Ársreikningur Kópavogsbæjar 2023 - seinni umræða

Frá sviðsstjóra fjármálasviðs, lagðir fram ársreikningar Kópavogsbæjar og stofnana bæjarins fyrir árið 2023 til seinni umræðu í bæjarstjórn.

Fundarhlé hófst kl. 18:04, fundi fram haldið kl. 19:11

Forseti bar undir atkvæði ársreikning A-hluta fyrirtækja Kópavogsbæjar - Aðalsjóðs Kópavogsbæjar. Staðfestur með 11 atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Eignasjóðs Kópavogsbæjar. Staðfestur með 11 atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Byggingarsjóðs MK. Staðfestur með 11 atkvæðum.

Forseti bar undir atkvæði ársreikning A-hluta fyrirtækja Kópavogsbæjar - Þjónustumiðstöðvar Kópavogsbæjar. Staðfestur með 11 atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Húsnæðisnefndar Kópavogsbæjar. Staðfestur með 11 atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Tónlistarhúss Kópavogs. Staðfestur með 11 atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Bílastæðasjóðs Kópavogs. Staðfestur með 11 atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Hafnarsjóðs Kópavogsbæjar. Staðfestur með 11 atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Fráveitu Kópavogsbæjar. Staðfestur með 11 atkvæðum.

Forseti bar undir atkvæði ársreikning B-hluta fyrirtækja Kópavogsbæjar - Vatnsveitu Kópavogsbæjar. Staðfestur með 11 atkvæðum.

Forseti bar undir atkvæði ársreikning Vatna ehf. Staðfestur með 11 atkvæðum.

Forseti bar undir atkvæði ársreikning Fjarskiptafélagsins Rjúpnahæð ehf. Staðfestur með 11 atkvæðum.

Forseti bar undir atkvæði ársreikning félagsins Músik og sögu ehf. Staðfestur með 11 atkvæðum.

Forseti bar undir atkvæði ársreikning félagsins Leikskólinn Undraland ehf. Staðfestur með 11 atkvæðum.

Forseti bar undir atkvæði í heild sinni samantekinn ársreikning Kópavogsbæjar, þ.e. ársreikning Kópavogsbæjar, A- og B-hluta fyrirtækja hans ásamt framlögðum ársreikningum B-hluta fyrirtækja og öðrum fylgigögnum. Staðfestur með 11 atkvæðum.


Bókun:

"Ársreikningur:

Bæjarráð ber ábyrgð á fjármálastjórn bæjarins ásamt bæjarstjóra og saman mynda þessir aðilar stjórn Kópavogsbæjar. Bæjarráði ber að sjá um að ársreikningar sveitarfélagsins séu samdir reglum samkvæmt og lagðir fyrir bæjarstjórn til afgreiðslu. Því til viðbótar hefur bæjarráð eftirlit með stjórnsýslu bæjarins, þar sem allir starfsmenn lúta boðvaldi bæjarstjóra. Megináhætta í rekstri sveitarfélaga felst í ófullnægjandi eftirliti og áhættu á sviksemi og mistökum. Þrátt fyrir hlutverk bæjarráðs áttu endurskoðendur bæjarins enga fundi með bæjarráði. Bæjarstjórn fékk aðeins klukkustundar kynningu frá endurskoðendum fyrir fyrri umræðu í bæjarstjórn. Endurskoðunarskýrsla þeirra er bundin trúnaði samkvæmt ráðningarbréfi og því ótæk til umræðu.

Bæjarstjóra ber að sjá til þess að stjórnsýsla sveitarfélagsins samræmist lögum og að fundir bæjarráðs séu vel undirbúnir og mál sem þar eru afgreidd séu vel upplýst. Undirrituð geta ekki sætt sig við að lýðræðislega kjörnir fulltrúar í minnihluta í Kópavogi séu sniðgengnir. Við greiðum því atkvæði gegn ársreikningi Kópavogsbæjar fyrir árið 2023."

Helga Jónsdóttir

Bergljót Kristinsdóttir

Kolbeinn Reginsson

Sigurbjörg Erla Egilsdóttir

Theódóra S. Þorsteinsdóttir


Bókun:

"Vinna við ársreikninginn var með hefðbundnum hætti, lögum samkvæmt og unninn út frá alþjóðlegum stöðlum um reikningsskil. Áritun endurskoðanda er fyrirvaralaus. Bæjarfulltrúum hefur ávallt staðið til boða aðgangur að endurskoðendum reikningsins og starfsmönnum fjármálasviðs Kópavogsbæjar."

Ásdís Kristjánsdóttir

Hjördís Ýr Johnson

Andri S. Hilmarsson

Elísabet B. Sveinsdóttir

Orri V. Hlöðversson

Sigrún H. Jónsdóttir

Frá deildarstjóra hagdeildar, lagður fram ársreikningur Kópavogshafnar fyrir árið 2023. Ingólfur Arnarson fer yfir reikninginn og gerir grein fyrir helstu liðum.

