Bæjarráð - 3171. fundur

Frá fjármálasviði, lögð fram drög að ársreikningi Kópavogsbæjar fyrir árið 2023.

Bæjarráð samþykkir með fimm atkvæðum að vísa ársreikningi Kópavogsbæjar fyrir árið 2023 til afgreiðslu bæjarstjórnar til fyrri umræðu.

Fundarhlé hófst kl. 9:15, fundi fram haldið kl. 10:19


Bókun:

"Það er áhyggjuefni að A-hluti Kópavogsbæjar sé rekinn með 750 milljóna tapi, sem er verulega frávik frá áætlun, en meirihluti Sjálfstæðisflokks og Framsóknar gerði ráð fyrir 47 milljónum í afgang.

Einnig er áhyggjuefni að langtímaskuldir bæjarsjóðs eru að aukast úr um 18 milljörðum í 23 milljarða milli ára, eða um 28%.

Þá gerði meirihlutinn ráð fyrir í fjárhagsáætlun sinni rúmlega 6 milljörðum í fjárfestingar en ársreikningurinn sýnir að heildarfjárfestingar voru 3,3 milljarðar.

Niðurstaða ársreiknings Kópavogsbæjar sýnir glöggt hversu óraunhæf fjárhagsáætlun meirihlutans var, rétt eins og undirrituð vöruðu við.

Undirrituð skora á meirihluta Framsóknar og Sjálfstæðisflokks að endurskoða fjárfestingaráætlun fyrir árið 2024 enda er sú áætlun jafnóraunhæf og sú fyrir árið 2023. Það blasir við að ekki verður fjárfest fyrir 6,3 milljarða í ár og eðlilegt er að bæjarstjórn forgangsraði framkvæmdum."

Theódóra S. Þorsteinsdóttir

Bergljót Kristinsdóttir

Sigurbjörg E. Egilsdóttir

Kolbeinn Reginsson


Bókun

"Undirliggjandi rekstur bæjarins er sterkur sem birtist í verulegum viðsnúningi í afkomu bæjarins fyrir fjármagnsliði sem hækkar um 1,4 milljarða króna milli ára. Neikvæð niðurstaða á rekstrarreikningi skýrist eingöngu af reiknuðum stærðum svo sem lífeyrisskuldbindingu og vaxtakostnaði. Þá er veltufé frá rekstri fimm milljarða króna sem er aukning um tæpa tvo milljarða milli ára. Veltufé frá rekstri er algjör lykiltala í ársreikningi og er það svigrúm sem reksturinn gefur til að standa undir framkvæmdum og afborgunum lána.

Heildarskuldir bæjarins eru að lækka að raunvirði. Skuldastaða bæjarins er heilbrigð þrátt fyrir miklar fjárfestingar í leik- og grunnskólum og öðrum nauðsynlegum innviðum samfélagsins. Skuldahlutfall Kópavogsbæjar fer áfram lækkandi og er langt undir lögbundnu skuldaviðmiði. Krefjandi rekstrarumhverfi, mikil verðbólga og háir vextir lita enn heildarniðurstöðu ársins og leiða til þess að fjármagnskostnaður er verulega umfram áætlun. Verkefnið nú sem endranær er að standa vörð um góðan rekstur þannig að áfram sé unnt að veita góða þjónustu en á sama tíma lækka skatta á bæjarbúa."

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson


Bókun:

"Fjármálastjórn meirihlutans er óábyrg. Niðurstaðan í rekstri bæjarins er halli upp á 750 milljónir. Skuldir bæjarsjóðs eru að hækka, framundan eru verulegar lántökur og fjárfestingaráætlun er óraunhæf. Minnihlutinn hvetur bæjarstjóra til þess að upplýsa bæjarbúa um raunverulega rekstrarniðurstöðu í stað þess að nota ársreikning Kópavogsbæjar í ímyndarherferð sem sendir villandi skilaboð til samfélagsins."

Theódóra S. Þorsteinsdóttir

Bergljót Kristinsdóttir

Sigurbjörg E. Egilsdóttir

Kolbeinn Reginsson


Bókun:

Ársreikningur Kópavogsbæjar er unnin samkvæmt viðurkenndum reikningsskilavenjum. Hann talar sínu máli og allt sem kom fram í fyrri bókun meirihlutans má lesa í ársreikningum."

Ásdís Kristjánsdóttir

Orri V. Hlöðversson

Hjördís Ýr Johnson

Andri S. Hilmarsson

Lögð fram mánaðarskýrsla fyrir janúar og febrúar 2024.

Lagt fram.

Lögð fram drög að samkomulagi milli Kópavogsbæjar og Mílu hf., um niðurrif á fjarskiptahúsi og lok lóðarleigusamnings. Óskað er eftir samþykki bæjarráðs og heimild að fela sviðsstjóra umhverfissviðs að ganga frá samkomulaginu.

