Íþróttaráð - 104. fundur

Framkvæmdastjóri UMSK ásamt verkefnastjóra sátu fundinn undir þessum lið.

Eva Katrín Friðgeirsdóttir verkefnastjóri og Valdimar Gunnarsson framkvæmdastjóri UMSK greindu frá undirbúningi og áætlaðri kynningu verkefnisins.

Umfjöllun um stefnumarkandi áætlanir.

Auður Finnbogadóttir verkefnastjóri stefnumótunar hjá Kópavogsbæ kynnti stöðu mála og fór yfir vinnuskjal sem liggur fyrir.

Almennar umræður.

Lagðar fram tillögur SIK um afnot/nýtingu á íþróttahúsum Kópavogsbæjar sem rekin eru af sveitarfélaginu. Um afnot knattspyrnudeilda HK og Breiðabliks af knattspyrnuvöllum og -húsum bæjarins, óskuðu fulltrúar félaganna eftir því að gera grein fyrir óskum félaganna í þeim efnum.

Undir þessum dagskrárlið sátu, Eysteinn Pétur Lárusson framkvæmdastjóri Breiðabliks og Hanna Carla Jóhannsdóttir framkvæmdastjóri HK, fundinn og færðu rök fyrir því að bæjaryfirvöld endurskoði úthlutaðan tímaramma fyrir æfingar knattspyrnudeilda félaganna í knatthöllunum, en sá liður til úthlutunar kom ekki til ákvörðunar þar sem honum var frestað til næsta fundar. Nefndin staðfesti úthlutun SIK í öðrum íþróttahúsum sem falla undir ramma íþróttaráðs.

Íþróttaráð felur starfsmönnum íþróttadeildar að kalla eftir nánari upplýsingum um æfingatöflur knattspyrnudeildanna á þeim völlum sem félögin hafa til ráðstöfunar samkvæmt fyrirliggjandi ramma. Jafnframt er kallað eftir því að félögin færi rök fyrir því hvar og hver þessi aukning þarf að vera og hvers vegna. (fjöldi tíma / á hvaða velli ).

Fjölgun fulltrúa Kópavogs í stjórn SIK.

Greint var frá því að endurskoðaður samstarfssamningur þar að lútandi hefur verið samþykktur af SIK.