Kostnaður foreldra við grunnskólagöngu barna sinna

Bréf frá skólastjóra Snælandsskóla lagt fram.

Menntaráð þakkar framlagt bréf með skýringum skólastjóra Snælandsskóla varðandi kaup á námsgögnum fyrir nemendur Snælandsskóla.

Menntaráð áréttar mikilvægi verkefnisins og að skólastjóri tryggi gott samráð og samstarf við foreldrafélagið um framkvæmd innkaupa.

Bæjarstjórn samþykkti á fundi sínum 13. júní s.l. eftirfarandi tillögu menntaráðs um aðgerðir til að lækka kostnað foreldra á ritföngum. "Menntaráð áréttar bókun skólanefndar á fundi dags. 3. október 2016 varðandi lækkun ritfangakostnaðar og mælir með að bæjarstjórn samþykki tillögu þess efnis að grunnskólarnir fari í aðgerðir við að lækka ritfangakostnað. Í þeim tilgangi verði hvatt til þess að grunnskólarnir skipuleggi m.a. sameiginleg innkaup í samstarfi við foreldra. Miðað verði við að kostnaður vegna hvers nemanda verði ekki hærri en 4000 kr. á næsta skólaári 2017 -2018."

Skipulag innkaupa á námsgögnum í kjölfar ofangreindrar bókunar kynnt.

Lagt fram.

Bæjarstjórn samþykkti á fundi sínum 13. júní s.l. eftirfarandi tillögu menntaráðs um aðgerðir til að lækka kostnað foreldra á ritföngum. "Menntaráð áréttar bókun skólanefndar á fundi dags. 3. október 2016 varðandi lækkun ritfangakostnaðar og mælir með að bæjarstjórn samþykki tillögu þess efnis að grunnskólarnir fari í aðgerðir við að lækka ritfangakostnað. Í þeim tilgangi verði hvatt til þess að grunnskólarnir skipuleggi m.a. sameiginleg innkaup í samstarfi við foreldra. Miðað verði við að kostnaður vegna hvers nemanda verði ekki hærri en 4000 kr. á næsta skólaári 2017 -2018."

Skipulag innkaupa á námsgögnum í kjölfar ofangreindrar bókunar kynnt.

Menntaráð fagnar því að tekist hefur í grunnskólum Kópavogs að lækka kostnað við innkaup á námsgögnum með sameiginlegum innkaupum í samstarfi við foreldrafélögin. Það er mikilvægt velferðarmál fyrir fjölskyldur að kostnaður sé lækkaður jafn mikið og raun ber vitni og jafnframt dregið úr fyrirhöfn foreldra við þessi innkaup.



Aðeins einn skóli, Snælandsskóli, hefur ekki farið í sameiginleg innkaup með foreldrafélaginu og óskar menntaráð eftir skriflegri skýringu á því frá skólastjóra. Menntaráð leggur áherslu á að málið verði leyst farsællega fyrir skólabyrjun.

Fundarhlé hófst kl. 18:47 - Fundi fram haldið kl. 18:55

Gísli Baldvinsson, fulltrúi vinstri grænna og félagshyggjufólks, Bergljót Kristinsdóttir, fulltrúi samfylkingar og Helga María Hallgrímsdóttir, fulltrúi Framsóknarflokks lögðu fram eftirfarandi tillögu að áskorun til bæjarstjórnar:

"Menntaráð skorar á bæjarstjórn að bæjarfélagið taki alfarið ritfangakostnað á sig, líkt og 22 önnur sveitarfélög. Þannig verði stuðlað að jafnrétti til náms."

Tillagan var felld með fimm atkvæðum gegn tveim.

Margrét Friðriksdóttir, formaður skólanefndar, Helgi Magnússon og Ólafur Örn Karlsson, fulltrúar Sjálfstæðisflokks auk Hreiðars Oddsonar og Auðar C. Sigrúnardóttur fulltrúa Bjartrar framtíðar lögðu fram eftirfarandi tilögu til bæjarstjórnar:

"Menntaráð fagnar þeim árangri sem náðst hefur í grunnskólum Kópavogs með lækkun kostnaðar foreldra á ritföngum skólabarna samanber samþykkt bæjarstjórnar frá 13. júní. Menntaráð leggur þá tillögu fram við bæjarráð að taka til umræðu gjaldfrjálsan grunnskóla við gerð næstu fjárhagsáætlunar."