Hafnarstjórn samþykkir framlagðan ársreikning með öllum greiddum atkvæðum.

Frá sviðsstjóra fjármálasviðs, lagðir fram ársreikningar Kópavogsbæjar og stofnana bæjarins fyrir árið 2023.

Bæjarstjórn samþykkir að vísa ársreikningi Kópavogsbæjar fyrir árið 2023, ásamt ársreikningum stofnana bæjarins, til seinni umræðu með 11 atkvæðum.

Frá fjármálasviði, lögð fram drög að ársreikningi Kópavogsbæjar fyrir árið 2023.

Bæjarráð samþykkir með fimm atkvæðum að vísa ársreikningi Kópavogsbæjar fyrir árið 2023 til afgreiðslu bæjarstjórnar til fyrri umræðu.

Fundarhlé hófst kl. 9:15, fundi fram haldið kl. 10:19


Bókun:

"Það er áhyggjuefni að A-hluti Kópavogsbæjar sé rekinn með 750 milljóna tapi, sem er verulega frávik frá áætlun, en meirihluti Sjálfstæðisflokks og Framsóknar gerði ráð fyrir 47 milljónum í afgang.

Einnig er áhyggjuefni að langtímaskuldir bæjarsjóðs eru að aukast úr um 18 milljörðum í 23 milljarða milli ára, eða um 28%.

Þá gerði meirihlutinn ráð fyrir í fjárhagsáætlun sinni rúmlega 6 milljörðum í fjárfestingar en ársreikningurinn sýnir að heildarfjárfestingar voru 3,3 milljarðar.

Niðurstaða ársreiknings Kópavogsbæjar sýnir glöggt hversu óraunhæf fjárhagsáætlun meirihlutans var, rétt eins og undirrituð vöruðu við.

Undirrituð skora á meirihluta Framsóknar og Sjálfstæðisflokks að endurskoða fjárfestingaráætlun fyrir árið 2024 enda er sú áætlun jafnóraunhæf og sú fyrir árið 2023. Það blasir við að ekki verður fjárfest fyrir 6,3 milljarða í ár og eðlilegt er að bæjarstjórn forgangsraði framkvæmdum."

Theódóra S. Þorsteinsdóttir

Bergljót Kristinsdóttir

Sigurbjörg E. Egilsdóttir

Kolbeinn Reginsson


Bókun

"Undirliggjandi rekstur bæjarins er sterkur sem birtist í verulegum viðsnúningi í afkomu bæjarins fyrir fjármagnsliði sem hækkar um 1,4 milljarða króna milli ára. Neikvæð niðurstaða á rekstrarreikningi skýrist eingöngu af reiknuðum stærðum svo sem lífeyrisskuldbindingu og vaxtakostnaði. Þá er veltufé frá rekstri fimm milljarða króna sem er aukning um tæpa tvo milljarða milli ára. Veltufé frá rekstri er algjör lykiltala í ársreikningi og er það svigrúm sem reksturinn gefur til að standa undir framkvæmdum og afborgunum lána.

Heildarskuldir bæjarins eru að lækka að raunvirði. Skuldastaða bæjarins er heilbrigð þrátt fyrir miklar fjárfestingar í leik- og grunnskólum og öðrum nauðsynlegum innviðum samfélagsins. Skuldahlutfall Kópavogsbæjar fer áfram lækkandi og er langt undir lögbundnu skuldaviðmiði. Krefjandi rekstrarumhverfi, mikil verðbólga og háir vextir lita enn heildarniðurstöðu ársins og leiða til þess að fjármagnskostnaður er verulega umfram áætlun. Verkefnið nú sem endranær er að standa vörð um góðan rekstur þannig að áfram sé unnt að veita góða þjónustu en á sama tíma lækka skatta á bæjarbúa."

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson


Bókun:

"Fjármálastjórn meirihlutans er óábyrg. Niðurstaðan í rekstri bæjarins er halli upp á 750 milljónir. Skuldir bæjarsjóðs eru að hækka, framundan eru verulegar lántökur og fjárfestingaráætlun er óraunhæf. Minnihlutinn hvetur bæjarstjóra til þess að upplýsa bæjarbúa um raunverulega rekstrarniðurstöðu í stað þess að nota ársreikning Kópavogsbæjar í ímyndarherferð sem sendir villandi skilaboð til samfélagsins."

Theódóra S. Þorsteinsdóttir

Bergljót Kristinsdóttir

Sigurbjörg E. Egilsdóttir

Kolbeinn Reginsson


Bókun:

Ársreikningur Kópavogsbæjar er unnin samkvæmt viðurkenndum reikningsskilavenjum. Hann talar sínu máli og allt sem kom fram í fyrri bókun meirihlutans má lesa í ársreikningum."

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson