Bæjarráð - 3245. fundur

Frá umhverfissviði, dags. 27.01.2026, lagt fram svar við fyrirspurn varðandi byggingu Barnaskóla Kársness. Erindi frá bæjarfulltrúum undir máli nr. 11 og 12 eru rædd og afgreidd undir þessum dagskrárlið.

Framhald umræðu vísað til næsta fundar bæjarráðs.

Lagt fram

Umræður.

Gestir viku af fundi kl. 10:13.

Indriði I. Stefánsson vék af fundi kl. 10:30.

Fundarhlé hófst kl. 10:16, fundi fram haldið kl. 11:15

Bókun:

"Meirihlutinn telur mikilvægt að allir bæjarráðsfulltrúar séu sammála um að gætt sé trúnaðar um sundurliðanir og bráðabirgðagreiningar á kostnaði við byggingu Barnaskóla Kársness þar til kröfugerð í gerðardómsmálinu hefur verið lögð fram, líkt og kom fram í ráðleggingum lögmanns Kópavogsbæjar í málinu. Kópavogsbær hefur í kjölfar þess að riftun verksamningsins var dæmd lögmæt lagt í stórfelldan kostnað við að gera við galla á verki ítalska verktakans auk þess sem verulegur kostnaður hefur fallið til við að reka verkið í mun lengri tíma en upphaflegur samningur gerði ráð fyrir. Kópavogsbær hyggst endurheimta allan viðbótarkostnað vegna málsins og þar skiptir máli að allar tölur séu vel staðreyndar og skilgreindar."

Ásdís Kristjánsdóttir

Orri V. Hlöðversson

Andri S. Hilmarsson

Elísabet B. Sveinsdóttir


Bókun:

"Undirrituð ítrekar enn og aftur beiðni um upplýsingar sem margsinnis hefur verið óskað eftir og fordæmir þá leyndarhyggju sem hefur átt sér stað allt frá því að samningum við aðalverktaka verksins var rift, bæði gagnvart íbúum og kjörnum fulltrúum. Undir þessu máli eru merkt trúnaðargögn en engin rök færð fyrir því hvers vegna það eigi að ríkja trúnaður um þau. Það eru meðal annars upplýsingar sem hafa áður komið fram, eru í opnu bókhaldi og jafnvel gögn sem augljóslega á ekki ríkja trúnaður um. Það eru hagsmunir íbúa Kópavogs að fá upplýsingar um hvernig farið er með opinbert fjármagn. Hægt er að gera það án þess birta nákvæmar upplýsingar um fyrirliggjandi kröfur í því dómsmáli sem framundan er."

Theódóra S. Þorsteinsdóttir


Bókun:

"Meirihlutinn hafnar öllum ásökunum um leyndarhyggju. Það er grundvallaratriði í eins viðamiklu gerðardómsmáli og hér um ræðir að hagsmunir Kópavogsbúa séu varðir af festu og heilindum. Fjárhagslegir hagsmunir Kópavogsbæjar af hagfelldri niðurstöðu varða verulega fjármuni.

Þess vegna telur meirihluti bæjarráðs það ekki málinu til framdráttar að gögn sem merkt eru trúnaði að ítrekuðum ráðleggingum lögmanns bæjarins hafi verið lekið í fjölmiðla.

Birting sundurliðaðra bráðabirgðatalna eða vinnuskjala á þessu stigi getur veikt stöðu bæjarins gagnvart gagnaðila og skaðað möguleika til fullrar endurheimtu kostnaðar. Þetta kemur skýrt fram í minnisblaði og máli lögmanns Kópavogsbæjar og byggir meirihlutinn afstöðu sína á þeim ráðleggingum. Þegar kröfugerð liggur fyrir verða allar upplýsingar aðgengilegar."

Ásdís Kristjánsdóttir

Orri Hlöðversson

Andri Steinn Hilmarsson

Elísabet Sveinsdóttir

Frá deildarstjóra greiningardeildar, dags. 03.02.2026, lögð fram tillaga um að gefa út skuldabréf í skuldabréfaflokknum KOP24-1 að markaðsvirði allt að 3.000 milljónir. Jafnframt er óskað eftir heimild bæjarráðs og bæjarstjórnar til tímabundinnar hækkunar á lánalínum bæjarins hjá Arion banka ef með þarf, á meðan á sölu skuldabréfanna stendur.

Gestur vék af fundi kl. 11:55.

Dagskrártillaga:

"Undirritaðar óska eftir frestun til öflunar frekari upplýsinga í samræmi við neðangreinda bókun."

Theódóra S. Þorsteinsdóttir

Helga Jónsdóttir

Bergljót Kristinsdóttir

Bæjarráð hafnar með þremur atkvæðum gegn atkvæðum Theódóru S. Þorsteinsdóttur og Helgu Jónsdóttur tillögu um frestun málsins.

Bæjarráð samþykkir með þremur atkvæðu gegn atkvæðum Theódóru S. Þorsteinsdóttur og Helgu Jónsdóttur framlagða tillögu um útgáfu skuldabréfa í flokknum KOP24-1 og vísar henni til staðfestingar bæjarstjórnar.


