Kársnesbraut 123
Í samræmi við 44. gr. skipulagslaga nr. 123/2010 er hér með kynnt tillaga að breyttu deiliskipulagi í Kópavogi.
Lagt fram erindi byggingarfulltrúa dags. 14. mars 2023 þar sem umsókn Helga Indriðasonar arkitekts dags. 1. mars 2023 er vísað til skipulagsráðs. Erindið hefur áður komið inn á borð skipulagsráðs en á fundi skipulagsráðs 15. júlí 2019 var sótt um leyfi til að byggja stakstæðan 48 m² bílskúr á lóðinni. Skipulagsráð samþykkti erindið að lokinni grenndarkynningu skv. 44. gr. skipulagslaga nr. 123/2010. Við lokaúttekt byggingarfulltrúa á bílskúrnum kom í ljós að byggður bílskúr á lóðinni var ekki að öllu leyti í samræmi við samþykktar teikningar.
Því er sótt um stækkun bílskúrsins um 33cm til suðurs og 26cm til austurs, samtals 4,1 m².
Uppdrættir í mkv. 1:100 dags. 26. janúar 2023.
Skipulagsráð samþykkir með tilvísun í 44. gr. skipulagslaga nr. 123/2010 að framlögð tillaga verði grenndarkynnt fyrir lóðarhöfum lóðanna nr. 121 og 125 við Kársnesbraut og nr. 70 við Holtagerði.
Kynning hefst þann 22. mars 2023 og skal ábendingum og athugasemdum við framlagða tillögu skila skriflega til Skipulagsdeildar Kópavogs, Digranesvegi 1, 200 Kópavogi eða með tölvupósti á skipulag@kopavogur.is fyrir kl. 16:00 fimmtudaginn 27. apríl 2023.