Vatnsveita
Vatnsveita Kópavogs annast rekstur og viðhald á dreifikerfi neysluvatns í Kópavog.
Neyðarsími
Neyðarsími vatnsveitu Kópavogs er 840 2690.
Athugið að neyðarsíminn er eingöngu ætlaður fyrir brýn erindi, utan opnunartíma.
Frá árinu 2007 hefur Kópavogsbær verið með í notkun sitt eigið vatnsból í Vatnsendakrikum í Heiðmörk. Sama ár var gerður samningur við Garðabæ um vatnsöflun næstu 40 ár.
Vatnið kemur úr fjórum borholum og er því dreift um stofnlagnir, dreifikerfi og heimæðar til íbúa í Kópavogi og Garðabæ.
Starfsemi vatnsveitunnar uppfyllir skilyrði matvælareglugerðar og er vatnsveitan með virkt innra eftirlit og starfsleyfi frá Heilbrigðiseftirliti Hafnarfjarðar, Garðabæjar og Kópavogs.
Vatnsveitan sér meðal annars um:
- Rekstur og viðhald dreifikerfis.
- Lekaleit og lekaviðgerðir.
- Nýlagnir og endurnýjun heimtauga og stofnlagna.
- Vöktun á vatnabúskap dreifikerfis, miðlunartanka og brunnsvæðis.
Vatnsveitan deilir húsnæði með Þjónustumiðstöð Kópavogs.
Hægt er að hafa samband í síma 441 9000 eða senda tölvupóst á vvk(hjá)kopavogur.is