Útilistaverk í Kópavogi.

Lagt fram að nýju erindi Bjarka Bragasonar myndlistarmanns, dags 24. nóvember 2022, um útilistaverk í Kópavogi ásamt tillögum umhverfissviðs að staðsetningu verksins á Kársnestá við Skýjalónið, á opnu svæði við Hafnarbraut 12, á Kópavogstúni, á opnu svæði við Hlíðardalsveg og við Guðmundarlund.

Á fundi umhverfis- og samgöngunefndar þann 21. febrúar 2023 var tekið jákvætt í erindið og lagt til að útilistaverkinu yrði komið fyrir á opnu svæði vestast á Kársnesi. Erindinu var jafnframt vísað til skipulagsráðs til afgreiðslu.

Skipulagsráð telur að skoða eigi aðrar staðsetningar á Kársnesi en á opna svæðinu vestast, Kársnestá. Mikilvægt er að það svæði verði skipulagt og hannað sem heild.

Skipulagsráð felur umhverfissviði að skoða nánar möguleika á staðsetningu verksins á Kópavogstúni eða á opnu svæði norðan Hafnarbrautar og Vesturvarar. Skipulagsráð óskar jafnframt eftir nánari upplýsingum um umfang verksins, hæð og rúmmál.

Erindi Bjarka Bragasonar um gerð útilistaverks í Kópavogi úr jarðvegi og efnum úr garði frumbyggja á Kársnesi. Málið var tekið fyrir á síðasta fundi nefndarinnar og umhverfissviði falið að finna hentuga staði þar sem hægt væri að koma verkinu fyrir. Lagðar fram tillögur að stöðum.

Erindi Bjarka Bragasonar um gerð útilistaverks í Kópavogi úr jarðvegi og efnum úr garði frumbyggja á Kársnesi. Málið var tekið fyrir á síðasta fundi nefndarinnar og umhverfissviði falið að finna hentuga staði þar sem hægt væri að koma verkinu fyrir. Lagðar fram tillögur að stöðum.

Umhverfis- og samgöngunefnd tekur jákvætt í erindið og leggur til að útilistaverkinu verði komið fyrir á opnu svæði vestast á Kársnesi. Vísað til skipulagsráðs til afgreiðslu.

Erindi Bjarka Bragasonar um gerð útilistaverks í Kópavogi úr jarðvegi og efnum úr garði frumbyggja á Kársnesi. Málið var vísað til umhverfis- og samgöngunefndar á fundi skipulagsráðs þann 19. desember síðastliðinn. Málið hefur áður farið fyrir lista- og menningarráð 12.3.2020 og umhverfis- og samgöngunefndar 25.8.2020 og 15.10.2020. Bjarki Bragason kynnir

Umhverfis- og samgöngunefnd felur umhverfissviði að finna hentuga staði í Kópavogi þar sem hægt væri að koma listaverkinu fyrir í samráði við listamanninn og kynna fyrir nefndinni.

Lagt fram erindi Bjarka Bragasonar myndlistarmanns, dags 24. nóvember 2022, um staðsetningu útilistaverks í Kópavogi. Á fundi lista- og menningarráðs 12. mars 2020 kynnti Bjarki hugmynd að útilistaverki í Kópavogi. Ráðið leit jákvætt á erindið og óskaði eftir umsögn umhverfis- og samgöngunefndar um heppilegt landrými eða staðsetningu fyrir listaverkið. Bjarki kynnti hugmyndina á fundi umhverfis- og samgöngunefndar 15. október 2020, var því vísað til umsagnar umhverfissviðs.

Bjarki Bragason gerir grein fyrir erindinu.

Lagt fram og kynnt. Vísað til umhverfis- og samgöngunefndar.