Menntaráð - 149. fundur

Kynning á Áætlun um vinnslu skimunar- og aðgerðaáætlunar fyrir leik- og grunnskóla í Kópavogi.

Menntaráð þakkar Sigurlaugu Rún Brynleifsdóttur og Elínu Guðrúnu Pálsdóttur kynningu á verkefninu "Áætlun um vinnslu skimunar- og aðgerðaáætlunar fyrir leik- og grunnskóla í Kópavogi".

Sigurlaug Rún og Elín Guðrún yfirgáfu fund kl. 17:30.

Kynning á samræmdum matskvörðum í grunnskólum.

Á fundi menntaráðs þann 16. september síðast liðinn var lögð fram kynning á samræmdum matskvörðum í Kópavogi - ákvörðun var frestað skv. fundargerð 148. fundi menntaráðs.

Samræmdir matskvarðar lagðir fram á ný með ágripi.

Lagt fram til samþykktar eftir umfjöllun í Notendaráði í málefnum fatlaðs fólks.

Á fundi menntaráðs þann 2. september síðast liðinn var samþykki fyrir Reglum um akstursþjónustu fatlaðra barna á leik- og grunnskólastigi vísað til umfjöllunar í Notendaráði í málefnum fatlaðs fólks. Notendaráð fjallaði um Reglur um akstursþjónustu fatlaðra barna á leik- og grunnskólastigi þann 6. október og hefur engar athugasemdir við uppfærðar reglur. Þær eru lagðar fram til samþykktar á fundi menntaráðs 7. október. Menntaráð samþykkir "Reglur um akstursþjónustu leik- og grunnskólabarna".