Ráðning bæjarstjóra 2022-2026

Lagður fram viðauki við ráðningarsamning um starf bæjarstjóra.

Bæjarstjórn samþykkir með 6 atkvæðum og hjásetu Theódóru S. Þorsteinsdóttur, Helgu Jónsdóttur, Kolbeins Reginssonar, Bergljótar Kristinsdóttur og Sigurbjargar E. Egilsdóttur framlagðan viðauka við ráðningarsamning bæjarstjóra.

Lagður fram viðauki við ráðningarsamning um starf bæjarstjóra.

Bæjarráð vísar málinu til afgreiðslu bæjarstjórnar.

Frá fulltrúum Sjálfstæðisflokks og Framsóknarflokks, með vísan

til 54. gr. sveitarstjórnarlaga nr.138/2011, er lögð fram tillaga um að Ásdís Kristjánsdóttir verði ráðin í starf bæjarstjóra Kópavogsbæjar.

Bæjarstjórn samþykkir tillögu um að ráða Ásdísi Kristjánsdóttir í stöðu bæjarstjóra Kópavogs í samræmi við framlagðan ráðningarsamning með sex atkvæðum og hjásetu Theódóru S. Þorsteinsdóttur, Sigurbjörgu E. Egilsdóttur, Bergljótar Kristinsdóttur, Helgu Jónsdóttur og Kolbeins Reginssonar.

Bókun:

"Fastur akstursstyrkur fyrir 1.250 kílómetra akstur á mánuði (upphæð 158.750 kr á mánuði) er gamaldags ákvæði sem á ekki heima í ráðningarsamingi bæjarstjóra árið 2022. Í málefnasamningi meirihlutans er fjallað um mikilvægi þess að vanda vel til verka þegar kemur að umhverfismálum, og að vistvænir ferðamátar og virðing gagnvart umhverfinu leiki þar lykilhlutverk. Það að bæjarstjóri Kópavogs fyrirhugi að aka 60.000 kílómetra á kjörtímabilinu setur ekki gott fordæmi."

Sigurbjörg E. Egilsdóttir