Íþróttakarl og Íþróttakonu Kópavogs - Framkvæmd kjörsins 2016

Íþróttaráð samþykkti fyrr á árinu að gefa bæjarbúum tækifæri til að taka beinan þátt í kjöri á íþróttakonu og íþróttakarls Kópavogs með vefrænni kosningu.

Vefkosningin fer fram frá 21. - 31. desember nk. og verða niðurstöður hennar kunngerðar á Íþróttahátíð Kópavogs 2016.

Íþróttaráð samþykkti á síðasta fundi ráðsins að Íþróttahátíð Kópavogs 2016 verði haldin í samvinnu við Gerplu í Íþróttamiðstöðinni í Versölum laugardaginn 7. janúar kl. 17:00.

Á síðasta fundi Íþróttaráðs þann 27. okt. sl., var starfsmönnum falið að kalla eftir tilnefningum íþróttafélaganna. Frestur var gefinn til 30. nóv., og gefinn er kostur á því að skila öllum tilnefningum inn á rafrænu formi.

Íþróttaráð samþykkir að íþróttahátíð Kópavogs verði haldinn í Íþróttamiðsöðinni í Versölum í samvinnu við Gerplu fyrri hluta janúar.

Tekin til afgreiðslu drög að reglum íþróttaráðs um kjör á íþróttakonu og íþróttakarli Kópavogs sem lögð voru fyrir á 63. fundi íþróttaráðs.

Deildarstjóri greindi frá undirbúningi við framkvæmd íbúakosninga í tengslum við kjörið, en á fundi íþróttaráðs þann 11. janúar sl. samþykkti Íþróttaráð að vinna að því á árinu að opna kjörið þannig að bæjarbúar geti verið þátttakendur í valinu með beinum kosningum á íþróttakonu og íþróttakarli Kópavogs 2016.

Íþróttaráð samþykkir framlagðar reglur.

Íþróttaráð lýsir ánægju sinni með, að nú í fyrsta sinn gefist bæjarbúum tækifæri á að taka þátt í kjöri á íþróttakonu og íþróttakarli Kópavogs í desember nk.

Íþróttaráð felur starfsmönnum að kalla eftir tilnefningum íþróttafélaganna sem lagðar verði fram á næsta fundi ráðsins.

Á fundi íþróttaráðs þann 11. janúar sl. samþykkti Íþróttaráð að vinna að því á árinu 2016 að opna valið á íþróttakonu og karli ársins í Kópavogi þannig að bæjarbúar geti verið þátttakendur í valinu með beinum kosningum og fól íþróttafulltrúa að leggja fram tillögur að nýjum reglum til umræðu fyrir Íþróttaráð.

Lögð fram drög að nýjum reglum til umræðu.

Almenn umræða, málinu frestað.

Val á íþróttakonu og karli ársins 2016.

Almennar umræður:$line$Íþróttaráð leggur til að á árinu 2016 muni Íþróttaráð vinna að því að opna valið á íþróttakonu og karli ársins í Kópavogi þannig að bæjarbúar geti verið þátttakendur í valinu með beinum kosningum. Íþróttaráð felur íþróttafulltrúa að leggja fram tillögur að nýjum reglum til umræðu fyrir Íþróttaráð á næsta fundi nefndarinnar.$line$Samþykkt.