Bæjarráð samþykkir með fimm atkvæðum að drög að samkomulagi milli Kópavogsbæjar og Mílu hf., um niðurrif á fjarskiptahúsi og lok lóðarleigusamnings. Jafnframt samþykkir bæjarráð að fela sviðsstjóra umhverfissviðs að ganga frá samkomulaginu.

Frá bæjarritara, dags. 15.04.2024, lagt fram svar við fyrirspurn frá bæjarfulltrúunum Sigurbjörgu Erlu Egilsdóttur, Bergljótu Kristinsdóttur og Theodóru S. Þorsteinsdóttur á fundi bæjarráðs þann 11. apríl sl.

Lagt fram.

Frá forstöðumanni upplýsingatæknideildar, lögð fram endurskoðuð drög að upplýsingaöruggisstefnu Kópavogsbæjar. Óskað er eftir samþykki bæjarráðs- og bæjarstjórnar.

Bæjarráð frestar erindinu til næsta fundar.

Lögð fram drög að samþykkt fyrir götu- og torgsölu á bæjarlandi. Óskað er eftir samþykki bæjarráðs og bæjarstjórnar.

Bæjarráð samþykkir með fimm atkvæðum framlögð drög að samþykkt fyrir götu- og torgsölu á bæjarlandi Kópavogsbæjar. Vísað til staðfestingar bæjarstjórnar.

Frá lögfræðideild, dags. 15.04.2024, lögð fram umsögn um umsókn Gæðings ehf. um leyfi til smásölu áfengis á framleiðslustað.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar dags. 15.04.2024.

Frá Sambandi íslenskra sveitarfélaga, dags. 15.04.2024, lagðar fram upplýsingar frá félags- og vinnumarkaðsráðuneytinu sem segja að framlag sveitarfélaga til orlofsnefnda á hverju svæði vera minnst kr. 150,31 fyrir hvern íbúa sveitarfélagsins. Framlag þetta skal greiða orlofsnefnd viðkomandi orlofssvæðis fyrir 15. maí nk. sbr. 5. gr. laga nr. 53/1972.

Lagt fram.

Bókun bæjarráðs:

"Bæjarráð Kópavogs telur lög um orlof húsmæðra vera barn síns tíma og hvetur til þess að þau verði felld úr gildi."

Fundargerð í fjórum liðum.

Vísað til staðfestingar bæjarstjórnar.

Fundargerð í 12 liðum.

Lagt fram.

Fundargerð í þremur liðum.

Fundargerðinni frestað til næsta fundar.

Fundargerð í sex liðum.

Lagt fram.

Fundargerð 495. fundar stjórnar Sorpu bs. frá 19.03.2024.

Lagt fram.

Fundargerð 496. fundar stjórnar Sorpu bs. frá 09.04.2024.

Lagt fram.

Andri Steinn Hilmarsson vék af fundi kl. 11:30.

Frá bæjarfulltrúum Sigurbjörgu Erlu Egilsdóttur og Theodóru S. Þorsteinsdóttur, dags. 15.04.2024, lögð fram svohljóðandi beiðni: Undirritaðar óska eftir minnisblaði um fjölda félagslegra leiguíbúða í eigu Kópavogsbæjar eftir tegund (almennar, fyrir fatlað fólk og fyrir eldri borgara) og yfirlit yfir nýtingu forkaupsréttar að 4,5% íbúða á þróunarreitum frá árinu 2015 til dagsins í dag. Sigurbjörg Erla Egilsdóttir og Theodóra S. Þorsteinsdóttir.

Bæjarráð samþykkir með fimm atkvæðum að vísa erindinu til umsagnar sviðsstjóra velferðarsviðs og sviðsstjóra fjármálasviðs.

Frá bæjarfulltrúum Sigurbjörgu Erlu Egilsdóttur og Theodóru S. Þorsteinsdóttur, dags. 15.04.2024, lögð fram svohljóðandi beiðni: Undirritaðar óska eftir minnisblaði um Vesturvör 38a og b: Hvenær gert er ráð fyrir að skipulagsáform liggi fyrir og hvenær tímafrestur lóðarhafa rennur út. Sigurbjörg Erla Egilsdóttir og Theodóra S. Þorsteinsdóttir.

Bæjarráð samþykkir með fimm atkvæðum að vísa erindinu til umsagnar skipulagsfulltrúa.

Frá bæjarfulltrúum Samfylkingar, Viðreisnar, Pírata og Vina Kópavogs, lögð fram svohljóðandi fyrirspurn: Óskað er lista yfir fyrirspurnir í bæjarráði á kjörtímabilinu, þar sem óskað er skriflegs svars. Farið er fram á eftirfarandi flokkun:1.Efni og dagsetning fyrirspurnar 2.Nafn (nöfn) fyrirspyrjenda 3.Hvenær svar var lagt fram 4.Hvenær vænta má svars, ef það liggur ekki fyrir.

Bergljót Kristinsdóttir, Kolbeinn Reginsson, Sigurbjörg Erla Egilsdóttir og Theodóra S. Þorsteinsdóttir.

Bæjarráð samþykkir með fimm atkvæðum að vísa erindinu til bæjarritara.