Lista- og menningarráð - 3. fundur

Frá Þórunni Björnsdóttur, dags. 21. maí, ósk um styrk vegna leigu á Salnum.

Lista- og menningarráð samþykkir að veita styrk sem nemur andvirði leigu á Salnum.

Mál sem var frestað á síðasta fundi ráðsins. Fulltrúar verkefnisins mæta á fundinn.

Eydís Fransdóttir og Hannes Guðrúnarson, fulltrúar tónlistarkennara við Tónlistarskóla Kópavogs, sátu fundinn undir þessum lið og gerðu grein fyrir erindinu. Lista- og menningarráð frestar afgreiðslu til næsta fundar.

Frá Sigurði Sveinssyni, dags. 19. apríl, óskað eftir samstarfi við Kópavogsbæ við að skrá sögu bæjarins í máli og myndum á nútímalegu formi. Bæjarráð vísaði erindinu til lista- og menningarráðs til afgreiðslu.

Lista- og menningarráð frestar afgreiðslu og óskar eftir að bréfritari mæti á næsta fund ráðsins og geri grein fyrir erindinu.

Frá nemendum við Tónlistarskóla Kópavogs, dags. 6. maí, styrkbeiðni vegna tónleika- og námsferðar til Ítalía 14. - 28. ágúst 2012.

Lista- og menningarráð sér sér ekki fært að verða við erindinu.

Frá formanni lista- og menningarráðs, stefnumörkun um útnefningu heiðurslistamanns.

Lista- og menningarráð frestar afgreiðslu til næsta fundar.

Útilistaverk í Hlíðagarði var fjarlægt úr garðinum vegna viðgerða í garðinum árið 2004.

Lista- og menningarráð óskar eftir því að útilistaverk, sem sett var í viðgerð árið 2004, verði að nýju sett upp í Hlíðargarði.

Frá sóknarpresti Digraneskirkju, dags. 23. maí, umsókn um styrk vegna blúsmessu í Digraneskirkju. Messan er hluti af Jazz- og blúshátíð Kópavogs.

Lista- og menningarráð samþykkir að veita kr. 50.000 til verkefnisins.

Lista- og menningarráð óskar eftir samantekt yfir styrki til menningarmála sl. 4 ár.