Ársreikningur Kópavogsbæjar 2017

Ármann Kr. Ólafsson, bæjarstjóri, gerði grein fyrir helstu niðurstöðum samantekins ársreiknings Kópavogsbæjar 2017, A-hluta fyrirtækja samstæðunnar, sem eru Eignasjóður Kópavogsbæjar, Byggingarsjóður MK og Þjónustumiðstöð Kópavogsbæjar, svo og B-hluta fyrirtækja Kópavogsbæjar; Fráveitu Kópavogsbæjar, Vatnsveitu Kópavogsbæjar og Húsnæðisnefndar Kópavogsbæjar ásamt ársreikningum B-hluta fyrirtækjanna Tónlistarhúss Kópavogs og Hafnarsjóðs Kópavogs, sem höfðu verið samþykktir í viðkomandi stjórn/nefnd. Einnig var lagður fram samþykktur ársreikningur Vatna ehf., Fjarskiptafélagsins Rjúpnahæð ehf. og félagsins Músik og saga ehf. Þá var lögð fram skýrsla löggiltra endurskoðenda bæjarins. Lagði bæjarstjóri til að samantekinn ársreikningur Kópavogsbæjar 2017 ásamt fylgigögnum yrði samþykktur. Bæjarstjóri lagði fram til staðfestingar bæjarstjórnar ársreikning Lífeyrissjóðs starfsmanna Kópavogsbæjar, sem þegar hefur verið samþykktur í stjórn sjóðsins.

Fulltrúar Samfylkingar, Framsóknarflokks og VG lögðu fram eftirfarandi bókun:

"Ársreikningur Kópavogs lítur vel út enda hafa aðstæður í þjóðfélaginu verið sveitarfélögum á öllu landinu mjög hagfelldar og er Kópavogur engin undantekning þar á. Skuldaviðmið hefur lækkað niður í 133% en skuldir eru enn mjög háar eða rúmlega 43 milljarðar króna. Það er áhyggjuefni og mikilvægt að áhersla sé lögð á niðurgreiðslu skulda Kópavogsbæjar.

Pétur Hrafn Sigurðsson, Kristín Sævarsdóttir, Kristinn Dagur Gissurarson, Margrét Júlía Rafnsdóttir"

Hlé var gert á fundi kl. 17.20. Fundi var fram haldið kl. 17.26.

Fulltúar meirihluta Sjálfstæðisflokks og Bjartrar framtíðar lögðu fram eftirfarandi bókun:

"Fulltrúar meirihlutans taka undir að mikilvægt er að halda áfram að greiða niður skuldir. Ársreikningur Kópavogsbæjar sýnir góðan rekstrarafgang sem hljóðar upp á rúma 2 milljarða króna sem undirstrikar sterka stöðu bæjarsjóðs. Veltufé frá rekstri er tæpir 3,8 milljarðar sem eru um 600 milljónum krónum meira en áætlað var. Þetta sýnir að hæfni bæjarins til að takast á við niðurgreiðslu skulda, ásamt mikilli getu til framkvæmda. Þá má geta þess að langtímaskuldir á hvern íbúa bæjarins lækka um 8% milli ára. Á verðlagi ársins 2017 hafa vaxtaberandi skuldir lækkað jafnvirði 8 milljarða króna á kjörtímabilinu. Ef haldið verður áfram á sömu braut agaðrar fjármálastjórnunar og ráðdeildar, skapast fjölmörg tækifæri til að efla grunnþjónustu, halda áfram að lækka álögur og ráðast af krafti í ný verkefni.

Ármann Kr. Ólafsson, Margrét Friðriksdóttir, Karen Halldórsdóttir, Hjördís Ýr Johnson, Guðmundur Gísli Geirdal, Theódóra Þorsteinsdóttir og Sverrir Óskarsson"

Forseti bar undir fundinn til staðfestingar ársreikning Lífeyrissjóðs starfsmanna Kópavogsbæjar. Bæjarstjórn staðfestir ársreikninginn með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Aðalsjóðs Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Eignasjóðs Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Byggingarsjóðs MK. Samþykktur með 11 greiddum atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Þjónustumiðstöð Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Húsnæðisnefnd Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Tónlistarhúss Kópavogs. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Hafnarsjóðs Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Fráveitu Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Vatnsveitu Kópavogsbæjar. Samþykktur með 11 greiddum atkvæðum.

Forseti bar undir atkvæði ársreikning Vatna ehf. Samþykktur með 11 greiddum atkvæðum.

Forseti bar undir atkvæði ársreikning Fjarskiptafélagsins Rjúpnahæð ehf. Samþykktur með 11 greiddum atkvæðum.

Forseti bar undir atkvæði ársreikning félagsins Músik og saga ehf. Samþykktur með 11 greiddum atkvæðum.

Forseti bar undir atkvæði í heild sinni samantekinn ársreikning Kópavogsbæjar, þ.e. ársreikning Kópavogsbæjar, A- og B-hluta fyrirtækja hans ásamt framlögðum ársreikningum B-hluta fyrirtækja og öðrum fylgigögnum. Samþykktur með 11 greiddum atkvæðum.

Ársreikningur Kópavogshafna, Ingólfur Arnarsson, fjármálastjóri Kópavogs fór yfir reikninginn og gerði grein fyrir helstu liðum.

Ársreikningurinn samþykktur með öllum atkvæðum.

Frá fjármálastjóra, lagðir fram ársreikningar Kópavogsbæjar og stofnana bæjarins fyrir árið 2017. Bæjarráð samþykkti ársreikning Kópavogsbæjar fyrir árið 2017 ásamt ársreikningi stofnana bæjarins skv. 3. mgr. 61. gr. sveitarstjórnarlaga nr. 138/2011. Ársreikningur Kópavogsbæjar fyrir árið 2017 er undirritaður og tilbúinn til endurskoðunar og afgreiðslu bæjarstjórnar.

Ármann Kr. Ólafsson, bæjarstjóri, gerði grein fyrir helstu niðurstöðum ársreiknings Kópavogsbæjar, A og B hluta. Greindi hann frá rekstrarniðurstöðum og helstu frávikum. Þannig skýrði hann út sjóðsstreymi og niðurstöður efnahagsreiknings. Einnig var lagður fram ársreikningur LSK til kynningar. Þá lagði bæjarstjóri til að ársreikningi Kópavogsbæjar yrði vísað til seinni umræðu. Bæjarstjórn vísar afgreiðslu ársreiknings Kópavogsbæjar fyrir árið 2017 ásamt ársreikningum stofnana bæjarins til seinni umræðu með 11 atkvæðum.

Frá fjármálastjóra, lagðir fram ársreikningar Kópavogsbæjar og stofnana bæjarins fyrir árið 2017.

Bæjarráð samþykkir framlagða ársreikninga með fimm atkvæðum og vísar afgreiðslu ársreikninga til bæjarstjórnar til fyrri umræðu.