Húsnæðisbætur og sérstakur húsnæðisstuðningur
Íbúar á almennum leigumarkaði og í félagslegum leiguíbúðum geta sótt um húsnæðisbætur hjá Húsnæðis-, mannvirkja- og skipulagsstofnun (HMS).
Leigjendur á almennum leigumarkaði geta einnig átt rétt á sérstökum húsnæðisstuðningi.
Umsóknarferli
Húsnæðisbætur eru mánaðarlegar greiðslur ætlaðar til að aðstoða fólk á leigumarkaði.
Sótt er um húsnæðisbætur rafrænt hjá Húsnæðis- og mannvirkjastofnun.
Þegar umsókn um húsnæðisbætur hefur verið samþykkt er sjálfkrafa metið hvort umsækjandi eigi einnig rétt á sérstökum húsnæðisstuðningi frá Kópavogsbæ. Það þarf því ekki að sækja sérstaklega um þann stuðning.
Til að geta fengið sérstakan húsnæðisstuðning þarf:
- Að fá húsnæðisbætur.
- Að öll sem búa í íbúðinni samþykki upplýsingagjöf til sveitarfélagsins.
Stuðningurinn er reiknaður út frá upphæð húsnæðisbóta og aðstæðum umsækjanda.
Félagslegar leiguíbúðir
Félagslegar leiguíbúðir eru fyrir einstaklinga og fjölskyldur sem eiga erfitt með að tryggja sér öruggt húsnæði og uppfylla ákveðin skilyrði Kópavogsbæjar.
Sérstakur húsnæðisstuðningur
Ekki þarf að sækja sérstaklega um þennan stuðning
Ef umsókn um húsnæðisbætur er samþykkt er sjálfkrafa metið hvort umsækjandi eigi rétt á sérstökum húsnæðisstuðningi.
Húsnæðisstuðningi er ætlað að styðja þau sem bera hlutfallslega hæstan húsnæðiskostnað miðað við tekjur, sérstaklega tekju- og eignaminni leigjendur.
Húsnæðis- og mannvirkjastofnun sér um afgreiðslu umsókna og greiðir stuðninginn út með sama hætti og húsnæðisbætur.
Sérstakur húsnæðisstuðningur er reiknaður sem hlutfall af almennum húsnæðisbótum. Óskertur stuðningur er 90% af upphæð almennra húsnæðisbóta og er greiddur af Kópavogsbæ.
Samanlagt hámark almennra húsnæðisbóta og sérstaks húsnæðisstuðnings er 102.000 kr. á mánuði.
Sérstakur húsnæðisstuðningur getur lækkað eða fallið niður ef eitt eða fleiri af eftirfarandi á við:
- Húsnæðiskostnaður að frádregnum bótum er 62.000 kr. eða lægri á mánuði
- Samanlagðar bætur fara yfir 75% af húsnæðiskostnaði
- Húsnæðiskostnaður er 20% eða lægra hlutfall af skattskyldum tekjum
Stuðningur greiðist aðeins að þeim mörkum sem þessi skilyrði leyfa.
Húsnæðiskostnaður er sá hluti leigu sem greiddur er fyrir afnot af húsnæði.
Kostnaður eins og hússjóður, hiti og rafmagn telst ekki með.Við sérstakar aðstæður er hægt að sækja um undanþágu frá skilyrðum til velferðarsviðs Kópavogs.