagi sem flutt er frá.

Börn á lokaári leikskóla geta lokið leikskólagöngu sinni í sama leikskóla.

Allar gjaldskrár Kópavogsbæjar eru birtar með fyrirvara um villur.

Leikskólagjöld

Í samræmi við samþykkt bæjarráðs 6. júlí 2023 tekur gjaldskráin breytingum fjórum sinnum á ári. Breytingar hverju sinni taka mið af þróun á undirliggjandi vísitölum.

Leikskólagjöld eru innheimt frá og með þeim degi sem vistun barns hefst, óháð aðlögunartíma. Nánari upplýsingar um innritun og fleira má finna í reglum um innritun leikskóla.

Gjaldskrá tekur gildi 1. maí 2026

Fæðisgjöld

Dæmi um dvalargjöld með afslætti og fæði

Tekjutengdir afslættir

Hægt er að sækja um tekjutengdan afslátt á umsóknarvef. Umsókn um afslátt þarf að berast fyrir 20. dag mánaðar til þess að taka gildi frá og með næstu mánaðarmótum á eftir. Afsláttur er ekki veittur afturvirkt. Frekari upplýsingar um tekjutengdan afslátt er að finna í reglum um tekjutengdan afslátt.

Starfmannaafsláttur
Starfsfólk í leikskólum í 75% eða hærra starfshlutfalli á rétt á 40% starfsmannaafslætti.

Systkinaafsláttur
Systkinaafsláttur reiknast ofan á tekjutengdan afslátt þegar við á.

Systkinaafsláttur fer eftir fjölda yngri systkina. Systkinaafsláttur hækkar, frá 1.október 2025, úr 30% í 50% af dvalargjaldi ef barn á eitt yngra systkini, en 100% af dvalargjaldi ef barn á tvö yngri systkini eða fleiri í leikskóla eða í dvöl hjá dagforeldri. Systkinaafsláttur reiknast af dvalargjaldi eldri systkina. Systkinaafsláttur reiknast ofan á aðra afslætti. Ekki er veittur afsláttur af fæðisgjöldum. Ekki þarf að sækja um systkinaafslátt.

Hægt er að skoða leikskólagjöld útfrá mismunandi fjölda dvalartíma og afsláttum í reiknivél leikskólagjalda. Hægt er að skoða alla reikninga undir Gjöld í þjónustugátt.

Almennt gjald

Tekjutengdir afslættir

Hægt er að sækja um tekjutengdan afslátt á umsóknarvef. Umsókn um afslátt þarf að berast fyrir 20. dag mánaðar til þess að taka gildi frá og með næstu mánaðarmótum á eftir. Afsláttur er ekki veittur afturvirkt. Frekari upplýsingar um tekjutengdan afslátt er að finna í reglum um tekjutengdan afslátt.

Starfmannaafsláttur
Starfsfólk í leikskólum í 75% eða hærra starfshlutfalli á rétt á 40% starfsmannaafslætti.

Systkinaafsláttur
Systkinaafsláttur reiknast ofan á tekjutengdan afslátt þegar við á.

Systkinaafsláttur fer eftir fjölda yngri systkina. Systkinaafsláttur hækkaði, frá 1.október 2025, úr 30% í 50% af dvalargjaldi ef barn á eitt yngra systkini, en 100% af dvalargjaldi ef barn á tvö yngri systkini eða fleiri í leikskóla eða í dvöl hjá dagforeldri. Systkinaafsláttur reiknast af dvalargjaldi eldri systkina. Systkinaafsláttur reiknast ofan á aðra afslætti. Ekki er veittur afsláttur af fæðisgjöldum. Ekki þarf að sækja um systkinaafslátt.

Hægt er að skoða leikskólagjöld útfrá mismunandi fjölda dvalartíma og afsláttum í reiknivél leikskólagjalda. Hægt er að skoða alla reikninga undir Gjöld í þjónustugátt.

Dæmi um dvalargjöld með afslætti án fæðis

Allar gjaldskrár Kópavogsbæjar eru birtar með fyrirvara um villur.

Hér getur þú:

• Séð áætluð leikskólagjöld miðað við dvalartíma barns.
• Prófað mismunandi dvalartíma.
• Reiknað mögulega afslætti.

Útreikningur byggir á meðaltali dvalartíma á dag.