Lýðheilsu- og íþróttanefnd - 3. fundur

Á fundinn mætti Ingólfur Arnarson, fjármálastjóri og svaraði fyrirspurnum nefndarmanna varðandi reiknaða leigu vegna afnota af íþróttamannvirkjum.

Lýðheilsu- og íþróttanefnd þakkar Ingólfi fyrir hans innlegg í umræðuna.

Tekin til umfjöllunar málefni stúkubyggingar við félagssvæði HK í Kórnum.

Á fundinn mætti Ásthildur Helgadóttir, sviðsstjóri umhverfissviðs, kynnti stöðu mála varðandi verkefnið og svaraði fyrirspurnum nefndarmanna.

Lýðheilsu- og íþróttanefnd þakkar fyrir kynninguna.

Nefndin leggur áherslu á áframhaldandi jákvætt samstarf við HK varðandi næstu skref í ferlinu.

Á fundinn mættu Pálmi Þór Másson, bæjarritari og Steinn S Finnbogason, lögfræðingur og kynntu erindisbréf lýðheilsu- og íþróttanefndar.

Lýðheilsu- og íþróttanefnd þakkar fyrir kynninguna.

Nefndin mun í framhaldi taka 11. greinina, sem fjallar um hlutverk og verkefni nefndarinnar sérstaklega til skoðunar.

Á fundinn mætti Eva Katrín Friðgeirsdóttir, verkefnastjóri Virkni og vellíðan og kynnti fyrir nefndinni stöðu verkefnisins ásamt nýrri rannsókn sem er að hefjast.

Lýðheilsu- og íþróttanefnd þakkar Evu Katrínu Friðgeirsdóttur, verkefnastjóra Virkni og vellíðan fyrir góða kynningu á frábæru lýðheilsustarfi.

Vinnureglur við greiðslu atkvæða í kjöri íþróttafólks Kópavaogs ásamt Reglugerð íþróttaráðs um kjör á íþróttafólki Kópavogs teknar til endurskoðunar.

Frestað.

Lögð fram umsögn Ungmennaráðs, sem lýðheilsu og íþróttanefnd óskaði eftir á síðasta fundi sínum 20. febrúar.

Lýðheilsu- og íþróttanefnd þakkar Ungmennaráði fyrir umsögnina.

Í ljósi þeirra gagna sem fyrir liggja í málinu telur lýðheilsu og íþróttanefnd ekki ástæðu til að breyta núverandi reglum.

Lagðar fram verklagsreglur þeirra félaga sem selt hafa áfengi á íþróttaviðburðum deilda í sínu félagi, en lýðheilsu og íþróttanefnd óskað eftir upplýsingum um það á síðasta fundi nefndarinnar 20. febrúar, hvort félögin hafi sett sér slíkar verklagsreglur.

Lýðheilsu- og íþróttanefnd þakkar félögunum fyrir greinagóð svör varðandi verklagsreglur þeirra um áfengissölu á íþróttaviðburðum. Nefndin heldur áfram að fylgjast með þróun þessara mála.