Stuðningsþjónusta

Heimastuðningur og heimsendur matur.

Sækja um heimaþjónustu Sækja um heimsendan mat

Fyrir hverja?

Þjónustan er ætluð fólki sem býr á eigin heimili og þarf stuðning vegna skertrar getu, fötlunar, fjölskylduaðstæðna, álags eða veikinda.

Markmiðið er að styðja fólk við athafnir daglegs lífs, heimilishald og efla félagslega þátttöku fyrir þau sem þurfa á því að halda vegna aðstæðna sinna.

Hvað er í boði?

Þjónustan getur verið veitt bæði innan og utan heimilis, til lengri eða skemmri tíma.

Í boði er meðal annars:

Stuðningur við athafnir daglegs lífs, sem tekur mið af þörfum notanda.
Stuðningur við heimilishald, til dæmis heimilisþrif, innlit, öryggisviðvera vegna böðunar og létt hreyfing.
Heimsending matar fyrir þau sem geta ekki annast matseld sjálf og hafa ekki tök á að borða í félagsmiðstöðvum aldraðra.

Sjá matseðil

Maturinn er afgreiddur í bökkum og er keyrður heim til viðkomandi um hádegisbil.

Pöntun og afpöntun á heimsendum mat þarf að berast:

Fyrir kl. 15:00 daginn áður, mánudaga til fimmtudaga.
Fyrir kl. 11:30 á föstudögum vegna máltíða á mánudögum.

Hvernig sæki ég um?

Sótt er um stuðningsþjónustu í gegnum Minn Kópavogur eða með því að skila skriflegri umsókn í þjónustuver.

Eftir að umsókn berst er stuðningsþörf metin og umsókn tekin til afgreiðslu.

Hvað kostar þjónustan?

Gjald fyrir heimaþjónustu fer eftir tekjum.

Einstaklingar og hjón/sambýlisfólk með tekjur undir viðmiðunarmörkum greiða ekki fyrir heimilisþrif.
Ef tekjur eru yfir viðmiðunarmörkum er greitt samkvæmt gjaldskrá.

Verðskrá á heimsendum mat er einnig í gjaldskrá hér að neðan.