Menntaráð - 30. fundur

Kynning á hugtakinu teymiskennsla, íslenskar rannsóknir um hana og innleiðing í grunnskólum Kópavogs.

Þórhildur Helga Þorleifsdóttir, kennsluráðgjafi og sérfræðingur í teymiskennslu kynnti. Menntaráð þakkar góða kynningu og fagnar frumkvæði þeirra grunnskóla sem hafa verið að innleiða teymiskennslu síðustu ár.

Tillaga lögð fram.

Soffía Karlsdóttir, forstöðumaður menningarmála kynnti framboð menningahúsanna til grunnskólabarna.

Menntaráð lýsir ánægju sinni yfir metnaðarfullri dagskrá menningarhúsanna. Ráðið vill efla samstarf menningarhúsa og grunnskóla. Jafnframt er starfsfólk grunnskólanna hvatt til að beita sér fyrir því að nemendur sæki viðburði menningarhúsanna.

Björg Baldursdóttir vék af fundi kl 18:30.

Helgi Magnússon leggur fram eftirfarandi breytingartillögu:

Menntaráð mælist til þess að grunnskólar Kópavogs kynni sér þá menningarþjónustu sem í boði er hjá menningarstofnunum bæjarins með það að markmiði að öll börn fái tækifæri til að kynnast fjölbreyttri menningu.

Tillagan samþykkt með öllum greiddum atkvæðum.

Kynning á aðkomu Kópavogsbæjar á móttöku og sundkennslu grænlenskra barna.

Kynning og umræða um verkefnið.

Kynning á forvörnum og viðbrögðum vegna kvíða og depurðar nemenda, á vegum skólaþjónustu grunnskóla.

Máli frestað til næsta fundar.

Kynning á samstarfsverkefni Kópavogsbæjar, íþróttafélaganna og The Unity of Faith Foundation. Verkefnið miðar að því að bjóða börnum sem aldrei hafa stundað íþróttir að koma og æfa frítt í þrjá mánuði.

Anna Birna Snæbjörnsdóttir, sviðstjóri menntasviðs kynnti stuttlega verkefnið.