Bæjarráð - 3202. fundur

Frá stefnustjóra, dags. 27.01.2025, lögð fram uppfærð drög að nýrri gervigreindarstefnu til samþykktar bæjarráðs og bæjarstjórnar.

Bæjarráð vísar drögum að gervigreindarstefnu Kópavogsbæjar til afgreiðslu bæjarstjórnar.

Frá bæjarlögmanni, dags. 27.01.2025, lögð fram uppfærð drög að breytingum á persónuverndarsamþykkt til samþykktar bæjarráðs og bæjarstjórnar.

Bæjarráð vísar málinu til afgreiðslu bæjarstjórnar.

Lögð fram þjónustukönnun sveitarfélaga fyrir árið 2024 sem unnin var af Gallup.

Frestað til næsta fundar.

Frá bæjarstjóra, lögð fram svohljóðandi fyrirspurn um styrki sveitarfélagsins til sjórnmálaflokka:

"Undirrituð óskar eftir að teknar verði saman upplýsingar um styrki sveitarfélagsins til stjórnmálasamtaka og hvort styrkþegar uppfylli skilyrði til laganna. Samantektin taki til yfirstandandi kjörtímabils."

Ásdís Kristjánsdóttir.

Bæjarráð vísar fyrirspurninni til umsagnar bæjarritara.

Frá lögmanni lóðarhafa: Beiðni um endurupptöku ákvörðunar bæjarstjórnar frá 10. desember 2024 ásamt umsögn bæjarlögmanns dags. 14. janúar 2025.

Bæjarráð frestaði erindinu 23.01.2025.

Bæjarráð hafnar beiðni um endurupptöku með fjórum atkvæðum og hjásetu Theódóru S. Þorsteinsdóttur.

Frá Krabbameinsfélaginu, dags. 08.01.2025, lögð fram beiðni um styrk.

Bæjarráð frestaði erindinu 23.01.2025.

Bæjarráð vísar erindinu til afgreiðslu bæjarritara.

Frá Sorpu bs. lagt fram erindi varðandi endurvinnslustöð við Lambhagaveg. Óskað er eftir að málið verði tekið til umræðu og afgreiðslu á vettvangi sveitarfélagsins.

Bæjarráð frestaði erindinu 23.01.2025.

Bæjarráð samþykkir með fjórum atkvæðum og hjásetu Theódóru S. Þorsteinsdóttur. fyrirliggjandi tillögu um fjármögnun uppbyggingar nýrrar endurvinnslustöðvar við Lambhagaveg og byggir á sviðsmynd 1. Bæjarráð áréttar jafnframt bókun eigendafundar þar sem stjórn Sorpu bs. var hvött til þess að leita leiða til að lágmarka þá fjárhæð sem taka þarf að láni vegna framkvæmda á vegum byggðasamlagsins.

Fundargerð 133. fundar stjórnar Svæðisskipulagsnefndar frá 17.01.2025.

Lagt fram.

Á fundi bæjarráðs þann 23.01.2025 var lögð fram svohljóðandi tillaga undir máli nr. 7 í fundargerð skipulags- og umhverfisnefndar:

"Undirrituð óskar eftir umsögn frá eftirfarandi aðilum er varðar Gunnarshólma (breytt svæðisskipulag) úr fundargerð skipulags-og umhverfisráðs.

Veðurstofu Íslands

Svæðisskipulagsstjóra Höfuðborgarsvæðisins

Skipulagsfulltrúa Kópavogsbæjar

Theódóra S. Þorsteinsdóttir.

Bæjarráð samþykkir að frestar tillögunni til næsta fundar með þremur atkvæðum gegn atkvæðum Theódóru S. Þorsteinsdóttur og Kolbeins Reginssonar.

Fundarhlé hófst kl. 9:21, fundi fram haldið kl. 10:19

Bæjarráð hafnar tillögunni með þremur atkvæðum, gegn atkvæðum Theódóru S. Þorsteinsdóttur og Kolbeins Reginssonar.

