Velferðar- og mannréttindaráð - 2. fundur

Málstefna lögð fram til kynningar og umsagnar.

Velferðar- og mannréttindaráð þakkar fyrir kynninguna. Umsögn ráðsins um málstefnu er freastað til næsta fundar.

Stefnustjóri kynnir ferli við enduramt á stefnum Kópavogsbæjar.

Velferðar- og mannréttindaráð þakkar fyrir kynninguna.

Lagður fram til kynningar endurnýjaður samningur ásamt tilgreindum fylgiskjölum.

Velferðar- og mannréttindaráð samþykkir fyrir sitt leyti að gerður verði sex mánaða samningur um samræmda móttöku flóttafólks og vísar málinu áfram til afgreiðslu bæjarráðs og staðfestingar í bæjarstjórn. Ráðið leggur áherslu á að ráðuneytið og Samband íslenskra sveitarfélaga ljúki endurskoðun á ákvæðum samnings um samræmda móttöku með vísan til samráðshóps sem starfandi var á árinu 2024.

Lögð fram tillaga að dagsetningu og fyrirkomulagi fyrir opinn íbúa- og samráðsfund vegna þjónustu við eldra fólk í Kópvogi.

Velferðar- og mannréttindaráð samþykkir fyrir sitt leyti framkomna tillögu að opnum íbúa- og samráðsfundi vegna þjónustu við eldra fólk.

Lagðar fram til kynningar tölulegar upplýsingar um starfsemi velferðarsviðs september til desember 2024.

Velferðar- og mannréttindaráð óskar eftir að fá yfirlit yfir lengd biðtíma eftir félagslegri þjónustu: Hversu lengi hafa þeir beðið sem hafa verið lengst á biðlista eftir þjónustu velferðarsviðs?

Lögð fram til afgreiðslu beiðni um rekstrarstyrk vegna ársins 2025 frá Bjarkarhlíð.

Velferðar- og mannréttindaráð samþykkir að veita Bjarkarhlíð rekstrarstyrk að upphæð kr. 500.000kr.- fyrir árið 2025 gegn framvísun ársreiknings.

Sigurbjörg Erla Egilsdóttir aðalmaður Pírata í velferðar- og mannréttindaráði óskar eftir að lagðar verði fram þær viðaukabeiðnir sem farið hafa frá velferðarsviði til bæjarstjóra það sem af er kjörtímabili.

Velferðar- og mannréttindaráð vísar málinu til úrvinnslu hjá sviðsstjóra velferðarsviðs.

Sviðsstjóri kynnir starfið á velferðarsviði á milli funda velferðarráðs.