Bókun:

"Skrifstofa áhættu- og fjárstýringar var sett á fót til að sinna betur greiningu á áhættu og fjárfestingum. Skrifstofan á að móta áhættustefnu og tryggja virka áhættustýringu í starfsemi og rekstri bæjarins. Einn mikilvægasti þátturinn í hlutverkinu er skiljanleg lánastýring. Fjármagnskostnaður, sem nú er í hæstu hæðum, er áhættuþáttur, sem bæjarráð getur haft mikil áhrif á. Tillögur verða að byggjast á skýrri greiningu á kostnaði við mismunandi valkosti sem til greina koma við fjármögnun á verkefnum bæjarins. Þess er því óskað að fyrir bæjarráð verði lagt mun skýrara mat á mismunandi leiðum til fjármögnunar fjárfestinga og rekstrar Kópavogsbæjar ásamt yfirliti yfir lántökur síðustu fimm ára. Núllkosturinn til samanburðar er að nýta tekjur Kópavogsbæjar til niðurgreiðslu lána. Þá fyrst þegar slíkar upplýsingar hafa verið lagðar fyrir getur bæjarráð tekið afstöðu til þess hvernig og hvaða verkefni á að fjármagna með lánsfé.

Helga Jónsdóttir

Theódóra S. Þorsteinsdóttir

Bergljót Kristinsdóttir


Fundarhlé hófst kl. 11:15, fundi fram haldið kl. 11:42


Bókun:

"Fyrirliggjandi tillaga er í fullu samræmi við samþykkta fjárhagsáætlun Kópavogsbæjar og lántökuheimildir ársins 2026, þar sem þegar hefur verið gert ráð fyrir bæði lántökum og afborgunum langtímalána. Hér er því ekki verið að taka nýja stefnumótandi ákvörðun um aukna skuldsetningu heldur verið að útfæra fjármögnun sem þegar hefur verið samþykkt. Meirihlutinn fellst á tillögu deildarstjóra greiningardeildar og telur ekki ástæðu til að fresta málinu."

Ásdís Kristjánsdóttir

Orri Hlöðversson

Andri Steinn Hilmarsson

Elísabet Sveinsdóttir

Frá deildarstjóra greiningardeildar, dags. 03.02.2026, lögð fram umsögn varðandi umsókn um stofnframlag vegna byggingar á 24 íbúðum að Hallarhvarfi 17-19 og Hallarhvarfi 21--23.

Frestað til næsta fundar.

Frá bæjarstjóra, dags. 03.02.2026, lagt fram uppfært erindisbréf neyðarstjórnar Kópavogs.

Bæjarráð vísar málinu til staðfestingar bæjarstjórnar.

Frá umhverfissviði, dags. 03.02.2026, lögð fram umsögn Kópavogsbæjar vegna 322. máls, þingsályktunartillögu um samgönguáætlun fyrir árin 2026-2040.

Lagt fram.

Frá bæjarstjóra, lögð fram tillagan "Okkar símalausi skóli". Lagt er til við bæjarráð að allir grunnskólar í Kópavogi fái kr. 250.000,- til kaupa á afþreyingu að eigin vali. Jafnframt er lagt til að farið verði í kosninguna „Okkar símalausi skóli“ þar sem og ungmenni fá tækifæri til að koma sínum hugmyndum á framfæri og kjósa lýðræðislega um í hvað fjármagnið fari.

Bæjarráð samþykkir með fimm atkvæðum framlagða tillögu bæjarstjóra.

Frá Skákdeild Breiðabliks, lögð fram beiðni um styrk vegna Alþjóðlega Kópavogsmótsins 2026.

Bæjarráð samþykkir að vísa málinu til afgreiðslu bæjarritara.

Frá velferðarnefnd Alþingis, lagt fram til umsagnar 305. mál - Framkvæmd öryggisráðstafana samkvæmt dómsúrlausn.

Lagt fram.

Frá umhverfis- og samgöngunefnd Alþingis, lagt fram til umsagnar 307. mál - Breyting á þingsályktun nr. 24/152 um áætlun og vernd og orkunýtingu landssvæða.

Lagt fram.

Frá velferðarnefnd Alþingis, lagt fram til umsagnar 311. mál- Réttindavernd fatlaðs fólks.

Lagt fram.

Frá velferðarnefnd Alþingis, lagt fram til umsagnar 312. mál - Atvinnuleysistryggingar og vinnumarkaðsaðgerðir (stytting bótatímabils o.fl.).

Lagt fram.

Fundargerð 277. fundar stjórnar Slökkviliðs höfuðborgarsvæðisins frá 09.01.2026.

Lagt fram.

Fundurgerð í fjórum liðum.

Lagt fram.

Fundargerð í 35 liðum.

Lagt fram.

Fundargerð í átta liðum.

Lagt fram.

Fundargerð í þremur liðum.

Lagt fram.

Fundargerð 420. fundar stjórnar Strætó frá 23.01.2026.

Lagt fram.

Fundargerð 992. fundar stjórnar Sambands íslenskra sveitafélaga frá 23.02.2026.

Lagt fram.

Frá bæjarfulltrúum minnihluta, lögð fram tillaga varðandi innri endurskoðun og úttekt á undirbúningi og framkvæmdum við Barnaskóla Kársness.

Frestað til næsta fundar.

Frá bæjarfulltrúum minnihluta, lögð fram beiðni um greinargerð um úthlutun lóðarinnar á Nýbýlavegi 1 til Olíuverslunar Íslands og um ráðstöfun lóðarleiguréttinda.

Bæjarráð vísar erindinu til umsagnar bæjarritara.

Frá bæjarfulltrúa Viðreisnar, lögð fram beiðni um upplýsingar um veikindahlutfall hjá Kópavogsbæ.

Bæjarráð vísar erindinu til umsagnar mannauðsstjóra.

Frá bæjarfulltrúa Viðreisnar, lögð fram beiðni um að fá upplýsingar um hvaða reglur gilda um auglýsingar starfa hjá yfirstjórn Kópavogsbæjar.

Bæjarráð vísar erindinu til umsagnar mannauðsstjóra.