Bæjarráð - 2900. fundur

Frá sviðsstjóra umhverfissviðs, dags. 15. janúar, lögð fram umsögn varðandi endurheimt og varðveislu votlendis.

Bæjarráð vísar málinu til Náttúrufræðistofu Kópavogs til umsagnar.

Frá deildarstjóra gatnadeildar, dags. 22. janúar, lagt fram erindi er varðar sumarstörf hjá Kópavogsbæ 2018, 18 ára og eldri. Í erindinu er óskað heimildar til að auglýsa sumarstörf og lagðar til vinnureglur við ráðningar.

Bæjarráð veitir umbeðna heimild og samþykkir vinnureglur um ráðningar með fimm atkvæðum.

Frá Neytendasamtökunum, dags. 15. janúar, lögð fram beiðni um styrkveitingu vegna ársins 2018.

Bæjarráð vísar erindinu til bæjarritara til umsagnar.

Frá Veritas lögmenn, dags. 17. janúar, lagt fram erindi er varðar rétt húsfélagsins að Fannborg 3-9, til 36 bílastæða við fasteignina.

Lagt fram.

Lögð fram umsögn bæjarrita þar sem fram kemur að tillaga að breyttu deiliskipulagi á lóðinni Digranesvegur 1-3 var auglýst 8. apríl sl. og rann athugsemdafrestur út þann 2. júní. Skv. 1. mgr. 42. gr. skipulagslaga nr. 123/2010 skal senda Skipulagsstofnun deiliskipulag sem sveitarstjórn hefur samþykkt innan sex mánaða frá því að frestur til athugasemda rann út. Tillagan var ekki afgreidd af bæjarstjórn innan þess tíma og er því enginn tillaga að breyttu deiliskipulagi til meðferðar bæjarstjórnar.



Ármann Kr. Ólafsson, bæjarstjóri, lagði fram eftirfarandi bókun:

"Það er gömul saga að þegar líður að kosningum fer Gróa gamla á Leiti á kreik. Það er hins vegar ný saga að hún skuli vera komin með lögmann. Ummæli í bréfi lögmannsins, sem undirrituðum eru eignuð og eiga að sýna sérstaka óvild í garð eldri borgara, eru uppspuni frá rótum og dylgjur ónafngreindra manna. Það sætir furðu að Veritas lögmannsstofa skuli taka að sér að bera út slíkar aðdróttanir. Veritas er latína og þýðir sannleikur. Það er kannski kaldhæðni örlaganna að Gróa á Leiti hafi endað þar.

Ármann Kr. Ólafsson"

Kynning sviðsstjóra velferðarsviðs á nýtingu fjármagns í barnavernd.

Hlé var gert á fundi kl. 8:45. Fundi var fram haldið kl. 9:35.

Bæjarráð þakkar Sviðsstjóra velferðarsviðs fyrir kynninguna og hvetur til aukinnar samvinnu á mili mennta og velferðarsviðs í þágu forvarna og heilsueflingar.

Fundargerð í 9 liðum.

Lagt fram.

Fundargerð í 6 liðum.

Lagt fram.

Fundargerð í 4 liðum.

Lagt fram.

Fundargerð í 9 liðum.

Lagt fram.

Fundargerð í 2 liðum.

Lagt fram.

Beiðni frá Birki Jóni Jónssyni um umræðu um löggæslu í Kópavogi.

"Ég óska eftir því að fulltrúar lögreglunnar á höfuðborgarsvæðinu komi á næsta fund bæjarráðs til þess að fara yfir löggæslu í bæjarfélaginu. Aukin tíðni innbrota og sýnileiki lögreglunnar vil ég ræða í því samhengi."

Bæjarráð óskar eftir því að fulltrúar lögreglunnar á höfuðborgarsvæðinu mæti á næsta fund bæjarráðs.

Beiðni frá Birki Jóni Jónssyni um umræðu í bæjarráði varðandi átak í nágrannavörslu og frumkvæmði bæjarins að slíku átaki.

Bæjarráð óskar eftir að bæjarritari leggi fram tillögur að útfærslu verkefnisins.

Beiðni frá Birki Jóni Jónssyni um umræðu varðandi byggingu hjúkrunarrýma við Boðaþing.

"Ég ítreka ósk mína um að fulltrúar heilbriðisráðuneytisins komi á fund bæjarráðs til að fara yfir stöðu mæla er snýr að byggingu hjúkrunarrýma við Boðaþing."

Bæjarstjóri lagði fram tvö erindi sem send voru heilbrigðisráðherra vegna málsins dags. 8. september sl. og 6. desember sl. Þá upplýsti bæjarstjóri að fundur sé áætlaður með heilbrigðisráðherra þann 7. febrúar nk.

Bæjarráð lýsir yfir miklum áhyggjum af töfum við byggingu hjúkrunarheimilis við Boðaþing.