Strætóskýli, auglýsingar og rekstur.

Frá deildarstjóra gatnadeildar, dags. 14. desember 2021. Óskað er heimildar bæjarráðs til að hefja undirbúningsvinnu að endurnýjun á samkomulagi um uppsetningu og rekstur á strætóskýlum í Kópavogi.

Bæjarráð samþykkir með fimm atkvæðum að fresta erindinu.

Frá sviðsstjóra umhverfissviðs, dags. 10. desember, lagt fram erindi um útboð um auglýsingar og rekstur biðskýla í Kópavogi þar sem lagt er til að útboði verði frestað þar til endurskoðun á leiðakerfi Strætó m.a. vegna tilkomu Borgarlínu er lokið. Bæjarráð frestaði afgreiðslu málsins á fundi sínum þann 17. desember sl.

Bæjarráð frestar erindinu.

Bókun:

Ítreka erindi um upphitað og skjólgott snjall-strætóskýli við Menntaskólann í Kópavogi.

Theódóra S. Þorsteinsdóttir

Frá sviðsstjóra umhverfissviðs, dags. 10. desember, lagt fram erindi um útboð um auglýsingar og rekstur biðskýla í Kópavogi þar sem lagt er til að útboði verði frestað þar til endurskoðun á leiðakerfi Strætó m.a. vegna tilkomu Borgarlínu er lokið.

Bæjarráð frestar erindinu.

Frá lögfræðideild, dags. 20. maí, lagt fram erindi um uppsögn samnings við AFA JCDecaux Ísland ehf. um götugögn í Kópavogi.

Bæjarráð samþykkir með fimm atkvæðum að segja upp samningi um götugögn í Kópavogi og felur sviðsstjóra umhverfissviðs að undirbúa útboð um götugögn.

Frá bæjarfulltrúum Pírata, Samfylkingar og BF Viðreisnar; ósk um upplýsingar um fyrirhugað útboð á biðskýlum í Kópavogi. Eftir 31. desember 2019 hefur hvor aðili um sig, í gildandi samningi, rétt til að tilkynna skriflega um lok samningsins.

Bæjarráð vísar erindinu til bæjarstjóra.

Frá lögfræðideild, lögð fram til samþykktar drög að samkomulagi við AFA JCDecaux Ísland ehf. um götugögn.

Bæjarráð samþykkir með fimm atkvæðum framlögð drög að samkomulagi við AFA JCDecaux ehf. um götugögn.

Frá bæjarlögmanni, dags. 24. júlí, lagt fram erindi um hvort samningur við AFA JCDecauxe Ísland ehf. um leigu á landi undir auglýsingaskilti í strætóskýlum sé útboðsskyldur.

Bæjarráð vísar málinu til bæjarstjóra til úrvinnslu.

Frá sviðsstjóra umhverfissviðs, dags. 25. júní, lagt fram erindi þar sem lagt er til að gerður verði áframhaldandi samningur við AFA JCDecaux Ísland ehf. um auglýsingar og rekstur strætóbiðskýla í Kópavogi.

Bæjarráð vísar málinu til bæjarlögmanns til umsagnar.