Lista- og menningarráð - 155. fundur

Fyrirspurn bæjarfulltrúa Margrétar Tryggvadóttur og Ísabellu Leifsdóttur um stöðu menningarstofnanna. Málinu var vísað til umsagnar bæjarritara.

Lagt fram og rætt.

Bókun:

Fulltrúar Samfylkingarinnar, Vina Kópavogs, Viðreisnar og Pírata ítreka þá fyrirspurn sem lýtur að stöðu ráðsins við stjórn stofnanna. Það er ótækt að ekki liggi fyrir hver stjórnsýsluleg staða ráðsins sé núna. Samkvæmt bæjarmálasamþykkt og erindisbréfi ráðsins fer ráðið með stjórn menningarhúsanna og það gengur ekki að staða þeirra sé óljós.

Margrét Tryggvadóttir

Elvar Bjarki Helgason

Kolbeinn Reginsson

Margrét Ásta Arnarsdóttir

Umsókn Leikfélags Kópavogs um styrk þar sem óskað var eftir nánari fjárhagsáætlun.

Lista- og menningarráð samþykkir að veita Leikfélagi Kópavogs styrk að upphæð kr. 600.000. Fulltrúi Vina Kópavogs situr hjá.

Erindi frá fulltrúum Vina Kópavogs, Samfylkingar, Viðreisnar og Pírata varðandi hvenær á að senda fundarboð og gögn til fundarfólks.

Stefnt er að birtingu gagna fyrir kl. 14 á mánudögum fyrir fundi ráðsins.

Fyrri fyrirspurn Elvars Bjarka Helgasonar, um stöðu Náttúrufræðistofu í kjölfar uppsagna starfsfólks.

Lagt fram og rætt.

Bókun:

Fulltrúar Viðreisnar, Samfylkingarinnar, Vina Kópavogs og Pírata harma að ráðið hafi ekki verið upplýst um fyrirhugaðar uppsagnir starfsfólks á sama tíma og fyrirhugað er að ráða aðra náttúrufræðinga til stofunnar þegar hlutverk hennar og starfsemi er óljós. Ljóst er að mikil þekking mun glatast við þessar hrókeringar.

Margrét Tryggvadóttir

Elvar Bjarki Helgason

Kolbeinn Reginsson

Margrét Ásta Arnarsdóttir

Síðari fyrirspurn Elvars Bjarka Helgasonar, um áhrif breytinga á menningarstofnunum bæjarins á Öndvegisstyrk til Náttúrufræðistofu og Gerðarsafns frá Safnasjóði.

Lagt fram og rætt.

Bókun:

Fulltrúar Viðreisnar, Samfylkingarinnar, Vina Kópavogs og Pírata ítreka áhyggjur sínar og minna á erindi frá Safnaráði frá 21. apríl s.l. þar sem fjallað er um hlutverk og skyldur viðurkenndra safna. Hætta er á að Náttúrufræðistofa Kópavogs missi stöðu sína sem viðurkennt safn og þar með styrki sem því hafa fylgt.

Margrét Tryggvadóttir

Elvar Bjarki Helgason

Kolbeinn Reginsson

Margrét Ásta Arnarsdóttir

Tilkynning um skemmd á listaverkinu Kópur.

Málið rætt og beðið eftir sérstakri skoðun forstöðumanns Gerðarsafns.

Umsögn um Jafnréttis- og mannréttindastefnu.

Lista- og menningarráð leggur til að umfjöllun um aðgengi verði víkkuð út þannig að hún nái ekki eingöngu til opinberra stofnana heldur líka til annarrar þjónustu í bæjarfélaginu. Einnig að í umfjöllun um fræðslu um fjölbreytileika verði nefnd dæmi um hvers konar fræðslu, t.d. hinsegin fræðslu. Þá er lagt til að undir liðnum menntun, tómstundir og atvinna verði fjallað um mikilvægi að jöfnu aðgengi að menningarstarfsemi bæjarins.