Bæjarráð - 3182. fundur

Davíð Þorláksson, framkvæmdastjóri Betri Samgangna kynnir.

Kynning.

Frá deildarstjóra innkaupadeildar, dags. 12.08.2024, lagðar fram niðurstöður örútboðs á endurskoðun. Óskað er eftir heimild bæjarráðs að ganga til samninga við lægstbjóðanda.

Bæjarráð samþykkir með fimm atkvæðum að veita heimild til þess að gengið verði til samninga við lægstbjóðanda, Grant Thornton endurskoðun ehf.

Frá forstöðumanni menningarmála lögð fram tillaga að ráðningu forstöðumanns Salarins, ásamt rökstuðningi.

Bæjarráð samþykkir með fimm atkvæðum ráðningu Axels Inga Árnasonar í starf forstöðumanns Salarins.

Frá stjórnsýslusviði, lögð fram tillaga varðandi gjaldfrjálsar skólamáltíðir.

Bæjarráð vísar málinu til afgreiðslu bæjarstjórnar.

Frá deildarstjóra hagdeildar, lagður fram viðauki nr. 4 við fjárhagsáætlun 2024. Viðaukinn er lagður fram vegna liðar númer 3.

Bæjarráð samþykkir að vísa framlögðum viðauka nr. 4 til afgreiðslu bæjarstjórnar.

Frá deildarstjóra framkvæmdadeildar, dags. 07.08.2024, lögð fram beiðni um heimild töku 3ja tilboða og heimildar til að ganga til samninga við framkvæmdaraðila.

Bæjarráð samþykkir með fimm atkvæðum töku tilboðanna þriggja og að veita framkvæmdadeild heimild til að ganga til samninga þess efnis.

Frá lögfræðideild, lögð fram umsögn um umsókn um tækifærisleyfi til að mega halda brekkusöng og tónlistaratriði föstudaginn 16. ágúst 2024 frá kl. 20:00-01:00,

í Guðmundarlundi, að Vatnsendahlíð 203, Kópavogi, skv. 17. gr. laga nr. 85/2007 um

veitingastaði, gististaði og skemmtanahald og 30. gr. rgl. nr. 1277/2016. Samhliða lögð fram umsögn menntasviðs.

Kópavogsbær fagnar umsókn ungs fólks um viðburðahald í Guðmundarlundi í Kópavogi. Kópavogsbæ er annt um þátttöku ungs fólks við skipulag á starfi, viðburðum og öðru sem ungt fólk hefur áhuga á og ánægju af að taka þátt í.

Í ljósi þeirra alvarlegu hópamyndana sem hafa verið á höfuðborgarsvæðinu síðastliðin ár og nú í sumar í Guðmundarlundi er það ábyrgð Kópavogsbæjar að stuðla ekki að skemmtun sem standa á fram yfir miðnætti og viðbúið er að börn yngri en 18 ára safnist saman. Slík hópamyndun er til þess fallin að geta ýtt undir áhættuhegðun ungs fólks. Skipulag viðburðar er í dag sett fram með þeim hætti að Kópavogsbær getur ekki veitt jákvæða umsögn. Kópavogsbær ber ábyrgð á því að sporna gegn óæskilegri hópamyndun og lágmarka áhrif áhættuþátta í umhverfi barna og unglinga.

Út frá þeirri ábyrgð Kópavogsbæjar að stuðla ekki að skemmtun sem ýtir undir áhættuhegðun ungs fólks er jákvæð umsögn Kópavogsbæjar háð eftirfarandi skilyrðum:

- Viðburðinum ljúki kl. 23.00

- Viðburðurinn höfði til fjölskyldna og bæjarbúa á öllum aldri.

- Kynning á viðburðinum gefi ekki skilaboð sem ýti undir áhættuhegðun ungs fólks

Jafnframt vísar bæjarráð í hjálagða umsögn til menntasviðs þar sem skoðað verði að koma á samtali og samstarfvið ungt fólk um viðburði og aðra skemmtun í Guðmundarlundi, þar sem áhersla verði á viðburði sem stuðla að lýðheilsu og góðum forvörnum. Kópavogsbær vill áfram stuðla að jákvæðri ímynd Guðmundarlundar í samvinnu við bæjarbúa.

