Bæjarráð - 2936. fundur

Frá bæjarritara, dags. 16. nóvember, lagt fram erindi þar sem óskað er heimildar bæjarráðs til að auglýsa starf starfsmannastjóra bæjarins laust til umsóknar.

Bæjarráð veitir heimild til að auglýsa laust til umsóknar starf starfsmannastjóra bæjarins með fimm atkvæðum.

Frá sviðsstjóra menntasviðs, dags. 8. október, lagt fram til samþykktar erindi með tillögum um samstarf Kópavogsbæjar og Skógræktar Kópavogs um nýtingu Guðmundarlundar. Bæjarráð óskaði eftir því að sviðsstjórar mennta- og umhverfissviðs myndu mæta á næsta fund ráðsins.

Lagt fram.

Sviðsstjórum mennta- og umhverfissviðs falið að vinna áfram með málið.

Frá deildarstjóra rekstrardeildar, dags. 27. nóvember, lagðar fram til samþykktar breytingar á afgreiðslu sérstaks húsnæðisstuðnings í samvinnu við Íbúðalánasjóð og samningsdrög að þjónustusamningi milli aðila þar að lútandi.

Bæjarráð frestar afgreiðslu til næsta fundar og óskar eftir að sviðsstjóri velferðarsviðs mæti til næsta fundar bæjarráðs.

Frá lögfræðideild, dags. 23. nóvember, lagt fram bréf Sýslumannsins á höfuðborgarsvæðinu, dags. 6. nóvember, þar sem óskað er umsagnar um umsókn Steinakúnstar ehf. um rekstrarleyfi fyrir gististað í flokki II, að Fellahvarfi 24, 203 Kópavogi, skv. 10. gr. laga nr. 85/2007 um veitingastaði, gististaði og skemmtanahald, sbr. 26. gr. reglugerðar nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn, sem umsagnaraðili, staðfesta að afgreiðslutími staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð veitir neikvæða umsögn með vísan til minnisblaðs lögfræðideildar með fimm atkvæðum.

Frá lögfræðideild, dags. 23. nóvember, lagt fram bréf Sýslumannsins á höfuðborgarsvæðinu, dags. 21. nóvember, þar sem óskað er umsagnar um umsókn Sviðslistahópsins 16 Elskendur, kt. 570708-0150, um tækifærisleyfi vegna leiksýningar dagana 8-14. desember, frá klukkan 20:00-22:00, í Læknavaktinni að Smáratorgi 1, Kópavogi, skv. 17. gr. laga nr. 85/20017 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá lögfræðideild, dags. 27. nóvember, lagt fram bréf Sýslumannsins á höfuðborgarsvæðinu, dags. 27. nóvember, þar sem óskað er umsagnar um umsókn Breiðabliks, kt. 480169-0699, um leyfi fyrir áramótabrennu við Smárahvamm í Kópavogi á gamlárskvöld 31. desember 2018 kl. 20:30.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá lögfræðideild, dags. 27. nóvember, lagt fram bréf Sýslumannsins á höfuðborgarsvæðinu, dags. 23. nóvember, þar sem óskað er umsagnar um umsókn Árna Þórs Árnasonar, kt. 240366-5179, um leyfi fyrir áramótabrennu ofan við Gulaþing í Kópavogi á gamlárskvöld 31. desember 2018 kl. 20:30.

Bæjarráð samþykkir með fimm atkvæðum að veita jákvæða umsögn með vísan til minnisblaðs lögfræðideildar.

Frá verkefnastjóra stjórnsýslusviðs, dags. 23. nóvember, lögð fram tillaga að afgreiðslu umsóknar Glímufélagsins Ármanns um styrk til greiðslu fasteignaskatts. Lagt er til að styrkumsókn að upphæð kr. 1.262.432,-. verði samþykkt enda fellur starfsemi félagsins að reglum Kópavogsbæjar um styrkveitingar.

Bæjarráð samþykkir með fimm atkvæðum styrk að upphæð kr. 1.262.432,-. til greiðslu fasteignaskatts á fasteign Glímufélagsins Ármanns.

Frá bæjarstjóra, dags. 28. nóvember, lagt fram svar við fyrirspurn varðandi Guðmundarlund.

Lagt fram.

Frá heilbrigðiseftirliti Hafnarfjarðar- og Kópavogssvæðis, dags. 1. október, lögð fram fjárhagsáætlun fyrir árið 2019.

Bæjarráð vísar erindinu til fjármálastjóra til úrvinnslu.