Bókun:

"Aftur hafnar meirihluti Sjálfstæðisflokks og Framsóknarflokks bæjarfulltrúa um umsögn í máli þar sem óskað er eftir sjónarmiðum áður en ákvörðun er tekin. Með því að hafna ósk um umsögn frá ólíkum aðilum er meirihlutinn að stuðla að því að málið fari til umfjöllunar einungis með gögn frá sérhagsmunaaðilum."

Bergljót Kristinsdóttir

Theódóra S. Þorsteinsdóttir

Sigurbjörg E. Egilsdóttir

Kolbeinn Reginsson


Bókun:

"Bókun minnihlutans lýsir vanþekkingu á skipulagsferlinu.  Til þess að kalla megi eftir umsögnum hagaðila þarf málið að fara fyrir svæðisskipulagsnefnd og samþykkja þarf að auglýsa skipulagslýsinguna. Aðkoma sérfræðinga, hagaðila og almennings er tryggð í auglýsingaferlinu lögum samkvæmt. Það felur í sér víðtækari og upplýstari umræðu sem styður við vandaða ákvörðunartöku í málinu."

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir


Bókun:

"Undirrituð vísa ásöknum um vanþekkingu á bug og eru fullkomlega meðvituð um að formleg aðkoma hagaðila, sérfræðinga og almennings sé tryggð í auglýsingaferlinu, í samræmi við lög og reglur um skipulagsmál.

Hins vegar telja undirrituð eðlilegt og ábyrgðarfullt að afla upplýsinga og sjónarmiða áður en málið fer til afgreiðslu í svæðisskipulagsnefnd. Slíkt stuðlar að vandaðri ákvarðanatöku og tryggir að við, sem sitjum í bæjarstjórn, höfum nægjanleg gögn til að meta áhrif tillögunnar áður en hún er send í formlegt ferli. Það er hvorki fordæmislaust né óeðlilegt að óska eftir faglegri ráðgjöf áður en formleg umsagnarferli hefjast.

Ef markmiðið er að taka upplýsta og vel rökstudda ákvörðun, ættum við að fagna frekari gögnum og sjónarmiðum, fremur en að líta á þau sem óþarfa inngrip í ferlið.

Nýverið voru nýjar siðareglur límdar upp á vegg í bæjarstjórnarsalnum. Í fyrstu grein segir að bæjarfulltrúar starfi í þágu allra Kópavogsbúa með opnu samtali, virku upplýsingaflæði og hlusti á ólík sjónarmið. Undirrituð sakna þess að meirihlutinn virði nýjar siðareglur. "

Bergljót Kristinsdóttir

Theódóra S. Þorsteinsdóttir

Sigurbjörg E. Egilsdóttir

Kolbeinn Reginsson

Bókun:

"Það eru vonbrigði að sjá nálgun minnihlutans á þetta mál. Kópavogsbær er að fylgja lögbundnu skipulagsferli sem tryggir aðkomu ólíkra sjónarmiða eins og rakið er betur í fyrri bókun meirihlutans."

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir

Lögð fram tillaga á fundi leikskólanefndar nr. 168, dags.16.01.2025 um framkvæmdir á leikskólalóðum 2025.

Leikskólanefnd þakkar Friðriki Baldurssyni, garðyrkjustjóra Kópavogs fyrir greinagóða kynningu og samþykkir tillögu um forgangsröðun leikskólalóða til endurbóta árið 2025 fyrir sitt leyti og vísar tillögunni áfram til samþykktar bæjarráðs.

Bæjarráð samþykkir framlagða tillögu með fimm atkvæðum.

Fundargerð í sjö liðum.

Lagt fram.

Fundargerð í níu liðum.

Lagt fram.

Fundargerð í tveimur liðum.

Lagt fram.

Fundargerð í tíu liðum.

Lagt fram.

Fundargerð 30. fundar Heilbrigðisnefndar Garðabæjar, Hafnarfjarðar, Kópavogs, Mosfellsbæjar og Seltjarnarness frá 27.01.2025.

Lagt fram.

Frá bæjarfulltrúa Samfylkingar, dags. 27.01.2025, lögð fram fyrirspurn um leikskólamál.

Bæjarráð vísar fyrirspurninni til umsagnar sviðsstjóra menntasviðs.