Vinátta og gleði í Kópavogi
Haldið var upp á Vináttudaginn í skólum Kópavogs í tilefni af Alþjóðadegi gegn einelti.
Nemendur leik-og grunnskóla í Kópavogi og starfsfólk skólanna fögnuðu vináttunni með ýmsum viðburðum í tilefni Alþjóðadags gegn einelti, 8. nóvember.
Daginn bar upp á sunnudag í ár og var því ýmist haldið upp á hann föstudaginn 6. nóvember eða mánudaginn 9.nóvember.
Ýmis konar dagskrá var í skólahverfum Kópavogs og er markmiðið að stuðla að jákvæðum samskiptum og vekja athygli á mikilvægi virðingar og vináttu.
Víða sameinuðust leik- og grunnskólabörn í göngu og sums staðar var boðið upp á skemmtiatriði. Í íþróttahúsinu Digranesi söng skólakórinn og svo mætti leynigesturinn Páll Óskar sem flutti lagið Eitt af blómunum og fleiri af sínum lögum við góðar undirtektir nemenda úr Álfhólsskóla, og leikskólunum Fögrubrekku, Efstahjalla og Álfaheiði.
Vináttudagur hefur eru haldinn hátíðlegur í Kópavogi frá árinu 2012 og því mikil hefð sem skapast hefur fyrir því að fagna vináttunni og berjast gegn einelti.
