Menntasvið-fjölgun leikskólarýma

Farið yfir hvernig staðið verður að fjölgun leikskólarýma og hvernig staðan er í úthlutun barna í leikskólana.

Sviðsstjóri og deildarstjóri leikskóladeildar upplýstu um fyrihugaða fjölgun leikskólarýma í Kópavogi.

Frá sviðsstjórun umhverfissviðs og menntasviðs, dags. 10. maí 2022, lögð fram tillaga að kaupum fasteignarnnar Furugrund 3. Tillögunni fylgir verðmat á húsnæðinu. Jafnframt er lagt fram frá fjármála- og hagsýslustjóra, dags. 10. maí 2022, viðauki við fjárhagsáætlun 2022. Viðaukinn er vegna kaupa á fasteigininni Furugrund 3.

Bæjarráð samþykkir með fimm atkvæðum kaup á húsnæðinu í samræmi við framlögð gögn.

Frá sviðsstjórum mennta- og umhverfissviðs, dags. 3. maí 2022, lögð fram tillaga að kaupum á húsnæðinu Furugrund 3, vegna fjölgunar leikskólarýma.

Bæjarráð samþykkir með fimm atkvæðum að heimila viðræður um kaup á húsnæðinu Furugrund 3.

Frá deildarstjóra framkvæmdadeildar, dags. 19. apríl, lögð fram niðurstaða útboðs lausra kennslustofa. Bæjarráð frestaði erindinu á fundi sínum 20.04.2022.

Bæjarráð samþykkir með fimm atkvæðum að gengið verði til samninga við Terra Einingar ehf. um leigu og uppsetningu færanlegra leikskólarýma.

Frá deildarstjóra framvæmdadeildar, dags. 19. apríl, lögð fram niðurstaða útboðs lausra kennslustofa.

Bæjarráð frestar erindinu.

Frá sviðsstjórum mennta- og umhverfissviðs, dags. 7. mars 2022, lagðar fram tillögur í fjórum liðum að fjölgun leikskólaplássa fyrir haustið 2022, auk þess sem óskað er eftir að bæjarráð veiti 2 m.kr. fjárheimild til auglýsingaherferðar vegna mönnunar á leikskólum bæjarins.

Bæjarráð samþykkir með fimm atkvæðum framlagt erindi og felur sviðsstjóra menntasviðs og sviðsstjóra umhverfissviðs að leggja fram viðauka við fjárhagsáætlun í næsta bæjarráð.

Umræða um fjölgun leikskólarýma í Kópavogi.

Anna Birna Snæbjörnsdóttir sviðsstjóri Menntasviðs upplýsti nefndina um stöðu úthlutnar leikskólarýma fyrir haustið og kynnti fyrirhugaða fjölgun leikskólarýma í Kópavogi.

Frá sviðsstjóra menntasviðs, dags. 1. mars 2022, lagt fram erindi þar sem óskað er heimildar bæjarráðs til að auglýsa eftir húsnæði fyrir rekstur leikskóla, til leigu eða sölu.

Bæjarráð samþykkir með fimm atkvæðum umbeðna heimild sviðsstjóra menntasviðs um að auglýsa eftir húsnæði fyrir rekstur leikskóla, til leigu eða sölu.

Aukinheldur felur bæjarráð sviðsstjóra menntasviðs og umhverfissviðs að hefja undirbúning að útboði á færanlegum kennslustofum til leigu.