Bæjarráð - 2940. fundur

03/01/201908:15–9:00

á Digranesvegi 1, bæjarráðsherbergi - Víghóll

Mætt til fundar

Nefndarmenn

Birkir Jón Jónsson - formaður
Karen Elísabet S Halldórsdóttir - varaformaður
Hjördís Ýr Johnson - aðalmaður
Pétur Hrafn Sigurðsson - aðalmaður
Theódóra S Þorsteinsdóttir - aðalmaður
Sigurbjörg Erla Egilsdóttir - áheyrnarfulltrúi
Ármann Kristinn Ólafsson - bæjarstjóri

Starfsmenn

Páll Magnússon - bæjarritari

Ritari

Páll Magnússon

Dagskrá fundar

Samkomulag um rekstrarstyrk milli Kópavogsbæjar, Garðabæjar og Hestamannafélagsins Spretts

1402205

Frá bæjarstjóra, lögð fram drög að endurskoðuðu samkomulagi um rekstrarstyrk við Hestamannafélagið Sprett.

Bæjarráð samþykkir samninginn með fimm atkvæðum með þeirri breytingu að við 5. gr. bætist ákvæði um jafnréttisstefnu bæjarins í samræmi við fyrri samning og að 7. gr. falli á brott.

Framlenging á lánum hjá Íslandsbanka, endurfjármögnun.

1812763

Frá fjáramálastjóra, lagt fram erindi þar sem óskað er eftir heimild sveitarstjórnar til að endurfjármagna (framlengja) lánum hjá Íslandsbanka annars vegar að fjárhæð 2.700 milljónir króna og hins vegar 1.515 milljónir króna.

Bæjarráð samþykkir með fimm atkvæðum fyrir sitt leyti að veita heimild til undirritunar umbeðinna lánasamninga við Íslandsbanka og vísar málinu til bæjarstjórnar til afgreiðslu.

Vallakór 12-14, Íþróttahús Kórsins, HK. Umsagnarbeiðni vegna umsóknar um tímabundið áfengisleyfi

1812205

Frá lögfræðideild, dags. 17. desember, lagt fram bréf Sýslumannsins á höfuðborgarsvæðinu, dags. 4. desember, þar sem óskað er umsagnar um umsókn Handknattleiksfélags Kópavogs, kt. 630981-0269, um tímabundið áfengisleyfi vegna þorrablóts Kópavogs(Kópavogsblót) sem verður haldið þann 25. janúar frá kl. 19:00-03:00, í Kórnum, að Vallakór 12-14, Kópavogi, skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Umsókn um styrk vegna ársins 2019

1812735

Frá Krabbameinsfélaginu, dags. 20. desember, lögð fram umsókn um styrk að fjárhæð kr. 500.000 til áframhaldandi fræðslustarfs félagsins.

Bæjarráð samþykkir með fimm atkvæðum að veita styrk til félagsins að upphæð kr. 200.000,-.

Ósk um að sveitarfélagið tilnefni fulltrúa í vatnasvæðanefnd

1812707

Frá Umhverfisstofnun, dags. 14. desember, lagt fram erindi þar sem þess er óskað að sveitarfélagið tilnefni fulltrúa í vatnasvæðanefnd í samræmi við lög um stjórn vatnamála.

Bæjarráð vísar erindinu til bæjarstjóra til afgreiðslu.