Fasteignagjöld
Fasteignagjöld eru árlega lögð á allar fasteignir. Eigandi ber ábyrgð á greiðslu þeirra hverju sinni.
Álagning fasteignagjalda byggir á fasteignamati húsa og lóða í Kópavogi, sem tekur meðal annars mið af stærð þeirra, notkun og lóðarhlutastærð.
Á álagningarseðli má sjá sundurliðun á gjöldum sem lögð eru á fasteignirnar.
Álagning
Álagningarseðla má nálgast á Minn Kópavogur.
Álagning fasteignagjalda byggir meðal annars á:
- Fasteignamati húsa og lóða.
- Stærð og notkun.
- Lóðarhlutastærð.
Álagningarstofn kemur frá HMS og er uppfærður árlega.
Fasteignaskattur leggst á nýjar lóðir og mannvirki eftir að þau hafa verið skráð og metin í fasteignaskrá.
Fasteignaskattur er:
- 1,40% af hús- og lóðamati.
- Vatnsgjald 0,058%
- Holræsagjald 0,058%
- Lóðaleiga 185,40 kr. á fermetra.
- Aukavatnsgjald 58,28 kr. á rúmmetra.
Að öðru leyti vísast til samþykkta Bæjarstjórnar Kópavogs frá 25. nóvember 2025 og laga um tekjustofna sveitarfélaga nr. 4/1995 ásamt síðari breytingum.
Álagning á sorphirðu- og eyðingargjaldi er kæranleg til úrskurðarnefndar umhverfis- og auðlindamála og er kærufrestur einn mánuður frá álagningu.
Álagning fasteignaskatts er kæranleg til yfirfasteignamatsnefndar og skal kæra borin fram innan þriggja mánaða frá álagningu.
- Innheimta og álagning: Fjármálasvið Kópavogsbæjar
- Eigendaskráning: Sýslumaðurinn á höfuðborgarsvæðinu
Upplýsingar um byggingar: HMS (í gegnum byggingarfulltrúa).
Greiðslur og afslættir
Fyrsti gjalddagi er 1. febrúar.
- Gjalddagar eru tíu.
- Ekki er greitt 1. desember og 1. janúar.
- Eindagi er 30 dögum eftir gjalddaga.
- Dráttarvextir reiknast ef ekki er greitt fyrir eindaga.
- Ef heildargjöld eru lægri en 50.000 kr. er einn gjalddagi.
Veittur er 3% afsláttur ef fasteignagjöld eru greidd að fullu fyrir 17. febrúar.
Hægt er að ganga frá staðgreiðslu gjalda með því að draga 3% frá heildarálagningu gjaldanna og leggja inn á banka: 0130-26- 74, kt. 700169-3759.
Elli- og örorkulífeyrisþegar sem búa í eigin húsnæði geta fengið afslátt
af fasteignaskatti, sem er hluti af fasteignagjöldum sveitarfélagsins.Afslátturinn miðast við tekjur samkvæmt skattframtali fyrra árs.
Ekki þarf að sækja um hann sérstaklega.
100% lækkun:
- Einstaklingar: allt að 7.440.000 kr.
- Hjón: allt að 9.506.000 kr.
75% lækkun:
- Einstaklingar: 7.440.001 – 7.563.000 kr.
- Hjón: 9.506.001 – 9.790.000 kr.
50% lækkun:
- Einstaklingar: 7.563.001 – 7.687.000 kr.
- Hjón: 9.790.001 – 10.245.000 kr.
25% lækkun:
- Einstaklingar: 7.687.001 – 7.807.000 kr.
- Hjón: 10.245.001 – 10.688.000 kr.
Félög sem starfa án hagnaðarsjónarmiða geta sótt um styrki til greiðslu fasteignaskatts, til dæmis:
- Íþróttafélög.
- Menningarfélög.
- Æskulýðs- og tómstundafélög.
- Mannúðarsamtök.
Sundurliðun fasteignagjalda
Hvað er ég að borga fyrir?
Fasteignagjöld samanstanda af mismunandi gjöldum sem tengjast fasteigninni og þjónustu sveitarfélagsins.
Allar fasteignir greiða fast gjald vegna reksturs grenndar- og endurvinnslustöðva. Að auki er greitt tunnu- eða djúpgámagjald, eftir því hvað er til staðar við eignina.
Þegar fleiri en ein fasteign er á sömu lóð skiptist kostnaður vegna sorpíláta milli eignanna samkvæmt eignarhlutfalli. Gjöldin dreifast á allar fasteignir með sama staðfanganúmeri, óháð því hver notar hvaða tunnu eða sorpgeymslu.
Grunnskattur sem er lagður á fasteignir.
Reiknast sem hlutfall af fasteignamati eignarinnar.
Gjald fyrir aðgang að köldu neysluvatni frá sveitarfélaginu.
Reiknast oftast út frá stærð eignar eða áætlaðri notkun.
Aukavatnsgjald er greitt fyrir vatnsnotkun umfram almenna notkun.
Einnig kallað fráveitugjald.
Gjald fyrir skólpkerfi og hreinsun fráveitu.
Gjald fyrir afnot af lóð í eigu sveitarfélagsins.
Algengt í eldri hverfum og reiknast sem hlutfall af lóðarmati.