Frá umhverfissviði, dags. 12.08.2024, lagt fram svar við fyrirspurn bæjarfulltrúa.

Lagt fram.

Bókun:

"Undirrituð óskar eftir því að fá meðfylgjandi samning við Nature experiences ehf til afgreiðslu í bæjarráði og bæjarstjórn."

Theódóra S. Þorsteinsdóttir

Frá lögfræðideild, lögð fram tillaga að afgreiðslu umsóknar Skíðadeildar Víkings um styrk til greiðslu fasteignaskatts af fasteign félagsins.

Bæjarráð samþykkir með fimm atkvæðum framlagða umsókn með vísan til umsagnar lögfræðideildar.

Frá lögfræðideild, lögð fram tillaga að afgreiðslu umsóknar Skíðadeildar ÍR um styrk til greiðslu fasteignaskatts af fasteign félagsins.

Bæjarráð samþykkir með fimm atkvæðum framlagða umsókn með vísan til umsagnar lögfræðideildar.

Frá lögfræðideild lögð fram tillaga að afgreiðslu umsóknar RM Heklu félags um styrk til greiðslu fasteignaskatts af fasteign félagsins.

Bæjarráð samþykkir með fimm atkvæðum framlagða umsókn með vísan til umsagnar lögfræðideildar.

Frá aðalstjórn Breiðabliks, dags. 24.07.2024, lögð fram umsókn um styrk fyrir Guðlaugu Eddu Hannesdóttur þríþrautarkonu og Ólympíufara.

Bæjarráð samþykkir með fimm atkvæðum að vísa málinu til afgreiðslu bæjarritara.

Frá Strætó bs., dags. 08.08.2024, lagt fram erindi þar sem óskað er eftir auknu rekstrarframlagi vegna hækkunar kostnaðar við aðkeyptan akstur.

Bæjarráð vísar málinu til afgreiðslu bæjarstjórnar.

Fundargerð stjórnar Reykjanesfólksvangs frá 16.06.2024.

Lagt fram.

Fundargerð í sex liðum.

Lagt fram.

Fundargerð í sjö liðum.

Lagt fram.

Frá SSH, dags. 13.08.2024, lagt fram erindi þar sem óskað er eftir tilnefningu fulltrúa Kópavogsbæjar í stýrihóp um framtíðarstaðsetningu íþróttamiðstöðvar skotíþrótta.Vísað er til meðfylgjandi erindisbréfs stýrihóps um framtíðarstaðsetningu íþróttamiðstöðvar skotíþrótta dags. 12.04.2024.

Bæjarráð samþykkir með fimm atkvæðum að tilnefna Þóri Ingvarsson í stýrihópinn.

Frá varafulltrúa Pírata, lögð fram tillaga um að gjaldfrjálst skuli vera á söfn og menningarstofnanir sem Kópavogsbær rekur.

Bæjarráð samþykkir að vísa tillögunni til afgreiðslu lista- og menningarráðs.

Bókun:

"Vísa í samtalið í bæjarráði og óska eftir því að í umsögn stjórnsýslusviðs komi fram fjárhagslega hliðin annars vegar og hins vegar hvernig gjaldtöku er háttað hjá helstu samanburðarsveitarfélögum. Þær upplýsingar fylgi framsendingu til lista- og menningarráðs sem þarf að koma að forgangsröðun í fjárhagsáætlunargerð."

Indriði I. Stefánsson

Frá varafulltrúa Pírata í bæjarráði, lögð fram fyrirspurn um kjörgengi fulltrúa Pírata í lista- og menningarráði.

Bæjarráð vísar fyrirspurninni til umsagnar bæjarlögmanns.

Frá varafulltrúa Pírata, lögð fram fyrirspurn varðandi opna fundi fastanefnda.

Bæjarráð vísar tillögunni til yfirstandandi vinnu við endurskoðun bæjarmálasamþykktar.

Frá varafulltrúa Pírata í bæjarráði, lögð fram fyrirspurn um stöðu málfars á heimasíðu Kópavogsbæjar.

Bæjarráð vísar tillögunni til umsagnar bæjarritara.