Bæjarráð - 2942. fundur

Frá sviðsstjóra velferðarsviðs, dags. 15. janúar, lögð fram til samþykkar drög að tímabundnu samkomulagi við Efstahól ehf. um ferðaþjónustu fatlaðra í Kópavogi.

Bæjarráð samþykkir með fimm atkvæðum tímabundið samkomulag við Efstahól ehf. um ferðaþjónustu fatlaðra.

Frá bæjarritara, dags. 14. janúar, lögð fram tillaga að ráðningu Kristrúnar Einarsdóttur sem starfsmannastjóra Kópavogsbæjar.

Bæjarráð samþykkir með fimm atkvæðum að Kristrún Einarsdóttir verði ráðinn starfsmannastjóri Kópavogsbæjar.

Frá bæjarlögmanni, dags. 4. desember, lögð fram umsögn um beiðni lóðarhafa Marbakkabrautar 9 um lækkun á gatnagerðargjöldum og dreifingu greiðslna án viðbótarkostnaðar. Bæjarráð frestaði afgreiðslu málsins á síðasta fundi sínum þann 6. desember sl.

Hlé var gert á fundi kl. 10.03. Fundi var fram haldið kl. 10.04.

Bæjarráð hafnar erindi lóðarhafa Marbakkabrautar 9 um lækkun á gatnagerðargjöldum með þremur atkvæðum gegn tveimur. Birkir Jón Jónsson, Karen Halldórsdóttir og Hjördís Ýr Johnson greiddu atkvæði gegn erindinu en Pétur Hrafn Sigurðsson og Theódóra Þorsteinsdóttir greiddu atkvæði með samþykkt þess.

Bæjarráð hafnar erindi um dreifingu greiðslna án viðbótarkostnaðar með fimm atkvæðum.

Frá lögfræðideild, dags. 11. janúar, lögð fram beiðni f.h. lóðarhafa Dalaþings 26a, H.S.H. byggingameistara ehf., um heimild til að veðsetja lóðina.

Bæjarráð samþykkir umbeðna veðsetningu á lóðinni Dalaþing 26a með fimm atkvæðum.

Frá lögfræðideild, dags. 14. janúar, lagt fram bréf Sýslumannsins á höfuðborgarsvæðinu, dags. 7. janúar, þar sem óskað er umsagnar um umsókn Sviðslistahópsins 16 Elskendur, kt. 570708-0150, um tækifærisleyfi vegna leiksýningar dagana 12-18. janúar, frá klukkan 20:00-22:00, í Læknavaktinni að Smáratorgi 1, Kópavogi, skv. 17. gr. laga nr. 85/20017 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá lögfræðideild, dags. 14. janúar, lagt fram bréf Sýslumannsins á höfuðborgarsvæðinu, dags. 7. janúar, þar sem óskað er umsagnar um umsókn Sviðslistahópsins 16 Elskendur, kt. 570708-0150, um tækifærisleyfi vegna leiksýningar dagana 19-25. janúar, frá klukkan 20:00-22:00, í Læknavaktinni að Smáratorgi 1, Kópavogi, skv. 17. gr. laga nr. 85/20017 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá lögfræðideild, dags. 14. janúar, lagt fram bréf Samgöngustofu, dags. 10. desember, þar sem óskað er umsagnar um umsókn Theodóru Bjarkar Heimisdóttur, f.h. CampEasy ehf., kt. 540213-1350, um starfsleyfi fyrir ökutækjaleigu að Smiðjuvegi 72, 200 Kópavogi, skv. 3. gr. laga um leigu skráningarskyldra ökutækja nr. 65/2015, sbr. 5. og 6. gr. reglugerðar nr. 840/2015. Sveitarstjórn sem umsagnaraðili skal staðfesta að aðkoma henti fyrir fyrirhugaða starfsemi, rekstrarleyfi sé í samræmi við skipulag á umsóttu svæði og fjöldi bílastæða nægir fyrir umsóttum fjölda ökutækja.

Bæjarráð veitir neikvæða umsögn með vísan til minnisblaðs lögfræðideildar.

Frá sviðsstjóra umhverfissviðs, dags. 14. janúar, lögð fram umsögn um tillögu sem barst á fundi bæjarráðs þann 13. desember sl. um að skoðaðir yrðu kostir þess að setja upp eftirlitsmyndavélar á Kársnesi í samráði við íbúa.

