Vatnsendahvarf

Sé eitthvað óljóst er hægt að senda inn fyrirspurnir inni í útboðskerfinu sem verður svarað á tilboðstímanum. Svör við fyrirspurnum birtast öllum í útboðskerfinu sem sótt hafa úthlutunarskilmálana. Ekki sést hver fyrirspyrjandinn er þegar fyrirspurnum er svarað.

Sótt er um lóð í gegnum útboðskerfi Kópavogsbæjar, TendSign.is.

Leiðbeiningar fyrir útboðskerfi Kópavogsbæjar, TendSign.is

Sótt er um lóð í gegnum útboðskerfi Kópavogsbæjar, TendSign.is.

Leiðbeiningar fyrir útboðskerfi Kópavogsbæjar, TendSign.is

Athugið að það er á ábyrgð tilboðsgjafi að kynna sér öll framlögð gögn er varða úthlutun lóða.

Gagnlegir hlekkir:

Reglur um úthlutun lóða í Kópavogsbæ.

Úthlutunarskilmálar Vatnsendahvarfs

Deiliskipulag Vatnsendahvarfs.

Deiliskipulag Vatnsendahvarfs, greinargerð.

Deiliskipulag Vatnsendahvarfs, breytt skipulag.

Jarðtækniskýrsla - Vatnsendahvarf, jarðtæknilegar aðstæður og hönnunarforsendur.

Útboðskerfi kynnt vegna lóða í Vatnsendahvarfi - upptaka af kynningarfundi.

Dæmi á álagningarseðli fyrir einbýlis- og parhús Vatnsendahvarfs - uppfært.

Yfirlitsmynd af Vatnsendahvarfi sem sýnir Arnarnesveginn.

Reglur um úthlutun lóða í Kópavogsbæ

Úthlutunarskilmálar Vatnsendahvarfs.

Á kortavef Kópavogsbæjar er hægt að sjá staðsetningu Vatnsendahvarfs og lóðirnar, ásamt mæliblöðum. 
Til þess að sjá afmörkun lóða, ýtið á flipa merktan landeignir (lóðir) og hakið svo í landeignir.

Til þess að sjá uppdrætti þarf að haka í teikningar af byggingum.  ATH að hafa ekki hakað í lóðarmörk á sama tíma. 

Einbýlishúsalóðir eru 19.

Parhúsalóð er 1.

Raðhúsalóðir eru 2.

Athugið að í par-, raðhúsalóðum er gert ráð fyrir að boðið sé í fleiri en eina lóð í sama tilboði.

Lóðir í H-hvörfum eru nú þegar byggingarhæfar.

Í S-hvörfum er áætlað að lóðir verði orðnar byggingarhæfar í apríl 2026.

Í jarðtækniskýrslu sem Efla vann má finna upplýsingar um jarðveg á svæðinu. Rannsóknir á svæðinu gefa til kynna að aðstæður séu nokkuð einsleitar hvað jarðlagaskipan varðar og eru jarðlagaþykktir og eiginleikar jarðvegs svipaðar. Jökulruðningur ofan á klöpp er ríkjandi innan svæðisins. Ofan á jökulruðningnum er svo misþykkt lag af lífrænum fokmold.

Vegna jarðfræðilegra og jarðtæknilegra aðstæðna, eiginleika jökulruðningsins er skipulagsvæðið metið í Jarðtækniflokk 2. Gert er ráð fyrir að mannvirki verði grunduð á klöpp eða fyllingu á fastan botn.

Jarðtækniskýrsla - Vatnsendahvarf, jarðtæknilegar aðstæður og hönnunarforsendur.

Vanda skal til allrar hönnunar, frágangs bygginga og lóða. Við hönnun húsa og lóða skal aðlaga byggingar að landhalla og miða við að hvoru tveggja falli sem best að því landi sem fyrir er á viðkomandi lóð. Leitast skal við að skapa skjólgóð dvalarsvæði við byggingar sem snúa móti sólu. Hönnuðir skulu kynna sér hönnun aðliggjandi húsa með það í huga að skapa gott sampil hvað varðar efnisval og frágang.

Einn og sami hönnuður skal vera að sambyggðum byggingum, svosem par- og raðhúsum og byggingum sem standa á sömu lóð. Gæta skal samræmis í hönnun og gerð þeirra hvað varðar útlit og frágang, þar á meðal þakhalla, þakfrágang, efnisval, áferð og litaval á einstökum byggingarhlutum. 

Lóðarhafar skuldbinda sig til þess að byggja hús í samræmi við gildandi deiliskipulag og sérskilmála. 

Vatnsendahvarf er einstaklega vel staðsett hverfi með mikilli þjónustu í næsta nágrenni, svo sem skóla, verslun og þjónustu. Þá eru margvíslegir möguleikar til íþróttaiðkunar og útivistar í næsta nágrenni.

Græni geirinn liggur í gegnum Vatnsendahvarf, frá suðaustri til norðvesturs og tengist útivistar og útsýnisreit á háholtinu þar sem gamla útvarpsstöðin stóð áður. Núverandi gróður og náttúra fléttast inn í opin svæði eftir aðstæðum.

Fyrirhugaður leikskóli og grunnskóli fyrir 1. til 4. bekk verður miðsvæðis í hverfinu.

Á háholtinu er gert ráð fyrir útivistarsvæði og hundagerði sem fléttast inn í byggð og grænan geira.

Í Vatnsendahvarfi verða 500 íbúðir í fjölbýli og sérbýli og fellur byggðin vel að nágrenninu. Húsin eru í mesta lagi þrjár hæðir.

Deiliskipulag Vatnsendahvarfs sýnir hvernig hverfið er skipulagt.

Hlekkir á deiliskipulag Vatnsendahvarfs:

Deiliskipulag Vatnsendahvarfs.

Deiliskipulag Vatnsendahvarfs, greinargerð.

Deiliskipulag Vatnsendahvarfs, breytt skipulag.

Það verður leik- og grunnskóli í Vatnsendahvarfi fyrir börn á aldrinum 1 til 9 ára í sama húsnæði. Gert er ráð fyrir að Vatnsendahvarf tilheyri skólahverfi Vatnsendaskóla. Börn frá 5. til 10. bekk grunnskóla munu því að loknum 4. bekk fara í 5. bekk í Vatnsendaskóla og ljúka grunnskólagöngu þar. Hörðuvallaskóli er álíka langt frá hverfinu og foreldrum og forsjáraðilum mun standa til boða að velja þann skóla þrátt fyrir að skólahverfið tilheyri Vatnsendaskóla.

Ekið verður í Vatnsendahvarf um Kambaveg og Turnahvarf. 

Á kortavef Kópavogs er hægt að skoða staðsetningu hverfisins. 

Vegagerðin vinnur að lokaáfanga Arnarnesvegar sem liggur milli Rjúpnavegar og Breiðholtsbrautar en Arnarnesvegur mun bæta samgöngur í efri byggðum Kópavogs. Áætluð verklok eru árið 2026.

Yfirlitsmynd af Vatnsendahvarfi sem sýnir Arnarnesveginn.

Vatnsendahvarf afmarkast af Arnarnesvegi, Kleifakór, Álfkonuhvarfi og Turnahvarfi. 

Á kortavef Kópavogs er hægt að skoða staðsetningu.

Já, þegar boðið er í parhúsalóð er boðið í bæði hús og lóðunum úthlutað saman.