Fé­lags­legar leigu­íbúð­ir

Til að geta sótt um félagslega leiguíbúð þarf að uppfylla eftirfarandi skilyrði:

Vera 18 ára eða eldri.

• Hafa verið með lögheimili í Kópavogi í að minnsta kosti sex mánuði.
• Ekki eiga fasteign, hvorki að hluta né öllu leyti.
• Vera með tekjur og eignir undir viðmiðunarmörkum.
• Vera með gilt dvalarleyfi í að minnsta kosti 12 mánuði,
  ef umsækjandi er utan EES.

Sótt er um félagslega leiguíbúð á Minn Kópavogur.

Með umsókn þurfa að fylgja þau gögn sem óskað er eftir. Umsókn fer ekki í afgreiðslu fyrr en öllum gögnum hefur verið skilað.

Þegar öll gögn hafa borist er umsókn tekin til afgreiðslu. Umsóknir eru metnar eftir stigakerfi sem byggir á félagslegum og fjárhagslegum aðstæðum.

Til að komast á biðlista þarf umsókn að ná ákveðnum stigafjölda sem fer eftir fjölskyldugerð:

• Einstaklingur án barna: 10 stig
• Hjón eða sambúðarfólk án barna: 12 stig
• Einstaklingur með barn/börn: 15 stig
• Hjón eða sambúðarfólk með barn/börn: 17 stig

Umsókn þarf að endurnýja árlega.

Í upphafi er yfirleitt gerður leigusamningur til 24 mánaða.

Ef leigutaki hefur staðið í skilum með leigu og sýnt góða umgengni er hægt að endurnýja samninginn. Við endurnýjun er heimilt að gera samning til allt að fimm ára.

Við upphaf leigu þarf að leggja fram leigutryggingu sem samsvarar tveggja mánaða húsaleigu.

Leiguverð á félagslegum leiguíbúðum byggir á:

• Föstu gjaldi
• Fermetraverði
• Vísitölu neysluverðs

Húsaleiga er greidd fyrirfram.

Húsnæðisbætur og sérstakur húsnæðisstuðningur geta lækkað þann kostnað sem leigutaki greiðir, en þær greiðslur eru greiddar eftir á.

Leigutaki greiðir sjálfur fyrir rafmagn í íbúðinni. Hiti og rekstur sameignar eru innifalin í húsgjöldum.

Sjá nánar í gjaldskrá félagslegra leiguíbúða.

Á hverju ári er metið hvort leigutaki uppfylli enn skilyrði fyrir félagslegri leiguíbúð.

Við matið er meðal annars horft til:

• Tekna
• Eigna
• Fjölskyldustærðar

Ef leigutaki uppfyllir ekki lengur skilyrðin getur komið til uppsagnar leigusamnings.

Uppsagnarfrestur er yfirleitt 6 mánuðir.

Leigusamningi getur verið sagt upp ef leigutaki uppfyllir ekki lengur skilyrði fyrir leigurétti.

Leigusamningi má einnig rifta samkvæmt húsaleigulögum, til dæmis ef um er að ræða:

• Famleigu íbúðar
• Alvarleg vanskil
• Ítrekuð brot á húsreglum
• Alvarlega slæma umgengni eða sambýlishætti

Áður en ákvörðun er tekin fær leigutaki tækifæri til að koma með athugasemdir.

Ef þú átt erfitt með að greiða leiguna er mikilvægt að hafa samband sem fyrst.

Þú getur:

• Haft samband við innheimtu Kópavogsbæjar.
• Óskað eftir viðtali ef aðstæður þínar hafa breyst.
• Kannað rétt þinn til húsnæðisbóta og sérstaks húsnæðisstuðnings.

Umsækjandi getur áfrýjað afgreiðslu umsóknar um félagslega leiguíbúð til velferðar- og mannréttindaráðs.

Leigutaki getur einnig áfrýjað ákvörðun um uppsögn eða riftun leigusamnings. Eftir það er hægt að vísa málinu áfram til Úrskurðarnefndar velferðarmála eða Kærunefndar húsamála, eftir því sem við á.

Kvartanir vegna umgengni eða ónæðis skulu vera skriflegar og frá nafngreindum aðila.