Tónlistarskólar
Í Kópavogi starfa þrír öflugir tónlistarskólar sem bjóða upp á metnaðarfullt tónlistarnám fyrir börn og ungmenni.
Nánari upplýsingar um nám, umsóknir og kennslu er að finna á heimasíðum skólanna.
Hægt er að nýta frístundastyrk hjá skólunum.
Skólahljómsveit Kópavogs
Skólahljómsveit Kópavogs var stofnuð árið 1966 og hefur verið mikilvægur hluti af tónlistarlífi bæjarins í áratugi.
Í sveitinni starfa að jafnaði um 175 hljóðfæraleikarar sem skiptast í þrjár sveitir eftir aldri og færni.
Markmið sveitarinnar er að efla tónlistaráhuga barna og ungmenna, veita góða þjálfun í hljóðfæraleik og skapa vettvang fyrir tónlistarflutning og samspil.
Sjá nánar
Tónlistarskóli Kópavogs
Tónlistarskóli Kópavogs tók til starfa árið 1963. Við skólann stunda um 450 nemendur nám í hljóðfæraleik, söng, tónfræðum og tölvutónlist.
Hlutverk skólans er að veita nemendum góða undirstöðu í tónlist og undirbúa þau sem ætla áfram í frekara tónlistarnám.
Boðið er upp á forskóla fyrir yngri nemendur.
Sjá nánar
Tónsalir
Tónsalir er einkarekinn rytmískur tónlistarskóli sem stofnaður var árið 2005.
Í skólanum er kennt í ýmsum rytmískum tónlistarstefnum, svo sem djassi, rokki og blús.
Boðið er upp á einstaklingskennslu á ýmis hljóðfæri og í söng. Nemendur geta einnig lært bókleg fög eins og tónfræði, tónheyrn og hljómfræði.
Skólinn leggur áherslu á fjölbreytt og skemmtilegt tónlistarnám.
Sjá nánar