Aðalskipulag
Aðalskipulag er skipulagsáætlun sem nær til alls sveitarfélagsins og leggur grunn að deiliskipulagi.
Hvað felst í aðalskipulagi?
Aðalskipulag mótar framtíðarsýn sveitarfélagsins og skilgreinir forsendur fyrir frekari skipulagsvinnu.
Aðalskipulag Kópavogs 2019-2040 var samþykkt í bæjarstjórn Kópavogs
28. september 2021 og staðfest þann 28. desember 2021.
Í aðalskipulagi er mótuð stefna sveitarfélagsins um:
- Landnotkun.
- Byggðaþróun og byggðamynstur.
- Samgöngu- og þjónustukerfi.
- Umhverfismál.
Aðalskipulag er sett fram í greinargerð og uppdráttum.
- Greinargerð inniheldur stefnu og umfjöllun um helstu málaflokka
- Uppdrættir sýna landnotkun, samgöngur, vernd og aðrar takmarkanir
Greinargerðin skiptist í kafla og viðauka, þar á meðal umhverfisskýrslu, greiningar og yfirlit yfir breytingar.
Þéttbýlis- og sveitarfélagsuppdráttur
Aðalskipulag allir kaflar - Flettiskjal
9.kafli - Viðauki 1, Umhverfisskýrsla
10.kafli - Viðauki 2, Niðurstöður mikilvægisgreiningar
11.kafli - Viðauki 3, Ferill, kynningar
12.kafli - Viðauki 4, Breytingar á aðalskipulagi
13.kafli - Viðauki 5, Heimsmarkmið Sameinuðu þjóðanna og stefna Kópavogsbæjar
Aðalskipulag byggir á:
- Skipulagslögum.
- Landsskipulagsstefnu.
- Svæðisskipulagi (ef við á).
- Upplýsingum um náttúru og menningarminjar.
Einnig skal gæta samræmis við skipulag nágrannasveitarfélaga og stefnu um sjálfbæra þróun.
Saga aðalskipulags í Kópavogi
Vinna við fyrsta heildarskipulag Kópavogs hófst árið 1965 í kjölfar nýrra skipulagslaga frá 1964. Skipulagið var samþykkt 1970 og tók til svæðisins vestan Reykjanesbrautar.
Fyrsta aðalskipulag alls heimalandsins (svæðisins vestan Elliðavatns) var samþykkt í bæjarstjórn 1985 fyrir skipulagstímabilið 1983-2003. Hvorug þessarar áætlana hlaut staðfestingu ráðherra. Fimm sinnum eftir það hefur aðalskipulag bæjarins verið endurskoðað:
Aðalskipulag Kópavogs 1988-2008, staðfest 23. apríl 1990.
Aðalskipulag Kópavogs 1992-2012, staðfest 29. apríl 1994.
Aðalskipulag Kópavogs 2000-2012, staðfest 23. apríl 2002.
Aðalskipulag Kópavogs 2012-2024, staðfest 24. febrúar 2014.
Nánari upplýsingar
Fyrirspurnir og ábendingar má senda í gegnum ábendingakerfi bæjarins eða á skipulag@kopavogur.is