Frá heilbrigðiseftirliti Hafnarfjarðar- og Kópavogssvæðis, lagðar fram tillögur um breytingar á gjaldskrám vegna matvæla-, heilbrigðis- og mengunareftirlits og vegna hundahalds.

Bæjarráð vísar tillögu að gjaldskrám heilbrigðiseftirlits 2019 til bæjarstjórnar til afgreiðslu.

Frá Skógræktarfélagi Kópavogs, dags. 16. nóvember, lagt fram erindi um stuðning vegna byggingu grillskála á útivistarsvæði í Guðmundarlundi.

Bæjarráð sér sér ekki fært að verða við erindinu.

Frá Hjálparsveit skáta í Kópavogi, dags. 23. nóvemer, lagt fram erindi þar sem óskað er eftir leyfi fyrir flugeldasölu á þremur stöðum í bænum.

Bæjarráð samþykkir með fimm atkvæðum að vísa málinu til afgreiðslu bæjarlögmanns.

Frá Hjálparsveit skáta í Kópavogi, dags. 23. nóvmber, lagt fram erindi þar sem óskað eftir umsögn bæjaryfirvalda vegna flugeldasýningar í Kópavogsdal á íþróttasvæði Breiðabliks þann 31. desember 2018 milli kl. 21-21:30 og leyfi til að halda flugeldasýninguna á fyrrgreindum stað.

Bæjarráð samþykkir erindið með fimm atkvæðum.

Frá brennunefnd íbúa í Þingahverfi, dags. 21. nóvember, lögð fram beiðni um styrk vegna áramótabrennu í efri byggðum Kópavogs til að mæta útgjöldum í formi leyfisgjalda og trygginga að fjárhæð kr. 90.000.-.

Bæjarráð samþykkir erindið með fimm atkvæðum.

Fundargerð í 11. liðum.

Lagt fram.

Fundargerð í 4. liðum.

Lagt fram.

Pétur Hrafn Sigurðsson lagði fram eftirfarandi fyrirspurn:

"Fyrir fundinum liggur fundargerð leikskólanefndar þar sem fram koma svör menntasviðs við fyrirspurn fulltrúa Samfylkingarinnar í nefndinni.

Þar sem svör við sumum spurninganna eru í besta falli óskýr óska ég eftir svörum á næsta fundi bæjarráðs við neðangreindum spurningum.

Hver er kostnaður Kópavogsbæjar við rekstur leikskóla á árinu 2018. Hver er áætlaður kostnaður við rekstur leikskóla í Kópavogi á árinu 2018 ef allar stöður í skólunum væru mannaðar. Miða skal við núverandi hlutfall faglærðra og ófaglærðra.

Hvað hafa borist margar umsóknir um leikskólavist frá forráðamönnum barna í Kópavogi sem fædd eru í júní 2017 og síðar, sundurliðað eftir fæðingarmánuðum barnanna. Óskað er eftir að fá upplýsingar um hvernig og hvar slíkur listi er vistaður í kerfum Kópavogsbæjar. Enn fremur er óskað upplýsinga um undir hvaða nafni slíkur listi gengur fyrst ákveðið hefur verið að kalla hann ekki biðlista.

Pétur Hrafn Sigurðsson"

Fundargerð í 7. liðum.

Lagt fram.

Fundargerð í 6. liðum.

Lagt fram.

Fundargerð í 5. liðum.

Lagt fram.

Fundargerð í 11. liðum.

Lagt fram.

Fundargerð í 6. liðum.

Lagt fram.

Frá Sigurbjörgu Erlu Egilsdóttur bæjafulltrúa, tillaga um aukið aðgengi að upplýsingum sem felur að á vef bæjarins megi nálgast yfirlit yfir þau mál sem bæjarfulltrúar hafa lagt fram og eru til afgreiðslu inn í stjórnsýslunni. Þetta felur ekki endilega í sér birtingu gagna umfram það sem kemur fram í fundargerðum nú þegar, heldur snýr fyrst og fremst að því að þau séu aðgengileg á einum stað svo auðveldlega megi sjá hvaða mál eru í ferli og hvar þau eru stödd í kerfinu. Vönduð meðferð og miðlun upplýsinga eru afar mikilvægir þættir í starfsemi sveitarfélaga og með þessu móti eykst gagnsæi og skilvirkni í stjórnsýslunni.

Bæjarráð vísar erindinu til bæjarritara til úrvinnslu.