Lagt fram.

Bæjarráð samþykkir með fimm atkvæðum uppsetningu eftirlitsmyndavéla á Kársnesi og áætlun umhverfissviðs um uppsetningu eftirlitsmyndavéla í Kópavogi enda rúmist verkefnið innan heimilda fjárhagsáætlunar.

Theódóra Þorsteinsdóttir lagði fram eftirfarandi bókun:

"BF - Viðreisn þakkar svarið.

Það er ánægjulegt að mælt sé með uppsetningu eftirlitsmyndavéla á Kársnesi og að nú sé komin fram áætlun um að setja slíkar vélar upp í fleiri hverfum Kópavogs.

Theódóra Þorsteinsdóttir"

Frá deildarstjóra gatnadeildar, dags. 15. janúar, lagt fram erindi um húsnæði fyrir fjöldahjálparstöðvar og rýmingar á höfuðborgarsvæðinu í samræmi við beiðni Almannavarna höfuðborgarsvæðisins þar sem lagt er til að Hörðuvallaskóli og Smáraskóli verði fjöldahjálparstöðvar og Kórinn og Fífan yrðu aðgengilegar ef komi til rýmingar á höfuðborgarsvæðinu vegna neyðarástands.

Bæjarráð samþykkir með fimm atkvæðum að Hörðuvallaskóli og Smáraskóli verði fjöldahjálparstöðvar og Kórinn og Fífan yrðu aðgengilegar ef komi til rýmingar á höfuðborgarsvæðinu vegna neyðarástands.

Frá deildarstjóra gatnadeildar, dags. 15. janúar, lagt fram erindi þar sem óskað er heimildar bæjarráðs til að bjóða út raforkukaup fyrir byggingar í eigu bæjarins og til götulýsingar.

Bæjarráð samþykkir með fjórum atkvæðum að heimila að farið verði í útboð á raforkukaupum fyrir götulýsingar og byggingar í eigu bæjarins.

Birkir Jón Jónsson vék af fundi undir þessum lið.

Frá deildarstjóra gatnadeildar, dags. 15. janúar, lagt fram erindi þar sem óskað er heimildar bæjarráðs til að bjóða út viðhald á götulýsingu sem er í eigu bæjarins.

Bæjarráð samþykkir með fimm atkvæðum að heimila útboð á viðhaldi á götulýsingu í eigu bæjarins.

Frá samgöngu- og sveitarstjórnarráðuneytinu, dags. 7. janúar, lagt fram erindi vegna nýrrar reglugerðar um Jöfnunarsjóð sveitarfélaga.

Lagt fram.

Frá OECD, dags. 20. desember, lagt fram svarbréf vegna þátttöku Kópavogsbæjar í stefnumótunarverkefninu "A territorial approach to the sustainable developement of goals; a role for cities and regions to leave no one behind" og fyrirhugaða heimsókn OECD vegna verkefnisins í febrúar 2019.

Lagt fram.

Fundargerð í 6. liðum.

Lagt fram.

Fundargerð í 5. liðum.

Lagt fram.

Fundargerð í 1. lið.

Lagt fram.

Fundargerð í 3. liðum.

Lagt fram.

Fundargerð í 10. liðum.

Lagt fram.

Frá bæjarfulltrúum Pírata, Samfylkingar og BF Viðreisnar, óskað er eftir upplýsingum um þær reglur og ferla sem gilda um afgreiðslu erinda sem berast til bæjarins, frá því að erindi er mótttekið og þar til það er afgreitt, og um ákvörðun þess hvaða erindi berast kjörnum fulltrúum og hvaða erindi gera það ekki.

Bæjarráð vísar fyrirspurninni til bæjarritara til umsagnar.

Frá bæjarfulltrúum Pírata, Samfylkingar og BF Viðreisnar, óskað er eftir að fá afrit af öllum gögnum frá þeim úrbótahópum sem settir voru af stað í tengslum við innri greiningu stefnumótunar hjá Kópavogsbæ, hvort sem þeir luku störfum eða ekki.

Bæjarráð vísar fyrirspurninni til bæjarritara til úrvinnslu.