Bæjarráð - 2996. fundur

Frá bæjarritara, lögð fram mánaðarskýrsla vegna starfsemi í febrúar.

Lagt fram.

Frá bæjarfulltrúum, lagðar fram tillögur um aðgerðir.

Fundarhlé hófst kl. 8:28, fundi fram haldið kl. 8:42.

Bæjarráð samþykkir með fimm atkvæðum framlagðar tillögur um aðgerðir vegna Covid-19

Frá bæjarstjóra, lagt fram til samþykktar kauptilboð í Ögurhvarf 4b fyrir dansfélagið Hvönn sem nú er til húsa í Kórnum til að rýma fyrir auknu kennslurými í Hörðuvallaskóla.

Bæjarráð samþykkir með fimm atkvæðum framlagt kauptilboð með fyrirvara um að vsk kvöðin sé innifalin í tilboðinu.

Frá bæjarritara, lögð fram drög að samningi við Teit Jónasson ehf. um framlengingu skólaaksturs í Kópavogi til 2021.

Bæjarráð samþykkir með fimm atkvæðum framlengingu þjónustusamnings um skólaakstur til júní 2021.

Frá bæjarritara, dags. 31. mars, lagt fram erindi um kostnaðarskiptingu á móti ríkinu við byggingu hjúkrunarheimilis við Boðaþing, ásamt frumkostnaðaráætlun sviðsstjóra umhverfissviðs frá 17. febrúar.

Bæjarráð samþykkir með fimm atkvæðum að á grundvelli kostnaðaráætlunar um byggingu 64 rýma hjúkrunarheimilis í Boðaþingi telji bæjarráð ekki vera forsendur fyrir því að ganga til samninga við Heilbrigðisráðuneytið.

Kópavogsbær er reiðubúinn að greiða 15% af kostnaði við bygginguna líkt og samkomulag milli ríkis og sveitarfélaga gerir ráð fyrir.

Bæjarráð hvetur ráðuneytið til þess að hraða uppbyggingu eins og kostur er, enda er þörfin veruleg.

Frá sviðsstjóra menntasviðs og deildarstjóra grunnskóladeildar, dags. 31. mars, lögð fram tillaga að ráðningu skólastjóra Hörðuvallaskóla.

Bæjarráð samþykkir með fimm atkvæðum tillögu sviðsstjóra menntasviðs um ráðningu Þórunnar Jónasdóttur í starf skólastjóra Hörðuvallaskóla.

Frá sviðsstjóra menntasviðs og deildarstjóra grunnskóladeildar, dags. 31. mars, lögð fram tillaga um ráðningu skólastjóra Vatnsendaskóla.

Bæjarráð samþykkir tillögu sviðsstjóra menntasviðs um ráðningu Maríu Jónsdóttur í starf skólastjóra Vatnsendaskóla.

Frá sviðsstjóra umhverfissviðs, dags. 30. mars, lagt fram erindi þar sem óskað er heimildar bæjarráðs til að bjóða út í opnu útboði létt þakvirki á lausar kennslustofur við Kársnesskóla.

Bæjarráð samþykkir með fimm atkvæðum heimild til að bjóða út þakvirki á lausar kennslustofur við Kársnesskóla.

Frá lögfræðideild, dags. 31. mars, lagt fram bréf Sýslumannsins á höfuðborgarsvæðinu, dags. 27. febrúar, þar sem óskað er umsagnar um umsókn Par 3 ehf., kt. 630410-0960, um tímabundið áfengisleyfi vegna tónleika Andrea Bocelli sem verða haldnir þann 23. maí frá kl. 18:00-23:00, í Kórnum, að Vallakór 12-14, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá SSH, lögð fram rekstrarúttekt á starfsemi Sorpu frá 2016, ásamt umsögn Sorpu frá 10. mars til SSH vegna aðgangs að skýrslunni.

Lagt fram.

Frá Golfklúbbi GKG, dags. 18. mars, lögð fram ósk um niðurfellingu á greiðslu vatnsgjalds vegna vökvunar Leirdalsvallar 2020.

Bæjarráð samþykkir erindið með fimm atkvæðum.

Frá Sambandi íslenskra sveitarfélaga, dags. 30. mars, lögð fram til upplýsinga afgreiðsla stjórnarfundar sambandsins vegna aðgerða sveitarfélaga til viðspyrnu fyrir íslenskt atvinnulíf og heimili vegna Covid19.

Lagt fram

Frá Matvælastofnun, dags. 26. mars, lagt fram erindi um viðbrögð sveitarfélaga við gangandi veirusjúkdómi í kanínum.

Bæjarráð vísar erindinu til afgreiðslu sviðsstjóra umhverfissviðs.

Fundargerð í 12 liðum.

Bæjarráð vísar erindinu til afgreiðslu bæjarstjórnar.

Fundargerð í 13 liðum.

Lagt fram

Fundargerð í 10 liðum.

Lagt fram.

Fundargerð í 3 liðum.

Lagt fram.

Fundargerð í 10 liðum.

Lagt fram.

Fundargerð í 1 lið.

Lagt fram.

Frá bæjarfulltrúa Theódóru S. Þorsteinsdóttur, lögð fram fyrirspurn um stöðu framkvæmda á nýjum Kársnesskóla, húsnæði Skólahljómsveitar Kópavogs og á Kópavogsvelli.

Bæjarráð vísar erindinu til umsagnar sviðsstjóra umhverfissviðs.