Bæjarráð - 2846. fundur

Frá sviðsstjóra umhverfissviðs, dags. 15. nóvember, lögð fram umsókn um lóðina Turnahvarf 4 frá Eignarhaldsfélaginu Ögur ehf., kt. 550600-3580. Umsækjandi sækir einnig um lóðina Turnahvarf 2. Umsókn félagsins er eina fullnægjandi umsóknin um lóðina Turnahvarf 2. Því er lagt er til að umsókn félagsins um lóðina Turnahvarf 4 verði ekki tekin til afgreiðslu á grundvelli þess að gefa fleirum kost á lóðaúthlutun. Lagt er til við bæjarráð að hafna umsókn félagsins um úthlutun lóðarinnar Turnahvarf 4.

Bæjarráð hafnar umsókn Eignarhaldsfélagsins Ögur ehf. um úthlutun lóðarinnar Turnahvarf 4.

Frá sviðsstjóra umhverfissviðs, dags. 15. nóvember, lögð fram umsókn um lóðina Turnahvarf 4 frá Malarhús ehf., kt. 410411-1560. Umsækjandi sækir um lóðina Turnahvarf 2 til vara. Lagt er til við bæjarráð að dregið verði milli þeirra aðila sem hafa skilað fullnægjandi gögnum vegna úthlutun lóðarinnar Turnahvarf 4.

Fulltrúi Sýslumannsins á höfuðborgarsvæðinu var boðaður til fundarins til að sjá um útdrátt á milli umsækjenda. Útdráttur var færður í gerðarbók sýslumanns. Dregin var umsókn Fag Bygg ehf.

Bæjarráð samþykkir með fimm atkvæðum að gefa Fag Bygg ehf. kost á byggingarrétti á lóðinni Turnahvarfi 4 og hafnar umsókn Malarhúss ehf. og vísar málinu til bæjarstjórnar.

Frá sviðsstjóra umhverfissviðs, dags. 15. nóvember, lögð fram umsókn um lóðina Turnahvarf 4 frá Fag Bygg ehf., kt. 480115-0310. Umsækjandi sækir um lóðina Turnahvarf 2 til vara. Lagt er til við bæjarráð að dregið verði milli þeirra aðila sem hafa skilað fullnægjandi gögnum vegna úthlutun lóðarinnar Turnahvarf 4.

Fulltrúi Sýslumannsins á höfuðborgarsvæðinu var boðaður til fundarins til að sjá um útdrátt á milli umsækjenda. Útdráttur var færður í gerðarbók sýslumanns. Dregin var umsókn Fag Bygg ehf.

Bæjarráð samþykkir með fimm atkvæðum að gefa Fag Bygg ehf. kost á byggingarrétti á lóðinni Turnahvarfi 4 og vísar málinu til bæjarstjórnar.

Hlé var gert á fundi kl. 8.25. Fundi var fram haldið kl. 9.55. <br />Kl. 9.55 vék Pétur Hrafn Sigurðsson af fundi og tók Ása Richardsdóttir sæti hans.

Verkefnastjóri stefnumótunar gerði grein fyrir stöðu mála í þeirri stefnumótunarvinnu sem nú er hafin hjá bænum.

Frá bæjarstjóra, lagðar fram tillögur að gjaldskrám 2017.

Bæjarráð vísar afgreiðslu gjaldskráa til bæjarstjórnar.

Frá fjármálastjóra, dags. 15. nóvember, lagt fram erindi þar sem óskað er eftir heimild bæjarráðs til að selja félagslegt húsnæði að Engihjalla 11.

Bæjarráð vísar málinu til bæjarstjórnar til afgreiðslu.

Bæjarráð áréttar að samkvæmt stefnu bæjarstjórnar í húsnæðismálum verði söluandvirði íbúða ráðstafað til kaupa á nýju félagslegu húsnæði. Bæjarráð óskar eftir að kaup á íbúðum, samkvæmt framangreindu verði kynnt í bæjarráði.

Frá jafnréttisráðgjafa, dags. 9. nóvember, lagt fram erindi um endurskoðun á eineltisstefnu Kópavogsbæjar ásamt eintaki af uppfærðri eineltisstefnu bæjarins.

Bæjarráð samþykkir framlagða eineltisstefnu Kópavogsbæjar fyrir sitt leyti og vísar málinu til bæjarstjórnar.

Frá sviðsstjóra menntasviðs, dags. 15. nóvember, lögð fram drög að lýðheilsustefnu Kópavogsbæjar ásamt drögum að greiningarskýrslu og aðgerðaráætlun.

Bæjarráð vísar erindinu til umsagna fastra nefnda bæjarins.

Frá sviðsstjóra umhverfissviðs, dags. 14. nóvember, lögð fram umsókn um lóðina Álmakór 11 frá Ólafi Valdimar Júlíussyni, kt. 271078-2349. Lagt er til að bæjarráð samþykki úthlutun lóðarinnar til umsækjanda, enda fellur umsóknin að kröfum Kópavogsbæjar fyrir úthlutun.

