Beiðni um athugun á gervigrasinu í Kórnum.

Frá sviðsstjóra umhverfissviðs, dags. 12. mars, lögð fram umsögn er varðar gervigrasið í Kórnum.

Lagt fram.

Erindi frá Margréti Júlíu Rafnsdóttur, bæjarfulltrúa, sem hljóðar :

"Ég óska eftir upplýsingum um efnainnihald gervigrass í Kórnum og þess græna efnis sem hefur losnað úr grasinu og farið í andrúmsloftið.

Jafnframt óska ég eftir upplýsingum um hvort foreldrar séu upplýstir um málið."

Bæjarráð vísar erindinu til sviðsstjóra umhverfissviðs til umsagnar.

Erindi frá Arnþóri Sigurðssyni, vara bæjarfulltrúa, þar sem hann óskar eftir athugun á gervigrasinu í Kórnum og því græna efni sem þyrlast þar upp. Einnig óskar hann eftir að heilbrigðiseftirlit HKG verði látið skoða málið með tilliti til skaðsemi fyrir iðkendur og jafngramt að foreldrar verði upplýstir um stöðu mála.

Vegna umræðu um litarefni í nýju gervigrasi í Kórnum er bent á að frá því að grasið var lagt þann 7. janúar sl. hefur það verið ryksugað í níu skipti. Þá hefur völlurinn verið vökvaður og hitastig lækkað en talið er að heitt og þurrt loft auki rafleiðni í efni vallarins. Þá mun framleiðandi gervigrassins þvo völlinn með sérstöku efni vegna þessa. Ofangreindar aðgerðir hafa þegar skilað verulegum árangri. Bæjarráð mun áfram fylgjast vel með framgangi málsins.