Kynning á erindisbréfi menningar- og mannlífsnefndar

Lagt fram uppfært erindisbréf menningar- og mannlífsnefndar til samþykktar bæjarráðs og bæjarstjórnar.

Bæjarstjórn samþykkir með 6 atkvæðum framlagt erindisbréf menningar- og mannlífsnefndar, gegn atkvæðum Theodóru S. Þorsteinsdóttur, Bergljótu Kristinsdóttur Sigurbjargar Erlu Egilsdóttur, Thelmu B. Árnadóttur og Þórarins Ævarssonar.

Undirrituð samþykkja ekki erindisbréf nefndarinnar í fyrirliggjandi mynd. Við teljum óásættanlegt að áheyrnarfulltrúar hafi hvorki tillögurétt né atkvæðisrétt í störfum nefndarinnar, enda dregur það úr lýðræðislegri þátttöku og möguleikum fulltrúa allra framboða til að hafa áhrif á ákvarðanatöku. Lýðræðisleg vinnubrögð krefjast þess að allir kjörnir fulltrúar, hvort sem þeir eiga sæti með atkvæðisrétt eða sem áheyrnarfulltrúar, geti komið sjónarmiðum sínum á framfæri á formlegan hátt. Fulltrúar þeirra flokka sem undirrita þessa bókun lögðu í samráðsferli fram tillögur um að áheyrnarfulltrúar fengju tillögu- og bókunarrétt, en án árangurs. Við hvetjum til endurskoðunar á erindisbréfinu með það að markmiði að tryggja virka og málefnalega þátttöku allra fulltrúa í nefndarstarfi bæjarins.

Sigurbjörg Erla Egilsdóttir,

Theodóra S. Þorsteinsdóttir,

Bergljót Kristinsdóttir,

Thelma B. Árnadóttir,

Þórarinn Ævarsson.

Erindisbréfið er í fullu samræmi við bæjarmálasamþykkt Kópavogsbæjar sem var samþykkt með öllum 11 atkvæðum bæjarstjórnar 26. nóvember 2024, en í 40. gr. bæjarmálasamþykktarinnar segir: „Áheyrnarfulltrúi hefur ekki tillögurétt eða rétt til að leggja fram bókun nema í bæjarráði, skipulagsráði, menntaráði og velferðarráði“.

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir

Elísabet Sveinsdóttir

Gunnar Sær Ragnarsson

Lagt fram uppfært erindisbréf menningar- og mannlífsnefndar til samþykktar bæjarráðs og bæjarstjórnar.

Bæjarráð vísar drögum að erindisbréfi menningar- og mannlífsnefndar til afgreiðslu bæjarstjórnar.

Pálmi Þór Másson bæjarritari og Steinn Sigríðar Finnbogason lögmaður fara yfir tillögur að breytingum á erindisbréfi menningar- og mannlífsnefndar.

Pálmi Þór Másson og Steinn S. Finnbogason yfirgáfu fundinn kl. 17:29

Drög að erindisbréfi rædd.

Pálmi Þór Másson bæjarritari og Steinn Sigríðar Finnbogason lögmaður kynna drög að erindisbréfi menningar- og mannlífsnefndar.

Menningar- og mannlífsnefnd þakkar fyrir kynningu á erindisbréfi.

Bókun frá minnihluta:

"Fulltrúar Samfylkingarinnar og Pírata fordæma þá ákvörðun bæjarstjórnar að taka tillögurétt og rétt til bókunar af áheyrnarfulltrúum í ráðum og nefndum og skerða laun þeirra. Engin fordæmi eru fyrir slíku í neinu af stærri sveitarfélögum landsins. Það er mikilvægur réttur fulltrúa að hafa möguleika á að koma afstöðu á framfæri í bókun og tryggir rétt bæjarbúa til upplýsinga.

Þá er bagalegt að nefndin sé búin að halda þrjá fundi án samþykkts erindisbréfs. Áheyrnarfulltrúar Viðreisnar og Vina Kópavogs eru sammála þessari bókun.

Margrét Tryggvadóttir og Indriði Ingi Stefánsson."

Bókun:

"Meirihlutinn þakkar fyrir kynningu á erindisbréfi nefndarinnar og fagnar því að haft sé samráð við gerð þess, þannig að fulltrúar geti komið athugasemdum sínum á framfæri. Meirihlutinn leggur jafnframt áherslu á að mikilvægt sé að ljúka vinnu við erindisbréfið sem fyrst, þar sem nefndin starfar nú án erindisbréfs.

Jónas Skúlason, Hanna Carla Jóhannsdóttir og Kristín Hermannsdóttir."