Bæjarráð samþykkir með fimm atkvæðum að gefa Ólafi Valdimar Júlíussyni kost á byggingarrétti á lóðinni Álmakór 11 og vísar málinu til bæjarstjórnar.

Frá sviðsstjóra umhverfissviðs, dags. 15. nóvember, lögð fram umsókn um lóðina Turnahvarf 2 frá Morgan ehf., kt. 500414-0810. Lagt er til við bæjarráð að umsókninni verði hafnað á grundvelli ófullnægjandi gagna.

Bæjarráð hafnar umsókn Morgan ehf. um úthlutun lóðarinnar Turnahvarf 2.

Frá sviðsstjóra umhverfissviðs, dags. 15. nóvember, lögð fram umsókn um lóðina Turnahvarf 2 frá Eignarhaldsfélaginu Ögur ehf., kt. 550600-3580. Umsækjandi sækir einnig um lóðina Turnahvarf 4. Umsókn félagsins er eina fullnægjandi umsóknin um lóðina Turnahvarf 2. Því er lagt er til að umsókn félagsins um lóðina Turnahvarf 4 verði ekki tekin til afgreiðslu á grundvelli þess að gefa fleirum kost á lóðaúthlutun. Lagt er til að bæjarráð samþykki úthlutun lóðarinnar Turnahvarf 2 til umsækjanda, enda fellur umsóknin að kröfum Kópavogsbæjar fyrir úthlutun.

Bæjarráð samþykkir með fimm atkvæðum að gefa Eignarhaldsfélaginu Ögur ehf. kost á byggingarrétti á lóðinni Turnahvarfi 2 og vísar málinu til bæjarstjórnar.

Frá Jöfnunarsjóði sveitarfélaga, dags. 8. nóvember, lögð fram tilkynning um áætlaða úthlutun framlags vegna sérþarfa fatlaðra nemenda í grunnskólum fjárhagsárið 2017.

Bæjarráð vísar málinu til fjármálastjóra til afgreiðslu.

Frá Brynju hússjóði Öryrkjabandalagsins, dags. 14. nóvember, lögð fram umsókn um stofnframlag skv. lögum um almennar íbúðir vegna kaupa á íbúðum í Kópavogi á árinu 2017.

Bæjarráð vísar málinu til bæjarlögmanns til úrvinnslu.

Frá Mæðrastyrksnefnd Kópavogs, dags. í nóvember 2016, lögð fram beiðni um styrk til starfseminnar.

Bæjarráð vísar málinu til bæjarritara til afgreiðslu.

Frá Neytendasamtökunum, dags. 8. nóvemer, lögð fram beiðni um styrk til starfseminnar að fjárhæð kr. 170.850 vegna ársins 2017.

Bæjarráð hafnar erindinu.

200. fundur afgreiðslna byggingarfulltrúa í 5. liðum.

Lagt fram.

201. fundur afgreiðslna byggingarfulltrúa í 5. liðum.

Lagt fram.

64. fundur íþróttaráðs í 2. liðum.

Lagt fram.

Frá deildarstjóra íþróttadeildar, dags. 15. nóvember, lögð fram til samþykktar drög að lögum fyrir Samstarfsvettvang íþróttafélaga í Kópavogi sem samþykkt voru á fundi íþróttaráðs þann 29. september sl.

Bæjarráð vísar erindinu til afgreiðslu bæjarstjórnar.

64. fundur lista- og menningarráðs í 3. liðum.

Lagt fram.

436. fundur stjórnar SSH í 8. liðum.

Lagt fram.

Frá SSH, dags. 14. nóvember, lögð fram tillaga að samkomulagi aðildarsveitarfélaga um undirbúning og innleiðingu nýs hágæða almenningssamgöngukerfis á höfuðborgarsvæðinu (Borgarlínan) sem samþykkt var að senda til efnislegrar umfjöllunar og afgreiðslu aðildarsveitarfélaga á fundi stjórnar SSH þann 7. nóvember sl.

Bæjarráð vísar erindinu til bæjarstjórnar til afgreiðslu.

Birkir Jón Jónsson lagði fram eftirfarandi bókun:

"Hvenær hyggst bæjarstjóri kalla saman starfshóp um stofnun öldungaráðs? Félag eldri borgara í Kópavogi tilnefndi sína fulltrúa þann 29. apríl sl. en starfshópurinn hefur ekki enn verið kallaður saman.

Birkir Jón Jónsson"

Ármann Kr. Ólafsson, bæjarstjóri, lagði fram eftirfarandi bókun:

"Þann 16. nóvember sl. var boðað til fundar í starfshópi um öldungarráð þann 29. nóvember. Fulltrúi minnihlutans og þar með Framsóknarflokksins í þeim hópi fékk það fundarboð og svaraði því strax í gær að hann gæti mætt til fundar.

Ármann Kr. Ólafsson"

Ása Richardsdóttir lagði fram eftirfarandi bókun:

"Undirrituð ítrekar ósk Péturs Hrafns Sigurðssonar bæjarfulltrúa, um að fá arkitekta er stóðu að vinningstillögunni um Kársnes, á fund bæjarráðs.

Ása Richardsdóttir"