Erindisbréf lýðheilsu- og íþróttanefndar

Lagt fram til kynningar uppfært erindisbréf lýðheilsu- og íþróttanefndar sem samþykkt var á fundi bæjarstjórnar 24. júní 2025.

Erindisbréf lagt fram til kynningar. Lýðheilsu- og íþróttanefnd þakkar Steini Sigríðar Finnbogasyni fyrir góða kynningu.

Steinn Sigríðar Finnbogason, lögmaður, vék af fundi kl. 16:30.

Lagt fram uppfært erindisbréf lýðheilsu- og íþróttanefndar til samþykktar bæjarráðs og bæjarstjórnar.

Theodóra S. Þorsteinsdóttir leggur til að erindisbréfinu verði vísað til umsagnar lýðheilsufulltrúa bæjarins.

Tillögunni er hafnað með 6 atkvæðum gegn atkvæðum Theódóru S. Þorsteinsdóttur, Bergljótar Kristinsdóttur, Sigurbjargar Erlu Egilsdóttur, Thelmu B. Árnadóttur og Þórarins Ævarssonar.


Hlé er gert á fundi kl. 16:42. Fundi framhaldið kl. 16:49.


Bæjarstjórn samþykkir með 6 atkvæðum framlagt erindisbréf lýðheilsu- og íþróttanefndar, gegn atkvæðum Theodóru S. Þorsteinsdóttur, Bergljótu Kristinsdóttur og Sigurbjargar Erlu Egilsdóttur, Thelmu B. Árnadóttur og Þórarins Ævarssonar sitja hjá.

Hlé var gert á fundi kl. 17:00 og fundi framhaldið kl. 17:31


Undirrituð samþykkja ekki erindisbréf nefndarinnar í fyrirliggjandi mynd. Við teljum óásættanlegt að áheyrnarfulltrúar hafi hvorki tillögurétt né atkvæðisrétt í störfum nefndarinnar, enda dregur það úr lýðræðislegri þátttöku og möguleikum fulltrúa allra framboða til að hafa áhrif á ákvarðanatöku. Lýðræðisleg vinnubrögð krefjast þess að allir kjörnir fulltrúar, hvort sem þeir eiga sæti með atkvæðisrétt eða sem áheyrnarfulltrúar, geti komið sjónarmiðum sínum á framfæri á formlegan hátt. Fulltrúar þeirra flokka sem undirrita þessa bókun lögðu í samráðsferli fram tillögur um að áheyrnarfulltrúar fengju tillögu- og bókunarrétt, en án árangurs. Við hvetjum til endurskoðunar á erindisbréfinu með það að markmiði að tryggja virka og málefnalega þátttöku allra fulltrúa í nefndarstarfi bæjarins.

Sigurbjörg Erla Egilsdóttir,

Theodóra S. Þorsteinsdóttir,

Bergljót Kristinsdóttir,

Thelma B. Árnadóttir,

Þórarinn Ævarsson.

Erindisbréfið er í fullu samræmi við bæjarmálasamþykkt Kópavogsbæjar sem var samþykkt með öllum 11 atkvæðum bæjarstjórnar 26. nóvember 2024, en í 40. gr. bæjarmálasamþykktarinnar segir: „Áheyrnarfulltrúi hefur ekki tillögurétt eða rétt til að leggja fram bókun nema í bæjarráði, skipulagsráði, menntaráði og velferðarráði“.

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir

Elísabet Sveinsdóttir

Gunnar Sær Ragnarsson

Lagt fram uppfært erindisbréf lýðheilsu- og íþróttanefndar til samþykktar bæjarráðs og bæjarstjórnar.

Bæjarráð vísar drögum að erindisbréfi lýðheilsu- og íþróttanefndar til afgreiðslu bæjarstjórnar.

Tekið fyrir að nýju erindisbréf lýðheilsu- og íþróttanefndar en ákveðið var á síðasta fundi nefndarinnar að taka 11. grein erindisbréfsins sérstaklega til skoðunar.

Lagðar fram tillögur að breytingum á 11. grein í drögum að erindisbréfi nefndarinnar.

Lýðheilsu- og íþróttanefnd samþykkir framlagðar tillögur.

Á fundinn mættu Pálmi Þór Másson, bæjarritari og Steinn S Finnbogason, lögfræðingur og kynntu erindisbréf lýðheilsu- og íþróttanefndar.

Á fundinn mættu Pálmi Þór Másson, bæjarritari og Steinn S Finnbogason, lögfræðingur og kynntu erindisbréf lýðheilsu- og íþróttanefndar.

Lýðheilsu- og íþróttanefnd þakkar fyrir kynninguna.

Nefndin mun í framhaldi taka 11. greinina, sem fjallar um hlutverk og verkefni nefndarinnar sérstaklega til skoðunar.