Bæjarráð - 3004. fundur

Frá sviðsstjóra umhverfissviðs, dags. 26. maí, lagt fram erindi þar sem óskað er heimildar bæjarráðs til að fara í lokað útboð á áhorfendasvölum í íþróttahúsi Kórsins.

Bæjarráð samþykkir með fimm atkvæðum heimild til útboðs á áhorfendasvölum.

Frá bæjarstjóra, lögð fram drög að samningi við Skógræktarfélag Kópavogs um skógræktarsvæði félagsins í Selfjalli í Lækjarbotnum.

Bæjarráð samþykkir með fimm atkvæðum framlagðan samning.

Frá lögfræðideild, dags. 18. maí, lagt fram bréf Sýslumannsins á höfuðborgarsvæðinu, dags. 12. maí, þar sem óskað er umsagnar um umsókn Kársnes ehf., kt. 560119-2830, um tímabundið áfengisleyfi vegna hátíðarhalda á 17. júní frá kl. 12:00-22:00, á staðnum Brauðkaup, að Borgarholtsbraut 19, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá lögfræðideild, dags. 20. maí, lagt fram erindi um uppsögn samnings við AFA JCDecaux Ísland ehf. um götugögn í Kópavogi.

Bæjarráð samþykkir með fimm atkvæðum að segja upp samningi um götugögn í Kópavogi og felur sviðsstjóra umhverfissviðs að undirbúa útboð um götugögn.

Frá sviðsstjóra umhverfissviðs, dags. 18. maí, lögð fram umsögn um erindi Pálma A. Franken frá 10. maí þar sem óskað er eftir styrk til gróðursetningar við Sandskeið.

Bæjarráð samþykkir með fjórum atkvæðum og hjásetu Theódóru S. Þorsteinsdóttur að hafna erindinu með vísan til umsagnar.

Frá heilbrigðisráðuneyti, lögð fram uppfærð drög að samningi vegna byggingar hjúkrunarheimilis í Boðaþingi.

Bæjarráð samþykkir með fimm atkvæðum samning um uppbyggingu hjúkrunarheimils í Boðaþingi með áorðnum breytingum og hvetur Heilbrigðisráðuneytið til að hraða uppbyggingu eins og kostur er.

Frá samgöngu- og sveitarstjórnarráðuneyti, dags. 25. maí, lagt fram erindi um skil á upplýsingum um fjármál sveitarfélaga í kjölfar áhrifa af Covid-19 faraldrinum.

Lagt fram.

Frá umhverfis- og samgöngunefnd Alþingis, dags. 15. maí, lagt fram til umsagnar frumvarp til laga um fjarskipti(stjórnarfrumvarp).

Bæjarráð vísar erindinu til bæjarlögmanns til afgreiðslu.

Frá Oss rafrennum ehf., dags. 18. maí, lagt fram erindi þar óskað er eftir fundi vegna rafhjóla- og rafhlaupahjólaleigu.

Bæjarráð vísar erindinu til umsagnar umhverfis- og samgöngunefndar.

Frá Hopp, dags. 26. maí, lagt fram erindi þar sem óskað er eftir að fá að kynna mögulegt tilraunaverkefni um rafhlaupahjólaleigu í Kópavogi.

Bæjarráð vísar erindinu til umsagnar umhverfis- og samgöngunefndar.

Fundargerð í 4 liðum.

Lögð fram.

Fundargerð í 2 liðum.

Lagt fram.

Fundargerð í 3 liðum.

Lagt fram.

Fundargerð í 9 liðum.

Lagt fram.

Fundargerð í 13 liðum.

Lögð fram.

Fundargerð í 5 liðum.

Lögð fram.

Fundargerð í 31 lið.

Lögð fram.

Fyrirspurn frá bæjarfulltrúa Hjördísi Ýr Johnson þar sem óskað er eftir heildrænu skipulagskorti yfir gjaldtökusvæði í Kópavogi vegna bílastæðasjóðs bæjarins þar sem svæðin eru skilgreind, afmörkuð og flokkuð, ásamt því að gjaldtakan verði skilgreind eftir svæðum. Lagt er fram svar deildarstjóra gatnadeildar við fyrirspurninni, dags. 26. maí.

Lagt fram.

Tillaga Hjördísar Ý. Johnson:

"Óska eftir að unnin verði tillaga um heildrænt skipulagskort mögulegra gjaldtökusvæða í Kópavogi."

Bæjarráð samþykkir að vísa málinu til sviðstjóra umhverfissviðs.

Ósk bæjarfulltrúa Theódóru S. Þorsteinsdóttur um að skipulagsstjóri kynni vinnslutillögu 2 fyrir Hamraborgina.

Lögð fram.