Fyrirspurn Elvars Bjarka Helgasonar um stöðu menningarstofnanna

Ráðið óskar eftir kynningu og skriflegu svari frá forstöðumanni bókasafnsins og forstöðumanni UT vegna forsögu um kaup á bókaboxi og kostnaði sem því fylgir.

Lista- og menningarráð þakkar forstöðumanni bókasafnsins, Lísu Valdimarsdóttur, fyrir greinagóða lýsingu á verkefninu.

Undirrituð óska bókað:

,,Mikilvægt er að veita íbúum almennilega bókasafnsþjónustu í efri byggðum og byggja upp menningarkjarna þar. Mjög langt er frá menningarhúsunum upp í efri byggðir og óboðlegt að veita ekki þjónustu á þessu sviði þar. Bókabox getur verið hluti af þjónustunni en ekki sem eina þjónustuleiðin.

Þá er mikilvægt að öll útlán safna, m.a. á leikskólum, séu skráð svo rétthafar fái sínar greiðslur úr bókasafnssjóði."

Margrét Tryggvadóttir áheyrnarfulltrúi Samfylkingarinnar, Ísabella Leifsdóttir, fulltrúi Vina Kópavogs, Árni Pétur Árnason, áheyrnarfulltrúi Pírata.

Bæjarstjóri Ásdís Kristjánsdóttir, bæjarritari Pálmi Þór Másson og bæjarlögmaður Ása Arnfríður Kristjánsdóttir, fara yfir stöðu og þróun á þeim breytingum sem gerðar hafa verið í menningarhúsunum í kjölfar samþykktra breytinga í apríl 2023. Gestir yfirgáfu fundinn 9:20.

Bókun:

Fulltrúar Samfylkingarinnar, Pírata, Vina Kópavogs og Viðreisnar árétta að samkvæmt 9. gr. erindisbréfs ráðsins er það hlutverk þess að fara með og sinna stefnumörkun í menningarmálum og vera ráðgefandi til bæjarráðs um þau mál og að lista- og menningarráð fer með málefni stofnana sem starfa að menningarmálum í Kópavogi. Í þessu ferli hefur ráðið síendurtekið verið sniðgengið í ákvörðunartöku sem er ótækt.

Margrét Tryggvadóttir, áheyrnarfulltrúi samfylkingar

Ísabella Leifsdóttir, fulltrúi Vina Kópavogs

Árni Pétur Árnason, áheyrnarfulltrúi Pírata

Elvar Bjarki Helgason, fulltrúi Viðreisnar

Farið yfir stöðu menningarhúsanna í kjölfar breytinga sl. vor.

Lagt fram til kynningar. Ráðið óskar eftir kynningu frá forstöðumanni bókasafnsins og forstöðumanni UT vegna forsögu um kaup á bókaboxi og kostnaði sem því fylgir.

Staða menningarhúsanna í kjölfar breytinga í apríl 2023.

Lista- og menningarráð þakkar fyrir samantektina og óskar eftir að skjalið verði notað áfram sem lifandi vinnuskjal og liggi fyrir á næstu fundum. Ráðið vill einnig minna á að í starfshópi um Salinn verði fulltrúar frá Tónlistarskóla Kópavogs og lista- og menningarráði og leggur áherslu á að starfshópurinn verði myndaður sem fyrst.

Fyrri fyrirspurn Elvars Bjarka Helgasonar, um stöðu Náttúrufræðistofu í kjölfar uppsagna starfsfólks.

Lagt fram og rætt.

Bókun:

Fulltrúar Viðreisnar, Samfylkingarinnar, Vina Kópavogs og Pírata harma að ráðið hafi ekki verið upplýst um fyrirhugaðar uppsagnir starfsfólks á sama tíma og fyrirhugað er að ráða aðra náttúrufræðinga til stofunnar þegar hlutverk hennar og starfsemi er óljós. Ljóst er að mikil þekking mun glatast við þessar hrókeringar.

Margrét Tryggvadóttir

Elvar Bjarki Helgason

Kolbeinn Reginsson

Margrét Ásta Arnarsdóttir