Beint í efni
Minn Kópavogur
Hlusta

Fé­lags­mið­stöðvar

Félagsmiðstöðvar í grunnskólum Kópavogs bjóða upp á fjölbreytt, faglegt og skemmtilegt frístundastarf. Starfið er opið öllum börnum og unglingum í 5.–10. bekk.

Áhersla er lögð á lýðræði, virka þátttöku, uppbyggingu sjálfsmyndar, ánægju og gleði.

Starfið

Á frístundadeild menntasviðs eru starfandi níu félagmiðstöðvar og eru þær staðsettar í hverjum grunnskóla.

Í skipulögðu starfi er boðið upp á opið starf, sértækt hópastarf, námskeið og smiðjur í öruggu umhverfi. Starfið miðar að því að stuðla að auknum félagsþroska, samskiptahæfni, þátttöku og ábyrgð.

Félagsmiðstöðvar standa oft fyrir sameiginlegum viðburðum, til dæmis:

  • Böllum
  • Rafíþróttamótum
  • Íþróttaleikjum
  • Söng- og danskeppnum
  • Hönnunarsamkeppnum
  • Stuttmyndahátíðum.

Fylgstu með starfinu

Dagskrá og nánari upplýsingar eru birtar á heimasíðum grunnskólanna og á samfélagsmiðlum félagsmiðstöðvanna.

Félagsmiðstöðvar í grunnskólum Kópavogs

Opn­un­ar­tími

Opið er í frímínútum, hádegishléi og eftir viðverutíma starfsfólks.

Hlut­verk fé­lags­mið­stöðva

Félagsmiðstöðvar eru hluti af frístundastarfi grunnskóla í Kópavogi og eru staðsettar í hverjum skóla.

Starfið hefur forvarnargildi og styður unglinga í að þróa heilbrigð viðhorf, jákvæð samskipti og virka þátttöku í samfélaginu.

Börnum og unglingum eru boðin fjölbreytt viðfangsefni í frítímanum sem stuðla að heilbrigðum lífsstíl og draga úr áhættuhegðun.

Í starfinu er skýr afstaða gegn vímuefnaneyslu og annarri óæskilegri hegðun.

Félagsmiðstöðvar - Kópavogsbær