Tillagan var samþykkt með fimm atkvæðum gegn tveimur.

Bæjarstjórn samþykkir tillöguna með 11 atkvæðum.

Bókun:

"Ég fagna tillögu menntaráðs um að lækka ritfangakostnað fjölskyldna vegna skólagöngu grunnskólanema. Mikilvægt er að grunnskólar skipuleggi sameiginleg innkaup í samstarfi við foreldra. Hins vegar tel ég að þessi námsgögn eigi að vera grunnskólanemum gjaldfrjáls. Grunnskólar í Kópavogi ættu því að útvega öll þau gögn sem nauðsynlegt er að nemendur hafi tiltæk vegna náms, hvort sem það eru pappír, ritföng eða annað. Við gerð fjárhagsáætlunar Kópavogsbæjar árið 2018 þarf að tryggja fjármuni vegna þessa.

Birkir Jón Jónsson"

Menntaráð fagnar frumkvæði grunnskóla í Kópavogi að lækka ritfangakostnað fjölskyldna vegna skólagöngu barna. Það er velferðarmál að dregið sé úr kostnaði við skólagöngu barna eins og unnt er og vel sé hlúð að börnum og fjölskyldum þeirra.

Menntaráð áréttar bókun skólanefndar á fundi dags. 3. október 2016 varðandi lækkun ritfangakostnaðar og mælir með að bæjarstjórn samþykki tillögu þess efnis að grunnskólarnir fari í aðgerðir við að lækka ritfangakostnað. Í þeim tilgangi verði hvatt til þess að grunnskólarnir skipuleggi m.a. sameiginleg innkaup í samstarfi við foreldra. Miðað verði við að kostnaður vegna hvers nemanda verði ekki hærri en 4000 kr. á næsta skólaári 2017 -2018.

Greining á kostnaði og minnisblað grunnskóladeildar vegna innkaupalista í grunnskólum lagt fram.

Skólanefnd leggur til að farið verði í markvissar aðgerðir til að draga verulega úr kostnaði nemenda við ritfangakaup við skólabyrjun og stefnt að því að allir skólar nái svipuðum árangri og Álfhóls- og Salaskóli og einnig á unglingastigi. Til þess að þetta megi gerast þarf að vinna málið í samvinnu við skólastjórnendur.

Samþykkt með sjö greiddum atkvæðum.

Gísli Baldvinsson, áheyrnarfulltrúi Vinstri grænna og félagshyggju lagði fram eftirfarandi bókun;

"Undirritaður fagnar því að í Álfhólsskóla og Salaskóla hafi verið reynt að halda kostnaði foreldra við námsgagnakaup barna sinna í lágmarki. Undirritaður leggur til að við gerð fjárhagsáætlunar 2017 verði gert ráð fyrir fjármagni til námsganga fyrir nemendur og þar með verði grunnskólinn öllum nemendum að kostnaðarlausu eins og gert er ráð fyrir í barnasáttmála Sameinuðu þjóðanna sem lögfestur hefur verið á Íslandi. Undirritaður fagnar tillögu grunnskóladeildar bæjarins og hvetur bæjarstjórn til að merkja áætlaðan kostnað í fjárhagsáætlun bæjarins."

Máli frestað á síðasta fundi.

Svar við fyrirspurn lagt fram.

Fyrirspurn lögð fram.

Máli frestað til næsta fundar.

Staða máls kynnt.

Fyrstu niðurstöður kynntar.

Staða máls kynnt.

Lagt fram minnisblað frá deildarstjóra grunnskóladeildar, unnið er að gagnaöflun.

Formaður skólanefndar kynnir málið.

Skólanefnd felur grunnskóladeild að afla upplýsinga um málið.