Lista- og menningarráð - 166. fundur

Umræður og ályktun um skýrslu starfshóps um Salinnn.

Drög að skýrslu lögð fram og rædd.

Ráðning forstöðumanns Salarins.

Lista- og menningarráð fagnar ráðningu nýs forstöðumanns og óskar honum velgengni í starfi.

Ráðið óskar eftir kynningu og skriflegu svari frá forstöðumanni bókasafnsins og forstöðumanni UT vegna forsögu um kaup á bókaboxi og kostnaði sem því fylgir.

Lista- og menningarráð þakkar forstöðumanni bókasafnsins, Lísu Valdimarsdóttur, fyrir greinagóða lýsingu á verkefninu.

Undirrituð óska bókað:

,,Mikilvægt er að veita íbúum almennilega bókasafnsþjónustu í efri byggðum og byggja upp menningarkjarna þar. Mjög langt er frá menningarhúsunum upp í efri byggðir og óboðlegt að veita ekki þjónustu á þessu sviði þar. Bókabox getur verið hluti af þjónustunni en ekki sem eina þjónustuleiðin.

Þá er mikilvægt að öll útlán safna, m.a. á leikskólum, séu skráð svo rétthafar fái sínar greiðslur úr bókasafnssjóði."

Margrét Tryggvadóttir áheyrnarfulltrúi Samfylkingarinnar, Ísabella Leifsdóttir, fulltrúi Vina Kópavogs, Árni Pétur Árnason, áheyrnarfulltrúi Pírata.

Auglýsing um styrki frá lista- og menningarráði.

Lista- og menningarráð leggur til að auglýsing um styrki úr lista- og menningarsjóði verði með sama sniði og á síðasta ári.

Kynning á stöðu sjóðs lista- og menningarráðs.

Staða sjóðsins lögð fram.

Kraðak óskar eftir styrk að upphæð kr. 4.400.960 til að standa fyrir jóladagskrá í Guðmundarlundi fjóra sunnudaga á aðventunni.

Lista- og menningarráð samþykkir að veita Kraðak styrk að upphæð kr. 1.800.000. Ráðið felur forstöðumanni menningarmála frekari úrvinnslu verkefnisins.

Beiðni um 500.000 kr. styrk til að halda brekkusöng um Verslunarmannahelgina fyrir íbúa í Sala-, Kóra-, Linda- og Hvarfahverfum.

Lista- og menningarráð getur því miður ekki orðið við beiðninni.

Beiðni um styrk að upphæð 180.000 kr. vegna þátttöku í Dance World Cup.

Lista- og menningarráð getur því miður ekki orðið við beiðninni og hvetur umsækjanda til að beina erindi sínu til íþróttaráðs Kópavogs.

Félag heyrnalausra óskar eftir styrk að upphæð kr. 500.000 vegna Menningarhátíðar heyrnalausra á Selfossi í ágúst 2026.

Lista- og menningarráð getur því miður ekki orðið við beiðninni.

Frestað erindi frá Árna Pétri Árnasyni áheyrnarfulltrúa Pírata um erindisbréf lista- og menningarráðs.

Lista- og menningarráð þakkar bæjarlögmanni Ásu Arnfríði Kristjánsdóttur fyrir góða og gagnlega kynningu á erindisbréfi ráðsins og bæjarmálasamþykktinni.

Fyrirspurn frá áheyrnarfulltrúa Samfylkingarinnar, Margréti Tryggvadóttur, vegna atvinnuauglýsingar um forstöðumann Salarins.

Lagt fram.


"Undirrituð telja mikilvægt að hæfisskilyrði atvinnuauglýsinga séu ekki of þröngt skilgreind og útilokandi fyrir fólk sem alla jafna telst hæft til að sinna starfinu. Að sama skapi geta þau ekki verið of lítið skilgreind."

Margrét Tryggvadóttir áheyrnarfulltrúi Samfylkingarinnar, Ísabella Leifsdóttir, fulltrúi Vina Kópavogs, Árni Pétur Árnason, áheyrnarfulltrúi Pírata.

Erindi frá fagfélagi klassískra söngvara á Íslandi.

Lagt fram.

"Undirrituð taka undir þau sjónarmið sem Klassís viðrar í erindi sínu."

Margrét Tryggvadóttir áheyrnarfulltrúi Samfylkingarinnar, Ísabella Leifsdóttir, fulltrúi Vina Kópavogs, Árni Pétur Árnason, áheyrnarfulltrúi Pírata.

Fundartímar ráðsins á árinu.

Næstu fundartímar ráðsins eru eftirfarandi

Miðvikudagur 2.okt. Kl. 8:15-10:15 Almennur fundur

Miðvikudagur 6.nóv. Kl. 8:15-12:00 Styrkúthlutanir

Fimmtudagur 21.nóv. Kl. 16:00-18.00 Almennur fundur og afhending styrkja