Bæjarráð - 2991. fundur

Frá starfshópi um félagslegt húsnæði í Kópavogi, lögð fram tillaga um breytingar á félagslega leiguhúsnæðiskerfinu.

Bæjarráð samþykkir að vísa erindinu til afgreiðslu bæjarstjórnar.

Frá starfshópi um félagslegt húsnæði í Kópavogi, lögð fram tillaga að breytingum á reglum um sérstakan húsnæðisstuðning.

Fundarhlé hófst kl. 8:25, fundi fram haldið kl. 9:17

Bæjarráð samþykkir að vísa erindinu til afgreiðslu bæjarstjórnar.

Frá verkefnastjóra lýðheilsumála, dags. 20. febrúar, lagt fram erindi þar sem lagt er til að Hressingarhælið verði tekið undir Geðræktarhús sem þjóni þeim tilgangi að vera mistöð þekkingar og þróunar úrræða til að efla andlega heilsu og vellíðan í samstarfi við fagfólk.

Bæjarráð samþykkir að vísa erindinu til frekari vinnslu bæjarstjóra.

Frá Umhverfisstofnun, dags. 18. febrúar, lagt fram erindi þar sem vakin er athygli á að bráðabirgðayfirlit fyrstu vatnaáætlunar fyrir Ísland hefur verið auglýst til kynningar.

Bæjarráð samþykkir að vísa erindinu til umsagnar sviðsstjóra umhverfissviðs, bæjarlögmanns, heilbrigðiseftirlits og Náttúrufræðistofu.

Frá Félagi húsbílaeigenda, dags. 18. febrúar, lagt fram erindi þar sem leitað er leyfis landeiganda vegna notkunar tjaldvagna, fellihýsa, hjólhýsa og húsbíla utan skipulagðra tjaldsvæða.

Bæjarráð samþykkir að hafna erindinu með þremur atkvæðum gegn atkvæði Theódóru S. Þorsteinsdóttur og hjásetu Péturs H. Sigurðssonar.

Frá Sorpu, dags. 24. febrúar, lögð fram ósk um samþykki fyrir tímabundinni lántöku til loka árs 2020 sem stjórn Sorpu samþykkti í formi viðauka við fjárhagsáætlun félagsins á fundi sínum þann 17. febrúar sl. og vísaði til afgreiðslu eigendasveitarfélaga.

Bæjarráð frestar málinu til næsta fundar.

Frá mennta- og menningarmálaráðuneyti, dags. 18. febrúar, lögð fram til umsagnar reglugerð um héraðsskjalasöfn sem hefur verið birt í samráðsgátt stjórnvalda.

Bæjarráð vísar erindinu til afgreiðslu bæjarlögmanns.

Funargerð í 17 liðum.

Bæjarráð vísar erindinu til afgreiðslu bæjarstjórnar.

Fundargerð í 4 liðum.

Lagt fram.

Fundargerð í 4 liðum.

Lögð fram.

Fyrirspurn frá bæjarfulltrúa Theódóru S. Þorsteinsdóttur varðandi stefnumótun bæjarstjórnar.

Bæjarráð vísar erindinu til umsagnar bæjarritara.

Bókun Theódóru S. Þorsteinsdóttur:

"Ég lýsi yfir vonbrigðum að verkefnið skuli vera farið af stað áður en upplýsingar um verkefnið liggja fyrir."

Tillaga frá bæjarfulltrúa Pírata um að Kópavogsbær hefji átak gegn einelti og ofbeldi ungmenna. Óskað er eftir greiningu á því hvernig tekið er á eineltis- og ofbeldismálum meðal ungmenna, hvort til staðar sé samræmd áætlun milli skóla og hvernig málum er háttað þegar ofbeldi á sér stað utan skóla, með huganlegri endurskoðun á viðbragðsáætlunum í huga. Í ljósi fréttaflutnings af vinnubrögðum lögreglu í umræddu máli er óskað eftir því að fulltrúi lögreglunnar á höfuðborgarsvæðinu mæti undir liðnum í umræður um verklag þeirra þegar upp koma mál sem varða ofbeldi og mismunun meðal ungmenna.

Bæjarráð samþykkir að vísa erindinu til sviðsstjóra menntasviðs með ósk um að komið verði á sambandi við þjónustumiðstöð Breiðholts, sem þegar hefur haldið samráðsfund um ofbeldi meðal unglinga.